UN REPORT IN TURKEY IN IS-TE GALVAN TAWH HUHNA TAM PIA PEN CI

UN REPORT IN TURKEY IN IS-TE GALVAN TAWH HUHNA TAM PIA PEN CI

April 2, 2016: Russia in UN Security Council ah Turkeyte pen leitungah terrorism huhna a pia (sponsor) lian pen leh ISte tungah galvan tawh huhna tam a piakhia pen hi cih lim tawh lakin a teci ding (evidence) pia hi. Russian UN envoy Vitaly Churkin in ISte tungah galvan Turkey in gam dangte sangin tam pia zaw a, non-governmental organizations (NGOte) zangin galvan pua lutsak hi ci'n gen a, hih bangin Turkeyte gamtatna pen National Intelligence Organization of Turkey in encik hi ci'n gen beh hi.

RT.com in a genna ah Russian UN envoy Vitaly Churkin in Turkey in ISte galvan piakna dingin huhna vante puakna dinga kizang mawtawte (humanitarian aid convoys) zanga, Turkey in huhna van tuamtuam piakna dingin Syria gamah nung kumin mawtaw a lutsakte ah ISte galvan ding puasak a, hih banga huhna pia NGOte min pawlkhat zong UN Security Councilte lai a khakna ah tuangsak hi ci'n gen hi. ISte galvan piate lakah The Besar foundation President D. Sanli nasia takin 2015 in kigolh a, Turkmen minamte teenna Bayirbucak leh Kiziltepe (Damascus leilu lam panin 260 km a gamla) panin mawtaw 50 lutsak a, Iyilikder Foundation leh Foundation for Human Rights and Freedoms ten zong ISte galvan tam pia khia mahmah hi ci'n Vitaly Churkin in gen hi. Turkey ten ISte galvan a piakte pen Turkish-Syrian gamgi a om checkpoint tuamtuam leh Euphrates Lui panin pia hi ci'n gen beh hi. A beisa kha sungin zong Turkey in ISte galvan ding TOW anti-tank missile systems, RPG-7 grenade launchers, M-60 recoilless rifles,hand grenades, galvan tuamtuam leh thukizaktuahna dinga kizang van tuamtuam tampi pia a, nung kum bekin Syria ah terrorist kipawlna tuamtuamin bomb tuamtuam $1.9 million val man ding Turkeyte tung panin ngah hi ci hi.

Russian UN envoy Vitaly Churkin in a gen behna ah Turkey in 2015 Syria gam-a terroristte zat ding bomb bawlna dinga kizang ammonium nitrate 2,500 tons (a sum a tuatin US $788,700); potassium nitrate 456 tons ($468,700); aluminum powder 75 tons ($496,500); sodium nitrate ($19,400); glycerin ($102,500) leh nitric acid ($34,000) pia uh hi ci hi.

Hih ngawhnate hang Turkey gamtatna thu kan dingin international investigation neih ding nasia tain kiphut hi. Syrian President Bashar Assad in Syria gam-a kumpi lehdote pen Turkey president Recep Tayyip Erdogan' galkapte hi ci'n Sputnik ten a interviewna ah na gen hi. 2015 kum bei pawlin Russia galkap ten ISte ukna sungah Turkey gam panin datsi/namgimtui (oil) pua mawtaw (columns of oil tanker trucks) honpi maan satellite panin zaihin khahkhia a, gam dang panin IS, Al-Nusra Front leh terrorist kipawlna tuamtuam a lut ding ten Turkey gam tawmin a lut tam pen hi.

-Your News Wire

US IN RUSSIA GAM KIIM-A NATO-TE' EASTERN BORDER AH GALKAP KOIH SAWM TA

US IN RUSSIA GAM KIIM-A NATO-TE' EASTERN BORDER AH GALKAP KOIH SAWM TA

April 2, 2016: US ten Russia pen khauhpai mahmah (aggressive) hi ci'n NATO gamte nisuahna lam gamgi ah galkap 4,500, tank 250, kidona mawtaw - Bradley Fighting Vehicles kicite, thaupi -Paladin self-propelled howitzers kicite leh mawtaw 1,700 koih sawm uh hi. Hih bangin galkap koih leh Russia kiimah Cold War bei khit nung galkap tam a kikoih penna hi lai ding hi.

Vice News in a genna hih galkapte pen Estonia, Latvia, Lithuania, Poland, Romania, Bulgaria leh Hungary gamte ah galdo ding dan kisinna (military exercises) nei kawikawi ding uh hi ci'n US European Command in pulak hi ci'n pulak hi. US in hih gamte ah galkap sawl beh lai leh Europe continent sungah USte galkap 'fully manned brigades' a kici contingent thum a koih suak ding hi. US in Europe continent sungah galkap phual 21 ah galkap 62,000 koih khin zo a, nung diakin zong brigades hun khop sawl behbeh lai hi. US Deputy Secretary of Defense Robert Work in Wall Street Journalte kiangah a genna ah hih galkap kisawl beh dingte a om khinsate kipawlin galdo ding dan sin khopna nei ding uh a, gal hong om vat leh unit khatah kituak takin galvan zat kibangin a pan'khawm theihna ding uh geelna tawh kikoih a, a om khinsate sangin hoih zaw lai ding hi ci'n gen hi. Hih bang geelna hangin US leh a kipawlpih Europe gam sunga om gam ten US galkap leh galvan hoih nono a tun beh uh mu ding uh a, a gamte uh a cing dingin galkap leh galvan hoih nono muh beh ding cihna suak hi ci'n US European Command commander General Philip Breedlove in gen hi.

Nung kha-in Pentagon in Russiate lauhuai semsem uh ahih manin US in Russiate hatna dalna dingin European defense dinga sum kizang a leh li (quadrupled budget) in kikhangsak ding hi ci'n na pulak khin zo hi. Ukraine gam sunga om Crimea state in Russia beel nuam zaw in 2014 in vote khiatna (referendum) na nei uh a, a tam zaw in Russia beel nuam ahih manin Russia beel hi. Hih thu hangin US leh NATO in Russia in aana tawh Crimea la hi ci'n ngawh pong a, US in Europe gamte ah galdo ding dan sinna leh a sum zat nakpi takin khangsak hi. Russia in zong Crimea ah bomb khiatna dinga kizang vanleng (strategic bomber flights) a koihna hangin NATO gamte patausak mahmah a, ui mei khup bang likliak uh hi.

Europe gam sunga om - Belgium, Netherlands leh Germany gamte ah zong galkap a kisap bangin kikoihbeh zel ding hi ci'n NATO ulian ten gen hi. Russiate hatna bangin liangko a kikim theihna dingin 'strong and balanced approach to deter Russian aggression' kici pan nakpi takin kila hi ci'n US Defense Secretary Ash Carter nung kha in Washington ah Economic Club of Washington khawmpi ah awng baba hi.

-Your News Wire