HIH THUTE NA LUNGGAI NGEI HIAM?

HIH THUTE NA LUNGGAI NGEI HIAM?

Pil pen Topa' thupha hi a, thupi mahmah hi napi
Kipilsak pen poi mahmah hi.

Hoih pen Topa' thupha hi a, kamphatna hi napi
 Kihoihsakna pen poi mahmah hi.

Hauh pen Topa' thupha hi a, hamphathuai mahmah napi
Kikhauhsak pen kisialhna hi a, poi mahmah hi.

Kamphatna pen Topa' thupha leh daupaina hi napi
Kikamphatsak leh kidaupaisak-a kisialhna pen poi mahmah hi.

Makai hih khak pen mi hong muan man leh Topa' thupha hi napi Kimakaihsak nopna, kithuneihsakna pen poi mahmah hi.

Thuneihna neihna pen thupha leh thupina khat hi napi
Kithuneihsakna leh kisialhpihna pen poi mahmah hi.

Siamna pen Topa' thupha hi a, hamphathuai mahmah hi napi
Kisiam sakna pen poi mahmah hi.

Thu theihtel theihna pen Topa' thupha leh ciimna hi napi
Kithutheih sakna pen poi mahmah hi.

Hatna pen Topa' thupha hi a, kamphathuai diak se napi
 Kihat sakna pen poi mahmah hi.

Gam itna lungsim neih pen hoih mahmah napi
Gam itna kineihsak diakna lungsim neih a, bangmah sepna tawh lahkhiat loh pen a mawknapi hi.

Kha mangthang, cimawh beidongte itna leh
Veina lungsim neih theih pen thupi napi
Sepkhiatna tawh lah lohna pen a mawknapi taktak ahi hi.

Thupha ngahte kisialpihna pen thupha zat siam loh man hi a,
Satan deih banga gamtatna ahih manin poi mahmah hi.
Topa' thupha hong piakte kisialhpihna leh kiphatsakpihna pen
Hong pia Topa mualpho sakna leh mindai sakna ahi hi.

-Thang Khan Lian