TAWI TEHNA KIBANG LO LEH TAWI KHAINA MAN LO

TAWI TEHNA KIBANG LO LEH TAWI KHAINA MAN LO

*Numeite ngaih pipi in nui lala leh a lungdam lua uh hi kici lel hi. Ahih hangin pasalte tua bangin nui lala leh gamtat khohei kilawm thei lo (mannerless) mi hi kici.

*Numeite ithuai (sweetly) takin pau duaiduai se leh melhoih in kilawmpih khawm in ithuai hi kici hi. Ahih hangin pasalte tua bangin pau leh ngian zang numeite khem (flirting) sawm hi kici hi.

*Numeite sumbuk ah van lei dingin paipai ta leh amau tawh a kituak a kilawm ding thei (trendy) hi kici hi. Ahih hangin pasalte tua bangin paipai leh a nu-le-pa' neih leh lam a phengzat leh a bungmang hi kici se hi.

*Numeite a honhon in lam pai khawm le uh a hon (group) a lam pai uh hi kici se hi. Ahih hangin pasalte tua bangin lam pai le uh mi gilo hon (gangs) hi kici hi.

*Numei ten mi gensiasia ta leh Numei ngeina hi kici se hi. Ahih hangin tua bangin pasal ten mi gen leh numei ding kim lai pasal a piang kha hi kici se hi.

*Tu lai numei ten an huan thei kei leh tu lai ngeina hi kici suk pah hi. Ahih hangin pasal ten an huan thei leh a nu leh a sanggam numeite thadah tuak si e kici se a, huan thei kei le lah ngawl vet leh hi ve kici se lai hi.

*Numei ten pasal puan silhin tengin kizem le uh kizep kipuah siam (stylish) uh hi kici hi. Ahih hangin pasal ten numei van leh puan zangin kizem leh mihai hi, a lungsim veng lo hi kici sese hi.

🖋️Thang Khan Lian