πππππππ πππππ ππ πππππππππππππ ππ', π ππππ ππππππ ππ π ππππππππππ ππππππ πππ πππ
Nov. 3: Brazilian presidential election, Nipini, Oct. 30 results ah Luiz InΓ‘cio Lula Da Silva' gualzawhna lungdamin mi millions a simte in pawi a kham ziahziah lai takun Brazilian presidency zum nusiatsan ding tu lai takin president (outgoing incumbent Jair Bolsonaro) gumin a thapia (supporters) Bolsonaristas a kicite in tangthu sungah a ciamteh tham kiteelna (historic) lumlet ding sawmin Brazil gam sunga lampite ban khak uh a, vompi halung vei bangin lungphona nei-in kitom lunglung henhan pong uh hi. 2020 US presidential election hun lai-in tRumpists or tRumpanzees pawlte kha hong laang kik bang zawzen hi.
Brazil' historic election ah guallelhna tuak Bolsonaro' supporters te'n a results lumlet ding a sawmna hangun Monday ni pumlum Brazil gam sungah buaina (disruptions) piang kawikawi ahih manin thukhenna sang pen Supreme Federal Court (STF) nangawn a kigolh kisam liang hi. (Behlapna: Democracy gengen pongin election leh a results mawhpuakna a len Election Commission hi napi-in Supreme Court doing hong kigolh liang pen ngaihsun thei le'ng a zumhuai banah a gam democracy dengdel mahmah hi, cih kilang hi).
2022 Brazillian presidential election ah gualzawhna a ngah Lula' makaih Workers’ Party (PT) in votes kikhia khempeuh sung panin 50.9% ngah ahih manin 49.1% votes share a ngah far-right president len lai (incumbent) Jair Bolsonaro zo hi. (Behlapna: Brazil gam tangthu sungah term khat bek president lenin term nih a tuh hangin a guallel masa pen Bolsonaro hi. A lawmpa Trump zong Rep. president George W. Bush khit nung term khat bek lenin term nih a tuh kik hangin US tangthu ah 7 millions votes val tawh guallelhna lian pen a ngah masa pen hi)
Presidential kiteelna ah guallelhna a tuah hangin election results ahihna bangin ka pom/sang kei ding hi, cih a beisa hunin a gen thei zel far-right incumbent president Bolsonaro in tu ni dong a guallelhna leh Brazil mipite' thukhenna sang nuam nai lo hi. Ni nih sung a daih dide zawh Bolsonaro in tu ni-in mipite muhin a thugen masakna ah lel ing, cih pulakkhia ngam nai tuan lo (refuse officially concede defeat) a, kiteelna ah gualzawhna ngah Lula a lungdampihna kam khat beek gen kha lo hi. Lawhtak ding bangmah a nei lo ama' adingin sih ngamin kitomin Brazil gam sung mun tuamtuamte ah election results ahihna bang thuman a sang nuam lote phengtatin, lampi mun tuamtuamte a khakcipte in a gamtatna uh a khawlsanna ding bek uh gen hi.
Bolsonaro gum leh thapia (supporters) Bolsonarista kicite Nipini in Second Round run-off election a results a kipulakkhiat khit nung tu ni dong Brazil gam sung mun tuamtuam ah mawtaw pei kihelin lampi khaktanna dinga kizang thei suangtum leh van tuamtuamte kaikhawmin lam lianpi kiphawmawh diakte (key highways) ban khak uh a, mawtaw peite halin lum henhanin ui meikang bang henhan kawikawi uh hi.
US presidential election lai mah bangin Bolsonaro leh Bolsonarista ten vote kigukna (voter frauds) om hi ci-in electoral system thuman lo hi, cih zuau bulphuhin nei-in lampi lian kiphamawh diakte khakcip uh a, pawl khatte in Lula’ gualzawhna thatang hatna zangin buluhin aana tawh thuneihna bup lak (coup) ding hi, ci-in awng henhan uh hi. October 31 ni panin mawtaw pei (tires) hal leh lungphona nasiat kipan a, mun tuamtuam ah lungphona kizeelin US ah Nov. 3, 2020 election results lumlet sawmin Trump supporters Trumpists or Trumpanzees truck hawlte (truckers) danin Bolsonarista truckers te'n highways ban khak uh hi.
Nov. 1, 11PM local time in Brazil' Federal Highway Police (PRF) in Federal District kihelin states 25 sung mun 342 ah lampi kikhakcip bekbak or a kimkhat kikhak (342 total or partial blockades) hi, ci hi. Bolsonaro supporters a tamna Santa Catarina ah election results lumlet dintg a deih leh coup deihin lungphona hangin buaina (disruptions) nasia pen a, a zom-ah Rio Grande do Sul leh ParanΓ‘ cihte ah Bolsonaristas te'n buaina piangsak kawikawi uh hi.
Nipini Brazil' presidential election ah guallelhna a tuah khit nung mipi muhna ah Bolsonaro kilaak loin a bukcip mang pen a election results sang nuam lo hi, cih a lahna bangin Bolsonarista te'n ngaihsun uh ahih manin WhatsApp panin message tom ban share ngeingai uh a, "President a daih dide pen galkapte (Armed Forces) zangin ukna buluh ding sawm hi," cih khah ziahziah uh hi.
Online panin recordings kikhahte lakah khat sungah lungphona nei khatin, "Army in Brazil gamah thuneihna aanna tawh a lak khit ciangin kongzingte (streets) ka nusiatsan pan ding uh hi," ci-in awng lala in miliary coup tungtawnin thuneihna lak dingin vauna bawl hi. "Lungphona neite koici kalsuanin mainawt ding uh hiam cih a khensat ding president (Bolsonaro) hi. Ama' hong paukhiat ding kingak hi. Gal (war) sungah Bolsonaro a lut (gal a piangsakna ding a deih leh nawhna thu a genna) ahih kei leh gamvai political scene panin a mangziau leh ko ngaihsutna ah makai hilo ding hi," ci-in BBC News Brasil kiangah gen hi.
Lam lianpi kikhaknate (blockades) 300 valte lakah lampi kikhakna liante lakah Brazil khuapi SΓ£o Paulo leh Argentina khuapi Rio de Janeiro kikawmtuah Via Dutra highway zong kihel hi. Via Dutra highway ah a awkcip mite Bolsonarista lungphona neite vau launa leh ngongbawlna (harassment and violence) thuak uh hi. Sangsia khatin Brasil de Fato news kiangah, "Mawtaw taite in a tuan man pia loin a mawkna in tuansak mi (hitchhike) mawtaw ngakin omte Bolsonaristan te'n na vau lau uh a, tua kiim-a car khawlte a tawlette (windows) satkhapsak uh hi," ci hi.
Election ah president thak dinga kiteelcing Lula langpangin a gal bawl Bolsonaro tawh kipawlin a kiteelcing thak uliante leh gam makaite (Bolsonaro-allied elected officials and politicians) in lungphona neite tawholhin hangsansak uh hi. "Luiz InΓ‘cio Lula da Silva government in Brazilian politics ah a lang (opposition) dingin ko hong neihna hangin a lauhuaina (terror) a theih kisam hi," ci-in SΓ£o Paulo councilor Fernando Holiday in gen a, a dangte in lungphona a nei Bolsonarista truckers-te thanemsakna dingin lungkiasak (discouraged) kei un, ci-in democracy deih loin ngongtatna leh thatang hatna tawh election results lumlet a sawmte thapia uh hi.
Tua bang kawmkalah, National Confederation of Transport and Logistics Workers (CNTTL) in lungphona neite mipite deihna banga ki-ukna deih loin a langpangte “anti-democratic” hi, ci-in khauh takin mawhpaih uh a, na khempeuh tungah democracy om a, mipite vote khiatna pen a sangpen thupiang a kilahkhiatna (sovereign results of the polls) ka zahtak uh hi, ci hi. CNTTL in a tuamin a statement a khahna ah, Agriculture business sung panin pawl khatte in a gup truck tawh hih lungphona neite in zuauthu (false claim) tangkopihin kizeelsak uh hi, ci-in gen hi.
CNTTL in Bolsonarista lungphona (movement) pen nasem mite (workers) makaihna hilo a, Bolsonatista te'n van puakna mawtaw golte (truck freights) sum tawh guai-in lampi lianpi khaktanna a zat ding (lampi ah koih ding a pua dingin) a guaih uh self-employed truck drivers leh CLT workers-te in thuaklawh uh hi. Hih banga gamtatna pen thukham palsatin gamtatna (crimes) hi, ci hi.
Bolsonarista lungphona neite CNTTLte banah National Transport Confederation (CNT) in zong mawhpaih a, "Brazil citizenship a nei khempeuhin lungphona neih theihna dingin rights a nei uh a kizahtaksak hangin mi dangte rights sukliamna dingin a kizat loh ding hi," ci hi. "Economy haksat saan lai takin nasepna khaktanna (work stoppages) pen cinate kihel mipite zin suk zin tohna khaktanin a nawngkaisak banah Brazil gam mite kisap nek leh dawn, zatui leh datsi ngah ding hamsasak lel uh hi," ci-in a statement bawlna ah gen hi.
Second Round run-off election ah Bolsonaro a gum governor SΓ£o Paulo Rodrigo Garcia in Nov.1 zingsangin a press conference bawlna ah, "President dingin a kiteel (president-elect) i nei khin zo uh a, tua pa pen president Lula hi. Election kizo siangin bei ta hi. SΓ£o Paulo in democracy zahtak hi,” ci-in lampi khakcipna ah nai khat sung bek lungphona neihna ah kihelte R$100,000 per hour fine kiliausak ding hi, ci hi.
Monday in PRF in kihona (dialogue) neih ding hih dinga masa penin koih ding leh Brazil gam mite right zahtaksak ding cih kihelin nuntakna a ngeina bangin a kizat kik theihna dingin panlak theih zahin kihanciam hi, ci hi. Ahih hangin online sunga videos kikhahte sungah police khatin lungphona neite kiangah, "I tuanna teembaw uh kibang hi. Thupiakna ka ngaihsun uh pen no tawh omkhop ding hi," ci-in Bolsonaro government sunga uliante lak panin Bolsonaro gum ulianin Bolsonaro gum police tungah tua bang thu pia hi, cih a teci kimu thei hi. CNTTL in thukham palsatin lampi kikhakte police te'n thudon loin a mu lo kineih uh hi, ci-in ngawh hi.
SΓ£o Paulo lutna dinga lampi kilim zat pen ah police dingte Bolsonarista groups ten a lampi khakna dingin a cars koihte uh a hepkhiatsak uh zong kimu thei ahih manin police pawl khatte Bolsoraro' adingin na a sep uh hangin a dangte in a nasep ding uh a tavuan ngeina bangin sem uh hi. PRF in, lungphona neite khamin a khawlsakna ding leh lampi ah a ngeina bangin mawtaw a tai theihna dingin Attorney General’s Office (AGU) in court order a piakna dingin a zum ka kinaih hi, ci hi.
Monday nitak zan sawt dek nungin Minister of the Supreme Federal Court, Alexandre de Moraes in PRF in lampi kikhaknate khempeuh manlang takin a siansuahna dingin thu pia hi. Hih bang khensatna pen CNT leh deputy electoral attorney general, Paulo Gonet in Supreme Court in court order a piak ding a ngetna a dawn'na hi. Moraes in, hih thupiakna Tuesday ni 12:00 AM tanin a kizuih kei a, lampi khakna dingin a kizang mawtawte leh suang leh singte a kisiansuah kei leh nai khat sungin director general of the police, Silvinei Vasques in R100,000 ($19,302) per hour a liau bek hi loin a zum panin a kilotkhiat banah matna tuak beh thei lai hi, ci hi.
Tua bek hi loin, Minister of the Supreme Federal Court, Alexandre de Moraes in thu a kipiakna bangin lungphona neite in a lampi khaknate uh a siansuah kei uh leh director general of police, Vasque mah bangin nai khat sungin R100,000 ($19,302) liau thei ding uh hi, ci-in vau hilh hi. Brazilian states khempeuh panin justice minister, attorney general of the Republic, attorney generals (in the states) leh military police commanders khempeuh zong ka sam khin zo (summoned) hi, ci-in Moraes in gen beh hi.
#My Take: Brazilian police kiu pawl khat lam leh a nungzui Bolsonarista lam panin Bolsonaro in ukna a buluh (coup) theihna dingin a gupna a ngah hangin Brazilian Supreme Court in Brazilian democracy a gawhlup theihna dingin na nungthuap lo hi. Hih thu hangin Bolsonaro cimawh leh pangpa kisa pianin ni nih sung a daih dide khit nung tu ni-in mipi muhna ah a kam hong keek hangin presidential election ah gualzawhna ngah Lula a lungdampihna leh a guallelhna thu gen khakin nei lo a, Bolsonarista te'n a haitatna uh a khawlsanna dingun ngen hi. A khawlsan kei uh leh Brazil gam kuang ding a, Bolsonaro in presidency office ngah kik zo tuan loin a maizumhuai zaw-in guallel zom veve ding uh hi. A khawlsan baih uh leh Bolsonaro in a piansak muhdahna leh kikhenna (hate and division) damsakna dingin nasepna kipan baih zaw ding hi.
Presidential election ma pekin a zawlpa Donald Trump bangin electoral system ah fraud kizang hi, cih a lahna ding teci kician bangmah a nei lo, climate change leh COVID pandemic leh a zatui um loin a nial mi (denier), Christian biakna min politics ah kimawlna in zangin conservative votes teng a guk mang sawm, thuneihna khengval zang (power abuse) in ngawhna a tuak Bolsonaro in tu dong election results sang nuam loin Brazil gam buaisak ding sawm bangbang lai hi. Hih bang kawmkal ah leftist president-elect Lula in leitung gam makai lubawk tuamtuamte tung panin lungdampihna message ngah zom beh zel a, October 31 ni-in Argentinian president Alberto FernΓ‘ndez tawh kimuhkhawmna nei uh hi.
Gam khempeuh ah conservative a kici lanlan, tua sungah Christian a kineih pha diak tata in election ciangin amau gualzawh hunin electoral system kankuat vet lo uh a, a guallelh sim uh electoral fraud om hi, ci-in Burmese military dictator Min Aung Hlaing lim etteh mahmah sese uh hi. Thatang tawh thuneihna coup d'Γ©tat tungtawnin la-in democracy gawhlup ding phamawhsakna a neih loh ban uh-ah thuman kihta-in zuauthu tawh gualzawh ding hanciam mawk uh ahih manin leitung muhna ah i Christian biakna daisak kawikawi uh hi.
Conservative kici a tam zawte in amau gamtatna, amau kampauna khempeuh man khin, mi dangte aa man lo; amau lo buang makai muanhuai leh gam it zaw a dang kuamah om lo keek bangin kilim gen mahmah sese uh hi. Maizumhuai takin guallelhna a tuah uh ciangin thuman sang nuam loin zuauthu tawh gualzawh sawm cinten veve uh hi. Zuau in a khekhap mah tawn ahih manin a maizumhuai zaw-in a zum (office) nusiat ding teel zaw uh ahih manun haina lakah a suuk pawl hi kha ding hi. Kum zalom 21 hun, postmodernism leh democracy tawh kilehngat lua hi. Kilawhsan loh ding a thupi hi.
Source: People Dispatch
Translator: Thang Khan Lian
