I GAM I LEI-AH KILEMNA BANGCI LEH OM THEI DING?

I GAM I LEI-AH KILEMNA BANGCI LEH OM THEI DING?

Mahatma Gandhi in, "Mizawng pen leh mi thanem pen pa/nu' maitang na muh ciangin phawk in la, ama adingin ngimna leh geelna nei-in na kalsuanna in ama' phattuamna ding hi mah hiam cih ngaihsut in nei in," na ci hi.

Dipkuatna, patauhna, launa leh liin'na a piangsak gamtatna (terrorism), midangte siatna, liamna leh bai sakna dingin ngongtatna (violence), muhdahna leh huatna (hatred), a thu a la tel lopi-in minam dang leh midangte tungah a man lopi-in thukhensatna, galbawlna leh huatna (prejudice) a bei theihna dingin...

Huatna keh muhdahna (hate) panin kilem kituahna (harmony), suksiatna (destruction) panin laptohna/khantohna (upliftment/development), ngongtatna tawh midang khat, kipawlna khat, bawng khat liam sakna, thahna dinga muhdahna lianpi (vendatta) neihna tawh a kidim i leitang pen kilemna postcard tawh i laih ciang bekin i gam i lei ah kituah kilemna om thei pan ding a, khat leh khat tungah thupha i kibawl tuah ciang bekin khantohna hong piang thei pan bek ding hi. Khantohna hong om ciang bekin i gam i lei hong paallun zo pan ding hi.

I mawhna leh hih khialhnate imcip in, seelsim in kidiksakna ding bek leitan zon' den keei in, pangpalek bangin tungnun ding i kituh lai teng bel i gam i lei-ah kituahna leh kilemna om ngei lo ding a, kilemna hong teeng nuam ngei loin hong lawihsan den ding hi. Kiniamkhiatna tawh khat leh khat maipha i kizon ciangin ki-itna, kituahna leh kilemna eite lah ah hong teeng ding hi.

A lungnem mite in Pasian’ ciamsa leitang ngah ding uh ahih manin thupha ngah mi ahi uh hi. Midang a hehpih mite tungah Pasian in hehpihna pia ding ahih manin thupha ngah mi ahi uh hi. Kilemna ding deihin a hanciam mite in Pasian’ tate cihna ngah ding uh ahih manin thupha ngah mi ahi uh hi. (Matt. 5:5, 7, 9)

“Note pen leitung mite adingin ci tawh na kibang uh hi. Ahi zongin ci a alna bei leh i alsak kik theihna ding lampi om nawn lo hi. A kizatna ding bangmah om nawn lo a, mite’ tuatcilgawp dingin kipaai lel hi. “Note pen leitung mite adingin khuavak tawh na kibang uh hi. Mual dawn ah a om khua kiseelcip thei lo hi. Mei a vak khit ciangin kuamah in lawh khuh lo hi. Meivakna mun sangah koih zaw a, innsung khempeuh a taangsak hi. Midangte in na gamtatna hoihte uh a muh ciangin vantungah a om na Pa uh min a phat theihna dingun mite mai-ah na gamtat hoihna uh khuavak bangin na kilangsak un
(Matt. 5:13-16).

A nuai-a limte gel lim takin en in lungngai ni. I geelna, i muhna leh i ngaihsutna i laih ding tampi na om kha peelmawh ding hi.

✍️ Thang Khan Lian #ZUNs