WIKI LEAKS FOUNDER JULIAN ASSANGE TUNGAH SEXUAL ASSUALT NGAWHNATE KIPAIKHIA
Aug.14,2015: Sweden thukhen ten WikiLeaks pankhiapa Jullian Assange in Sweden numei 2 thatang hat thu tawh buan, kilawm lopi in numei tungah gamta, numei tungah khut kha, numei ut lopi luppih hi cia a ngawhna uh investagation 4 a neihte uh 3 in a hun ciam zanin peel ta ahih manin ngawhna thum kipai khia a, tu in 1 bek om lai hi.
Sweden thukhen ten kum 5 sung Assange tungah numei 2 in ngawhna tuamtuam - Molestation, Unlawful coercion, Rape - a neih manun 2010 kumin a hih thu suina na nei uh hi.
Hih ngawhnatte lakah molestation leh unlawful coercion investigation a kineihna hun ciam peel ta ahih manin mibuan cia ngawhna bekah investiagation kinei ta ding hi. Assange in hih ngawhnate a vekin nial a, mawhna bang mah bawl lo hing a cih banah hih investigation bawl thukhente cit lohna bek tawh pum dim uh hi cin gen a, ka min siatsakna ding bek hanciam uh ahih manin hih investigation kisam lo hi cin pulak hi.
Assange in Afghanistan galah USte kilawm lo pi a gamtatna uh thusim lai poimawh (classified document) 2010 in pholak khia hi. Hih thu hangin USte Assange tungah thangpai mahmah uh hi. US ten France, Germany leh gam tuamtuamte makaite thu kan (spy) sim den uh hi cih zong tampi pholak khiat behbeh ahih manin USte a dingin Assange pen USte mit sunga singluang tu mah bang ahih manin US ten thuak lah mahmah uh hi.
Assange pen Australia mi hi a, Sweden ten mat dingin 2010 in a pulak nungun USte khutah a kipiak khiat ding lau ahih manin Sweden va sik ngei nawn lo hi. Assange in UK a Equadorte' Embassy ah butna (asylum) ding ngen a, Equador in July 19, 2012 in butna ding pia uh hi.
Jullian Assange' nasepna gam tuamtuamin pakta mahmah a, ahih hangin US galkap lui Chelsea Manning tung panin a ngah USte thusim laite a pholak khit nungin US Vice President in Assage "hi-tech terrorist" cin min phuah khum liang hi.
Swedish investigation ten Assange bang ci interview ding cih vai-ah kithutuah lohna tampi nei uh ahih manin a hun ciam sungin a sitna ding hun ngah loin mawk bei sak uh hi. Sweden ten Assage interview neih dingin Sweden gam-ah lut sak nuam lo uh a, Sweden thukhente lah UK a Assage bukna Equadorte Embassy ah pai nuam lo uh hi. Assange' thukhenpa Thomas Olsson in nung kalin Swedish Television ah thukhente Assage kiangah pai in interview a neihna dingun ngetna bawl a, Sweden thukhen ten dawnna bang mah pia kik lo uh hi.
Assange in 2010 in Sweden a hawh lai in numei khat tawh a giahna ah giak khawm dingin thu kimna na nei uh hi kici hi. Tua khit nungin Sweden numei 2 in Assage tungah 'sexual assualt' ngawhna nei uh hi. Assange gum pawlin a genna uah Assage hua ten Assange' nasepnate hangin a phulakna dingun CIA ten numei niik sing teng nih zangin kigul luk uh hi cin gen uh hi.
WikiLeaks ten a Twitter bio uah, "We open governments" cih tuangsak uh a, 2010 in Afghanistan war tawh kisai classified document 750,000 a suah khiat khit un ong minthang khia mahmah uh hi. Lulian Assange tangthu Hollywood movie "The Fifth Estate" kici 2013 in kibawl a, Bill Condon hih film director in pang a, Benedict Cumberbatch in Assage' thu pholak khiat zia piah hi.
Equador Embassy a omna pen a dung lam meter 4.5, a vai lam meter 4 bekin gol hi.
Born 3 July 1971 (age 44)
Townsville, Queensland, Australia
Residence Embassy of Ecuador, London, United Kingdom
Nationality Australian
Alma mater Central Queensland University, University of Melbourne
Occupation Editor-in-Chief of WikiLeaks
Home town Melbourne, Victoria, Australia
Townsville, Queensland, Australia
Residence Embassy of Ecuador, London, United Kingdom
Nationality Australian
Alma mater Central Queensland University, University of Melbourne
Occupation Editor-in-Chief of WikiLeaks
Home town Melbourne, Victoria, Australia
-Al Jazeera And Agencies
