BIAKINN AH PAI KEI IN....
🙏Pasian' khe phung-ah paak koih dingin biakinn a pai kei in.
Tua ma-in inn sungah itna leh migitna, citna, hehpihna (love and kindness) namtui kizeelsak masa in.
🙏Pasian' biak piakna tau tungah khuaimeivak de dingin biakinn ah pai kei in.
Tua ma-in na lungsim sunga mawhna khuamial, kiliatsakna leh angsung ding bek khualna (ego) paikhia masa in siansuah masa phot in.
🙏Thungen a lukun dingun biakinn ah pai kei in.
Tua ma-in na pianpih na mipihte mai-ah kiniamkhiatna tawh kun masa phot in la, khialhna na bawl khak mite' tungah maisakna ngen masa in.
🙏Khukdin in thungen dingin biakinn ah pai kei in.
Tua ma-in a kinengniam leh a kituancil mite laamto leh kaito dingin kunsuk masa in la, khangnote thakhauhsak masa phot in. Khangnote satzan in dengsuk gawp in gawizan (crush) kei in.
🙏Na mawhna hong kimaisakna ding ngen in biakinn ah pai kei in.
Tua ma-in nang hong nasak;liamsak (hurt) mite na lungsim ah maisak masa in.
Ref: Go not to the Temple by Gurudev Rabindranath Tagore - composer of Indian national anthem)
Zokam tawh a teisawn:
✍️ Thang Khan Lian
No comments:
Post a Comment