SYRIATE INTELLIGENCE TEN US LEH A PAWL TEN SYRIA GALKAPTE A KAP LAI UN IS-TE TAWH A KIHONA UH ZA

SYRIATE INTELLIGENCE TEN US LEH A PAWL TEN SYRIA GALKAPTE A KAP LAI UN IS-TE TAWH A KIHONA UH ZA

Sept. 27, 2016: US leh a pawl ten Sept. 17 in Syria galkapte Deir ez-Zor ah bomb khiat in galkap 62 a sih banah 100 in liamna tuak hi. Tua ma-in vanleng hawlte leh ISte kihona Syrian intelligence ten khaktan (intercept) uh a, a ngim in a kap mah uh hi ci-in People’s Council of Syria Chairman Hadiya Khalaf Abbas in gen hi ci-in Al Mayadeen channel in suaksak hi.

RT reports in zong People’s Council speaker in Syria ulian ten US makai US Coalition Forces ten Syria galkapte bomb a khiat ma lian un vanleng hawlte tawh ISte a kihona uh recording kem uh a, Syria galkapte a tup mawng in a kap uh hi ci hi. Khalaf Abbas in hih recording tawh kisai a kician in a sawt loin Syria kumpi in suaksak ding hi ci hi.

Syria galkap ten Sept. 17 in Deir ez-Zor ah ISte a umcih lai tak un US leh a pawlte' vanleng in bomb va khiat uh ahi hi. US leh a pawl ten tatsat loin bomb khiat uh a, Russia galkap ten USte tam veipi thu a zaksak khit nungin khawl pan uh hi. Tua khitin IS ten Syria galkapte panmun va nawk uh hi.

US ten hih airstrike pen piang mah a, tuahsiatna hang tawh a piang kha (accident) hi ci napi maisakna ngen lo hi. Hih thu hangin Syria gam-a ceasefire guaksuak zo hi. Syrian Foreign Minister Walid Muallem in hih thupiang panin US leh a pawlte pen IS leh terrorist pawl tuamtuamte tawh kipawl taktak uh hi cih kitel hi ci hi.

-Your News Wire

NIPINI (SUNDAY) HONG PIANKHIAT ZIA

NIPINI (SUNDAY) HONG PIANKHIAT ZIA

Ni dang lai-in Nipini pen Ni (Sun) ni ci-in na kiciamteh a, kumpi in zong a tuam in ciamteh se loin ni mawkmawk ni bangin na kizang lel hi. Ahih hangin March 7, 321 AD in Roman Kumpi 57na leh Roman Kumpi gam 306 AD panin 337 AD kikal sung a uk Constantine I (Constantine the Great ahih kei leh Saint Constantine zong a kicipa; Latin in Flavius Valerius Aurelius Constantinus Augustus kici) in Nipini pen kumpi’ khawlni (official day) dingin na pulak ahih manin tua ni-in zumkong mangkong khempeuh na kikhak hi.

AD 4 kipat cil in Kumpi Constantine in Roman Kumpi in a ukna sung khempeuh ah Nipini in mipi’ pawi (public festival) a kizatna dingin thukham khauh mahmah (decree) khat na bawl leuleu a, hih Ni ni (Sunday, i.e. Nipini) thu-um lo (heathens/pagans) leh Khristian ten zahtakna pia in khawni dingin na zang khawm thei ta uh hi.

Constantine in Nipini pen thu-um lote leh Khristiante ngaihsutna kibang lote leh kitukalh khempeuh a kibat theihna ding leh pumkhat a suah theihna dingin khawlni dingin thukham a bawl ahi hi.

Ahih hangin Kumpi Constantine in ama’ ngaihsutna tawh hi bangin a vaihawm hi ziau lo hi Thu um lo khempeuh in Khristian a san’/pom kim theihna ding uh leh biakna vai-ah zaa lian zaw leh thuneihna lian zaw sem bishop ten a neih theihna ding uh ngiamna tawh bishopte’ thuzawhna hang leh bishopte ngian hang hi zaw hi. Thu-um lo khempeuh thu-um (Khristian) hong suak le uh thu-ummi hong kibehlap in, i thuneihna hong khangin thuneihna lian zaw sem kinei ding hi cih geelna tawh bishop ten kumpi Constantine kiangah Nipini pen khawlni dingin a pulakna dingin a na thuzawh uh hi zaw hi.

Source - GC 53.1