HYPERSONIC THUPI ZAW LEH SANGZAW KIDEMNA AH US PEN RUSSIA SANGIN KUM 5 VAL ZEKAI ZAW HI CI

HYPERSONIC THUPI ZAW LEH SANGZAW KIDEMNA AH US PEN RUSSIA SANGIN KUM 5 VAL ZEKAI ZAW HI CI

June 6, 2017: Nung kal in National Interest contributor Kris Osborn in US Air Force a masa pen dingin aw sangin a manlang zaw tham galvante (hypersonic weapons) 2040s kum kim in ngah ding uh a, 2040s kum kim pawlin Pentagon in hypersonic strike platform zang ta ding hi cih suaksak hi. Russian military analyst Vladimir Tuchkov in US ten thuhoih a lametna pen a khengval in sang lua (overoptimistic) in, zekai (tad) lua hi cih thu gencian hi. Osborn in a laigelhna ah hypersonic galvante bek tawh US khawl lo ding hi ci a, Air Force Studies Board report in zong Pentagon in US in a kidempih Russia leh China in sitna (tests) a neih khit demna dingin hypersonic weapons speed Mach 5 val a hat bawl ding hanciam ding hi ci hi.

Osborn' laigelhna comment a genna ah Russian military journalist leh Svobodnaya Pressa contributor Vladimir Tuchkov in US in hypersonic weapons mailam hunah a bawl sawm banah hypersonic strike platforms bawl ding a hanciam pen a khengval a thuhoih lametna hi napi zekai lua (tad bit overoptimistic) a, a man takin ci leng American scientists leh engineers ten a thaneih khempeuh uh a sang hangun hih bang galvan bawlna ah Russia nung delh lai hi ci hi. Gentehna dingin US engineers ten tua bang galvan bawlna dingin experimental 'flying laboratories' ah etkhiatna/ sinna (experiments) nei-in buai lai uh a, ahih hangin Russia in tua bang galvan taktak sin ding kithawi ta hi ci hi. Hih bang a kigen ciangin Zircon hypersonic anti-ship missile thu ahi hi.

Nung kha-in Osborn in US Air Force chief scientist Geoffrey Zacharias a interview na-ah Zacharias in tu lai takin US in hih bang galvan bawlna dingin nam tuamtuah ah a bawl dingzia nasepna (development work) kipan ta a, tu lianin technology picinsakna dingin (maturation) a van themte (bits and pieces, guidance, navigation control, material science, munitions, heat transfer and all that stuff) kikhawm hi ci hi. Zekharias thugenna Tuchkov in a dawnna ah, "A man takin chief scientist Zecharias in tua bang galvan bawl theihna dinga kisam scientific leh engineering poimawh adingin scramjet engine nasepna kician in gen kha lo a, US in 2010 in sitna (trails) a neih Boeing X-51A scramjet aircraft tawh lungkim mahmah lai hi ci hi (a hatna pen Mach 6 leh Mach 7 kikal a hat dingin ki-ummawh hi)".

Analyst Tuchkov in B-52 vanleng sung panin US in prototype vehicles test launches thum vei nei uh a, a masa pen dingin May 2010 in sitna a neihna uh scramjet engine speed pen amau lamet 300 seconds sangin 210 seconds in zia ol zaw in, Mach 5.1 bek in hat a, a rocket lenna mun ding leh gamtatzia (behavior) pen magenkholh theih loh (unpredictable) suak hi ci hi. A nih veina dingin August 2012 test vehicle sitna nei uh a, a leng khit minute 15 khit nungin Pacific Ocean tungah puakkham hi. A thum veina dingin May 2013 in B-52 in X-51A a sangna lam (altitude) 15 km ah a kilotkhiat (lauch) ma-in domto a, 26 seconds in X-51A huih hatna in a dalna a tawmna mun 18 km ah lawnkhia uh a, a sit masak pen uh Mach 5.1 sangin zia ol zaw in, Mach 4.8 bek a hat in leng hi. US in May 2013 in a sitna uh-ah 2004 panin Pentagon in $300 million program a neih bei sak a, vanleng sung panin scramjet engine hypersonic sangin ze ol zaw ahih manin a program lawhsam hi cih thuman tawh lahna ding 'proof of concept' project kician hi ci hi.

Tuchkov in hypersonic aircraft bawlna dingin na hamsa tampi bawlphat kisam masa a, tuate lakah flight-control, exchange of information with a command point, maneuver leh target a neih theihna dingin bawlphat kisam masa hi ci hi. US ten 2013 in sitna a neih a lawhsam a bat tei hangin lam khatah lawhcing hi cih theih veve a, ahi zongin tua pen Soviet Union gam tuamtuam in a kikhenkhap ma-in hun sawtpi lai-in Soviet Union in lawhcing takin na sit khin zo hi ci hi. 1970s pek in Soviet Union gam-a Raduga Design Bureau in research and development work project (cruise missile Mach 5 a hat ding) na pan ta uh hi. USte X-15 hypersonic aircraft pen 1960s in sit ding kipan napi liquid-fueled jet engine zang uh ahih manin kizang thei loin lawhsam uh hi. Liquid-fueled jet engine pen space flight adingin a kizat theih hangin atmosphere a zat dingin scramjet engine kisam se hi. Scamjet in oxidizing material air pen atmosphere ah zang a, a tui koihna bung (tanks) a om liquefied oxygen zang lo hi.

Tuchkov in 1980s in Raduga hypersonic cruise missile prototypes nam tuamtuam na bawlkhia ta a, tua pen Kh-90 kici in, a cruise missile pen 9 meters in sau in, a wingspan pen 7 meters hi a, a gikna 15 ton pha in, a hatna 3,000 km hi ci hi. Tua loin test flights tuamtuam zong nei uh a, tua hunin a hatna pen Mach 3 panin Mach 4 kikal in hat hi. Tua bangin a lawhcing hangin sum kicing loh manin 1992 in kikhawlsan hi. Tua lo Baranov Central Institute of Aviation Motor Development in zong 1979 in scramjet R&D work "project 'Kholod' ('Cold')" kici cryogenics technology zangin na pan a, B28 anti-aircraft missile panin kibawl S-200 air defense system pansan in engineers ten flying laboratory na bawlkhia uh a, scramjet nam tuamtuam sitna na nei uh hi. 1998 in scramjet Mach 6.5 a hat na bawlkhia uh hi ci hi.

Tua hun mah in engineers ten Kholod-2 research work na pan uh a, a technical plans Mach 14 phaksak na sawm uh hi (scramjet theoretical ceiling pet Mach 20 hi). Tua mockup model pen Moscow MAKS airshow 1999 ah kilak napi fund kicing loh manin a kibawl ding a hun kisotto hi. Tua hunin US leh Russia kitauna hoih in, "Lawmte" hong ci uh ahih manin Russian engineers ten hih bang bawlna dingin American engineers-te huhna pia uh a, Kholod flying laboratory panin flying test results USte tungah kizuak hi ci hi. US in funding hong pia a, 1998 in a sitna kinei a, huhna hong piak manun a program' priceless documentation kipia hi ci hi.

Tuchkov tua bang documentationa kipiak hangin US engineers ten Russiate Kholod program' record phazo loin USte X-51A top speed pen Mach 5.1 bek tung zo hi ci hi.

Tua bangin a bawl dingzia kihilh napi lungluthuai takin Osborn' National Interest article ah Russia min kituangsak nuam lo se in, adiakin Zircon anti-ship missile zong kigen kha lo ahih manin hih bang thu pen American military expert ten thei lo uh hi ci hi. 3M22 Zircon pen Moscow kiim a om Reutov khuapi a NPO Mashinostroyeniya rocket design bureau ah kibawl a, a sitna 2015 in kinei in, tu dong lawhcing takin nga vei kisit khin ta hi. A nunung pen a kisit hatna Mach 6 in kiciamteh hi (tua loin April 2015 in kisit zong Mach 8 in hat hi). Mach 6 a hat pen anti-missile system nam khempeuh in kapkhia man om lo hi. Sources tuamtuam in a genna ah Zircon' range pen 500 km panin 1,000 km kikal hi ci uh hi.

Zircon pen anti-ship missile hi a, Russia in Project 1144 nih nei a, heavy missile cruises ah thuah sawm hi. A kithuahna dingte pen Peter the Great leh Admiral Nakhimov hi a, Granit missile system leh Onyx missile system laihna dingin kizang ding hi. Tua loin hypersonic missile carrier dang fifth generation Husky-class submarine ah kithuah ding a, nasepna pen St. Petersburg Marine Engineering Bureau ah nasia takin kinei lai hi. A sawt a zat dingin Zicron pen air- and ground-based modifications in kibawl a, nasepna paizom zel hi. Zircon pen zat theih dinga galvan in sitna kinei khin a, 2018 - 2020 kikal in Russia in galvan dingin zang ding hi. Russian hypersonic missile demna dingin US in mid-2020s ciang hypersonic missile neih sawm a, mid-2040s pawlin Pentagon in hypersonic strike platform neih ding a hanciam ahi hi. A bul in i gen bangin USte X-51A pen concrete project hi loin a kipan dek pan hi a, galvan in kibawl nai loin flying laboratory ah etkhiatna/ sinna (experiments) nei-in buai lai uh hi. US military industrial complex in a missile bawl pen X-51A's tests panin a theihna siksan in a bawl uh ahi hi. A bawlte (developers) a kipatna lampi (only at the very beginning of the road) ah ding lai uh a, Russia in Kholod-2 program zo dek ta hi ci-in Tuchkov in a thugen khum hi.

Source: Sputnik

@Thang Khan Lian #ZUNs