MI THUPITE KAMMAL HOIH PAWL KHAT

1. "Ni taangna lam mai-et in, mitsuan den in. Tua hi leh na liim na mu ngei kei ding hi." - Helen Keller

2. “Khat veivei na lungkimna pen na nuihna ding kipatna bulpi hi thei a, ahih hangin khat veivei na nuihna pen na lungkimna ding bulpi hi thei hi." - Thich Nhat Hanh

3. “Na hihna bangin om in la, na gen nopte suakta takin genkhia hi. Bang hang hiam ciam cih leh na hihna bangin om in, na genkhiat ciangin a nuammawhsa a om leh phamawh lo a, a nuammawhsa ten na thusim tuan lo uh hi." - Dr. Seuss

4. "Khuavak in lam hong lak ahih manin ithuai ka sa hi. Khuavak ithuai ka sak hangin khuamial zong ka thuak keeikai veve ding hi. Bang hang hiam cih leh khuamial in aksite hong lak veve hi." - Og Mandino

5. “Ngaihsutna hoih leh ngaihsutna man neite melsia thei ngei lo uh hi. Na nak tang lo, kituak lo (wonky nose) kha thei in, na kam kawi in, na khebe kilawm loin, na ha a kuh veve hangin ngaihsutna hoih leh ngaihsutna man na neih peuh leh na mai ni zung bangin taang ding a, na etlawm veve ding hi." - Roald Dahl

6. "Tua lian-a na hihna in na paina mun ding leh na tunna ding mun gen tuan lo hi. Tu lian-a na hihna pen na kipatna in themcik bek gen kha hi." - Nido Qubein

7. "Hehpihna a lamdan'na thusim ka tel zo kei hi. Hehpihna in i omna mun bek ah hong tuak a, hong muhna munah hong nusiatsan lo hi." -Anne Lamott

8. “Hih mualtungte (na vangikte) na puakte pen na puak nuam leh cihna bek tawh hong kiguan hi zaw hi." - Najwa Zebian

9. “Na ngimna leh tupna na ngahte pen na ngimna leh tupna in na hihna hong piak leh hong suahsak na sangin thupi lo zaw hi. - Henry David Thoreau

10. "Ka nuntakna ah ka nasep ding (mission) pen nuntak ding bek hilo in, khangto in, mainawt tohtoh lai ding leh uuk mahmahna, itna, lawpna leh nuihna leh a kilawm (style) tam lo tawh sep ding cih ahi hi. - Maya Angelou

11. "Nuntakna i cih pen a kuapeuh adingin baih lo hi. Nuntakna sung panin bang teng om hiam? Thuakzawhna i neih ding kisam a, ei leh ei kimuan ngamna i neih ding thupi pen lai hi. Na khat beek hih (sepkhiat) theihna dingin siamna hong kipia kik tek hi cih pen i up ding kisam a, i siamna tawh i hih theih ding khat i hih zawh teitei ding kisam hi. - Marie Curie

12. "Na hun pen a ciangtan nei (limited) ahih manin mi dang kineih in na hun neihte a mawkna in phengzat mang kei in. Mi dang ten hong ngaihsutna panin thu-upna leh guipi a neihna (dogma) uh tawh na hunte mawk beisak kei in. Mi dangte ngaihsutna thawmgingte hangin na lungtang tawng panin aw (inner voice) tui kia suaksak kha kei in. Tua loin a poimawh pen thu-in na lungtang, na ngaihsutna leh thuman hi khin napi thuman hi cih lahna ding teci nei lo napi in na genkhiat theih loh phawkna (intuition) zui den in la, tua kimakaihsak in."
 - Steve Jobs

13. "A nop tuam kei leh na hoihzaw, na hatzaw, na thakhauh zaw semsem hi." - Unknown

14. "Na aw a ling daldal hangin na ngaihsutna genkhia ngam veve in." - Maggie Kuhn

15. "Kua in hong phal in, hong suakta sak ding hiam cih pen dotna hilo in, kua in hong dal zo ding hiam cih hi zaw hi."
- Ayn Rand

16. "Lungdamna, lungnopna i cih pen a kiangah thei leh kipia thei lo, kilei in kinei thei lo, kilei thei lo, bei thei lo, kizang bei thei lo hi. Lungnopna, lungdamna i cih pen minute sim in itna, hehpihna leh lungdamna tawh kha thu tawh sinna panin theihna (spiritual experience) tawh nuntakpihna hi zaw hi.
- Denis Waitley

17. Huhpite lauh in ka nei kei hi. Bang hang hang cih leh huihpi hangin ka teembaw hawl dingzia ka sin thei hi." - Louisa May Alcott

18. Na laih theih mahmah loh nate panin lungkim ding dan kisin zaw in." - Unknown

19. " Nasep hahkatna leh kipiakkhiat zawhna leh mi dangte tungah hoihna in gualzawhna ngah hamtang hi. Ahih hangin tua bang hi den lo hi. A nawi nikniak, bawngnawi khal, a mandikdiak (cream) pen a tungah om den lo hi."
 - Gina Rodriguez

20. “Na mit hak den in la, lim takin en kawikawi den in. Bang hang hiam cih leh na muhte in tha hong pia thei hi."
- Grace Coddington

21. “Nasep kipatna theihna dingin kam bek a gengen khawlsan in, nasep kipat kisam hi. - Walt Disney

22. "Mi dang ten nang hong awlmawhpih ngei mel lo cih phawk lecin mi dangte hong ngaihsutna pen dahpih lua in, na buaipih lua ngei kei ding hi." - Eleanor Roosevelt

23. "I pumpite, i ngaihsutnate leh i lungsimte pen i tuahkhak ngei loh tuahna thakte (new adventures) tuak theina dingin lam hong lak dente ahi uh hi." - Oprah Winfrey

24. "Vannuai leitung bup-a itna leh itna ngaihna leh nunnemna (affection) mi dang ten a ngah ding a kisap bangin nang mahmah in zong tuate na ngah ding thupi hi. - Buddha

25. “Na khatpeuh na hih theih ma-in a hih thei dingin nang leh nang na kimuanngam masak ding kisam masa hi."
- Michael Jordan

26. “A gualzote (champions) i cihte pen a bei dong, a zawh dong leh a man (right) dong a kimawl suakte hi."
- Billie Jean King Tweet

27. “I khamuanna, i lungnopna, i lungkimna kuam sung (comfort zone) pen mun hoih leh mun kilawm mahmahna mun ahi hi. Ahih hangin tua kuam sung panin bangmah khangkhia zo lo hi." - Unknown

28. "Nisim in minute 1,440 om hi. Tua ahih manin nisim in a hoih lam a kilawmkhawm a hih theihna dingin kamphatna leh hun hoih 1,440 vei na nei den hi. - Les Brown

29. "Mi khat in na a hih khialh khak ciangin a beisa hun in na hoih leh a man a hih khitsate mangngilh kha kei in."
-Unknown

30. "Mi hat pen i cihte pen amau ai tuam tawh buaipih ding tampi a neih hangin mi dangte huhna dingin a hun a uh pia zo den uh hi."
- Unknown

✍ Thang Khan Lian