SIMLEI PIAN KIDANG TA EI

SIMLEI PIAN KIDANG TA EI

🕯️Gam makai leh gim leh tawl a nasemte sangin,
a nungzui ten thu nei nuam zaw ta hi.

🕯️Nupi leh papite sangin nungak/tangvalte sex thu lam sinna panin theihna (experience) hau tam zaw ta hi.

🕯️Githa tum siam a, khui tampi ah a tumte sangin,
githa lawng thei bekte a siam kisa zaw tam zaw ta hi.

🕯️Sum hau mahmah a, zat val ding a neite sangin,
sum muhna mel a nei lote a nop taal tam zaw ta hi.

🕯️Sangkahna kician nei a, degree hoih nei makai thumu theite sangin,
Mualmet Degree ngahte a pil kisa zaw mi tam ta hi.

🕯️A zawhmawh pau, pau khiat buatbuat hatte sangin,
zahmawh thu a za nuam leh a hi dandante zawlgaai leh numei zawl gaai tam zaw ta hi.

🕯️First class officer mihaute sangin,
Third class officer nek tawm tawh a kisikhopte mawtaw hoih a tai ziahziah tam zaw ta hi.

🕯️Kumpi sepna hoih nono neite sangin, gamnuami makaite taih inn sunga teng tam zaw ta hi.

🕯️Politics pilna tawh buaih ngahte sangin, sinna a nei vet lote politics thei kisa tam zaw ta hi.

🕯️Tu lai online leh news group comment-te en leng University buai ngah khinsate sangin University baang zut kha leh gal muh khate pil a kisa tam zaw ta. History laibu kawm lawng kha lote history thei leh gensiam tam zaw ta hi.

🕯️Ni sial a zu khamkham khat sangin,
kha thu lam ah hat ing a kicici ngamte a thuman lo tam zaw ta.

🕯️Leitung bup-a melhoih kidemna ah khatna ngahte sangin,
Fb leh Instragram ah nungakte maan a hoihzaw tam ta hi.
🕯️Pawlpi makai sawtpi a len khinsate sangin,
LST degree buaih neu khat ngah cilte pawlpi thak phuankhiat siam tamzaw ta hi.

🖋️✒️Thang Khan Lian