MUAL TUNGA OM PASIAN
Leitung na nuntakna hun sung leh na khualzinna lampi ah, "Haksatna bekbek tuak den keei ing," ci-in na phunphun kha ngei hiam? Nopna bekbek tuak den ding bek in na kilamen kha hiam?
"Mual tungah na om ciangin nuntakna pen baih mahmah hi.
Cik mah in na neih leh ngah ngah loh
Lungsim tawldamna na ngah hi.
Ahih hangin zaanglei ah na om ciangin
Na khempeuh hong kilaih hi.
Ahih hangin na upna khahsuah kha pah kei in.
Nang bek hi ngei lo hi teh".
(Hong nusia ngei lo mi khat om hi).
Cik mah in na neih leh ngah ngah loh
Lungsim tawldamna na ngah hi.
Ahih hangin zaanglei ah na om ciangin
Na khempeuh hong kilaih hi.
Ahih hangin na upna khahsuah kha pah kei in.
Nang bek hi ngei lo hi teh".
(Hong nusia ngei lo mi khat om hi).
"Bang hang hiam cih leh mualtunga om
Pasian pen zaanglei a om Pasian mah ahi hi.
Na khempeuh nang deih bang leh na ngaihsutna bangin
A man in hong pian' theih loh ciangin,
Amah in a man in hong bawlsak ding hi.
Hunhoih leh a nop hun a Pasian pen
Haksat hun leh lungkham hun a Pasian mah hi.
Sun hun-a Pasian pen zan hun-a Pasian mah hi a,
A vakna mun-a Pasian pen
A mialna mun-a Pasian mah ahi hi."
Pasian pen zaanglei a om Pasian mah ahi hi.
Na khempeuh nang deih bang leh na ngaihsutna bangin
A man in hong pian' theih loh ciangin,
Amah in a man in hong bawlsak ding hi.
Hunhoih leh a nop hun a Pasian pen
Haksat hun leh lungkham hun a Pasian mah hi.
Sun hun-a Pasian pen zan hun-a Pasian mah hi a,
A vakna mun-a Pasian pen
A mialna mun-a Pasian mah ahi hi."
"Muan tungah i om ciangin upna thu gen bel in i nei hi.
Nuntakna a nop hun ciangin
Upna thu gen zong baih in, nuam mah hi.
Zaanglei ah na om ciangin na khempeuh kilaih in,
Ze-etna leh bawlsiatna tawh kidim a,
Na upna man hiam ci-in hong kize-et den hi."
Nuntakna a nop hun ciangin
Upna thu gen zong baih in, nuam mah hi.
Zaanglei ah na om ciangin na khempeuh kilaih in,
Ze-etna leh bawlsiatna tawh kidim a,
Na upna man hiam ci-in hong kize-et den hi."
A tunga thu pen Lyanda Randle in a sak "Lynda Randle Live (Live)" Album sung panin kong teisawm ahi hi. A la thu mah bangin i Lai Siangtho in zong Khristiante i khualzinna tawh kisai leh i kalsuan ding zia a kicingin hong hilh hi. Hih la thu lim takin mangmuh bangin mu thei hi leng haksatna i tuah hun ciangin i phunphunnate leh i tautaunate hong daisak tuam mahmah ding hi cih lametna lianpi tawh kong teikhiat ahi hi. Zingsang khua hong vak theihna dingin khuavak ma-in khuamial pen in makaih den hi. Tua mah bangin nopna ni hong suahna dingin haksatna in makaih masa den hi. "Singlamteh Tul Gemgam" laphuak George Bernard (1873-1958) in,
"Tua singlamteh ken nusia ngei kei ning,
Taina, zumna ka thuahpih hangin;
Tua hi leh khat vei ciang A inn-ah hong sam ding,
Amah tawh a minthang khawm dingin," na ci hi.
"Tua singlamteh ken nusia ngei kei ning,
Taina, zumna ka thuahpih hangin;
Tua hi leh khat vei ciang A inn-ah hong sam ding,
Amah tawh a minthang khawm dingin," na ci hi.
I Khristian khualzinna lampi ah singlamteh pen i puak den ding kisam hi. Taina leh maizumna, zahkona leh mindaina zong i thuakpih ngam ding kisam hi. Mikang ten, "Thuakna loin meetna piang thei lo hi," na ci uh hi. I nisim nuntakna ah i puak Singlamteh gik i sak hun leh zang i sak hun om ding hi. Gik i sak ciangin hong puaksak dingin Jesuh i koh kik ding hilo a, lam tawntung i puak zawhna ding thahatna hong piakna dingin i nget ding hi zaw hi.
🖊️
🖋️Thang Khan Lian
No comments:
Post a Comment