TU ZAN CIANGIN NORTH AMERICA AH QUADRANTID METEOR SHOWER KIMU THEI DING

TU ZAN CIANGIN NORTH AMERICA AH QUADRANTID METEOR SHOWER KIMU THEI DING

Jan. 3, 2017: Kum sim in January kha bul pawlin space panin suang them leng vakte (meteor) hong leng zel a, tu kum in zong North America ah hih bangin suang them leng, en aksi leng i cihte pawl Quadrantid meteor stream/shower kici kimu thei ding a, Mississippi River kiim-a teng ten lim takin na mu thei diak se ding uh hi.

Hih Quadrantid meteor shower kicite pen Bootes (tuucingpa/shepherd a cihna) aksi lom om khawm constellation kicite omna leilu-nisuahna lam panin hong leng thei zel a, tua hong lengte pen "Bootids" kici hi. Kum zalom 18 lai-in Quadrans Muralis ("Mural or Wall Quadrant" pen astronomical instrument hi) kicihna mun-a aksi lom om khawm panin aksi mei nei bangin hong leng a, 1795 in J.J. Lalande in a na muh khiat masak ahi hi.

Brussels Observatory Adolphe Quetelet ten 1830s Quadrantid meteor shower in the 1830s in na mu kik uh a, tua khit a sawt loin Europe leh Ameicate' astronomers in na mu kik uh a, tua khit nungin hih aksi them leng (a taktak in space panin lei-ah hong kia suang themte hi zaw a, mikang ten meteors ci uh hi), a min dingin in "Quadrantids" cih kiphuak hi.

Hih Quadratids kicite pen aksi mei nei si khin sate them (remnants of a long-dead comet) ahi hi. Tu zan ciangin (Tuesday zan US standard time ah) Quadrantid tampi kimu thei dinga, a beisa in nai kal khatin aksi them 60-120 bang kimu thei zel a, a mel pen dum (blue) hi. 2003 in NASAte' astronomer Peter Jenniskens leitung kiangah aksi them asteroid kicite near-Earth asteroid 2003 EH1 kici Quadrantids tawh kibang hi a cih hangin astronomers pawl khat ten tuate pen a lui, a mangthang khin aksi mei neite (piece of an old, "extinct" comet) hi a, Chinese, Korean and Japanese observers ten 1490-91 kiim-a a muhte uh hi ci hi.

Tu kum-a Quadrantid meteor shower kimu dingte pen Jan. 3 leh Jan. 4 North America continent nitumna lamah kimu ding a, Quadrantid meteor shower a tam pen hun (a lom) 1400 GMT Tuesday ( 9 a.m. Eastern Time, 6 a.m. Pacific Time) in kimu thei ding a, a vak bek pen phalvak kuan panin kimu thei ding hi. Eastern half of North America phalvak kuan (bright morning twilight) leh nisuah ma-in mu thei ding uh hi. Tu kum in zong aksi lom them leng 60 panin 120 kikal nai kal khat sung bekin kimu thei ziahziah ding hi. Kha pen neu lai mahmah ahih manin tu kum-ate muhnop mahmah ding hi.

Source : Space.Com

INDIA IN AGNI-IV MISSILE SITNA NEI KIK LEULEU

INDIA IN AGNI-IV MISSILE SITNA NEI KIK LEULEU

Jan. 3, 2016: India in long-range strategic missile Agni-IV missile kici zan sun nai 12 in Addul Kalam Island, Damra khua a om Odisha stare tuipi pangin lawhcing takin sitna (test) nei kik hi.

Hih Agni-IV missile pen ton 1 a gik hi a, a hatna range pen Km. 4000 dong kap kha ding hi. India in Agni-IV pen India in 3,000 km leh 3,500 km kap kha ding sitna na nei khin zo hi.

Hih Agni IV pen road-mobile launcher panin a kikapkhiat ahi hi. India in Agni -IV pen galkap (army)-te zat dingin apkhia khin zo a, 2011 leh 2012 in nga vei sitna na nei khin zo a, 2014 leh 2015 in nih vei tuak na sit khin zo hi. A beisa in a sitte pen a range 3,000 panin 3,5000 km kap kha ding sitna na nei a, zan-a a sit kik pen km. 4,000 dong kap kha ding ahi hi. India in Dec. 26 in zong km. 5,0000 dong kap kha ding intercontinental ballistic missile kici sitna na nei a, leitungah Russia, US, China leh France bekin Agni -V banga hat missile nei pan hi. Agni-V pen 17.5m (57ft) in sang a, tonnes 50 in gik hi. Agni pen Sanskirit leh Hindi pau panin a kila hi a, "meikuang (fire)" acihna ahi hi.

India in missile hatzaw sem Agni _VI a bawl san lai tak hi a, tu kum sungin sitna neih sawm hi.

Source : The Hindu