Gualtung va bang a tuang Pu Lengtong Pauno.

Gualtung va bang a tuang Pu Lengtong Pauno.

A lakam siam zia leh a kamsiam zia liang tak bel :
1- Zanpuan cih suk ziau ding pen...
"Zan sawt daidam silhpuan" ci sese.

2- Na khitui ong nulsak ning cih ziau ding pen
"Na duang damtui kawt hong nulsak ning" ci sese.

3- Hong mangngilh zo ngei kei ning cih ziau ding pen ...
"Meitei guun ah tui a luan lai tengin hong ngilh ngei kei ning e" ci sese.

4- Ka lungsim sungah hong vei den ingh cih ziau ding pen....
"Tuuk phalbi khuakhal hun kihei taleh kong sialna luankhi theu lo" ci sese.

5- Kei leltak kuamah in zong hong ngai ken teh cihsuk ziau ding pen ....
"Tulsing ka hizong kei liim ah gual khawl lo ding a, damtui ka hizong sengual in dawn lo ding a..." ci sese.

6- Ka ngaihno phawk lua dihdih sing e cih ziau ding pen...
"Huihkhi hong laang ngaih gim hong nam" ci sese.

7- Ka pa in hong sihsan ta cih suk ziau ding pen...
"Liim belh phung liim al bang mang ta, phung bang sel kik nawn lo ding a" ci sese.

8- Khitui naptui tawh vai om bangbang na hawm ta ungh cih ziau ding pen...
"Luankhi sung neek in zing vai hawm ungh e" ci sese.

9- Ka vaang bei ta cih ziau ding pen...
"Ka paal heu ta ka gim theng ta" ci sese.

10- Zomi ka hihna daipih ngam lua lel ingh cih ding pen...
"Zomi te hai lua sa ingh Zomi ka hi" ci sese.

Tua zah ci pak ni.
By: Zomi Quavadis