INDIA KUMPI LEN BJP PARTY ADINGIN A MINSIATHUAI THU

INDIA KUMPI LEN BJP PARTY ADINGIN A MINSIATHUAI THU

June 6, 2017: Lucknow Special CBI court in May 30 (Tuesday) in senior BJP makaite - L.K Advani, Murli Manohar Joshi (HRD minister lui) leh Union Minister Uma Bharti tungah December 6, 1992 in Muslim (Mughal) kumpite lam Babri masjid temple a kisuksiatna (demolition) ah kigolh in, a susiate kar sevaks kicite thapia in makaih uh hi ci-in a tung uh-ah criminal conspiracy case bawl khum a, a kisuksiat zawh kum 25 phial khit nungin tu-in thusitna thuak ding uh hi.

Hih BJP makai lubawk thumte tungah ngawh theihna ding man hi ci-a ciamtehna (evidence on record) kicing om ahih manin hih ngawhna panin peng thei lo ding uh hi ci-in special CBI judge S.K. Yadav in a order ah tungsak hi. Tua loin Lucknow Special CBI court in zong BJP leh a pawlte thum - BJP Rajya Sabha MP Vinay Katiyar, VHP makai Vishnu Hari Dalmia leh Sadhvi Ritambhara tungah Section 120 B (criminal conspiracy) of the Indian Penal Code ciamteh beh lai hi. Hih ngawhna panin a peng theihna dingun LK Advani (India Depurty prime minister lui leh a 7na) leh a dangte ngetna “discharge application” kici CBI court in nawlkhin sak hi.

CBI court in a kimat pah naih lohna dingun ngetna (application for bail) san'sak lai a, hih ngawhna tuak tengin bail a ngah theihna dingun mimal khat tekin ₹50,000 pia uh a, tua loin ngawhna tuak mi dang 12te zong bail pia hi. Ngawhna tuakte thukhen (lawyer)-te lak a khat Vimal Srivastava in court ah a peng theihna dingun discharge application kikhia napi court in a nial theihna dingin mawh mah uh cih theihna ding thuman Section 120B nuai-ah om lo hi a cih hangin ama genna CBI judge in thukimpih lo hi.

A beisa hunin Advani tunga Sections 147, 149, 153A, 153B and 505 of the IPC kingawhte banah tu-in criminal conspiracy kingawh beh lai hi. Ngawhna clauses-te pen: kitualvatna piangsak (rioting - Sec.147), a susia khempeuh temple susia dingin kikaikhawm (every member of unlawful assembly guilty of offence committed in prosecution of common object - Sec. 149), nam nih i.e. Muslim leh Hindu kikal ah kihuatna ding leh kigal neihna ding piangsak (promoting enmity between different groups - Sec. 153A), gam kipumkhatna dingin angvantuam nei in, ngawh tuam nei (imputations, assertions prejudicial to national-integration - Sec. 153B) leh mipi khemna dingin thuman lo gen in ngian zang (statements conducing to public mischief - Sec. 505) cihte ahi hi.

A tunga minte banah Babri Masjid temple susia in mi 6 kingawh beh a, a tam zawte BJP tawh kipawl Sangh Parivar kicite hi. Hihte pen BJP MP lui Ram Vilas Vedanti, Mahant Ram Janmabhoomi Nyas a sem Nrityagopal Das, Shiv Sena makai Satish Pradhan, VHP makai Champat Rai, Mahant Dharmdas leh B.L. Sharma hi. Ngawhna nei mite court ah a kisap ciangin buaina piang thei zel ahih manin security khauhtakin kikoih in May 25 in zong Mr. Advani, Dr. Joshi, Ms. Bharti leh a dangte temple suksiatna case vai ah maitang kilak dingin Indira Nagar a CBI court ah kisam a, va kilaak uh hi. U.P. Chief Minister Yogi Adityanath in VVIP guest house ah Advani na muak hi.

Advani leh a dang top BJP makaite Babri Masjid kisuksiatna ah court ah a kilaak masakna uh pen April in Supreme Court (SC) in a thuneihna Article 142 zangin criminal conspiracy charges kingawhna hing kik sak un a cih manin hih bang thu hong om kik thei hi bek hi. Allahabad High Court judgment in CBI court ngawhna 2001 in hihte kingawhna 2010 in na phiatsak a, ahih hangin apex court in thukim lo hi. Hih thu hangin Special CBI court in SC kiangah a kingawhna uh nisim in thusitna (daily hearing) a neihna ding ngen hi. Ngawhna tuakte defence counsel Mr. Srivastava in ngawhna tuakte nisim in SC ah a kilaak uh kisam lo a, CBI court ngawhna higher court ah kihek dingin hiam cih gen loin Babri Masjib temple ah Hindute Ram temple a kilam kik theihna dingin kuamah in mipite aana tawh kikhawlsak thei lo hi ci hi. Hih criminal conspiracy thusitna (trials) pen May 7 ciangin kipan dingin ki-ummawh hi.

Babri Masjid temple pen U.P. state sunga Ayodhya khua-a om hi a, Hindu ten Muslim kumpi ten Ram temple susia in Babri temple a bawl hi ci-in ngawh uh a, tua mun pen Hindute pasian Ram pian'na hi ci-in um cinten uh ahih manin Hindu ten a temple uh a lak theihna ding uh geelna tawh Hindu kar sevaks mihai honpi in Babri temple a suksiat dimdem uh hi a, tu dong tawh kikalh (locked) lai hi. A kisuksiat theihna dingin Mr. Advani, Dr. Joshi, Ms. Bharti leh BJP makai dangte leh Sangh Parivar makaite theih loh kar sevaks leh mipi lakhs tampi mai-ah (kar sevaks volunteers 150,000 kikhel) Muslimte huatna kammal zangin thugenna nei in, Babri temple a kisuksiatna thu va tangkopih in, kar sevaks kici tha va pia uh hi. A kisuksiat khit 1992 dong thu bangmah kibawl lo a, tua khit nung kitualvatna hangin mi 2900 val si hi. Babri temple pen 1528–29 BC (935 AH) pek in India gam-a Mughal Empire phuankhia Babur in Mir Baqi a bawlsak hi a, UP sunga dingin temple golpen ahi hi. Mir Baqi' bawl ahih manin ama' min tam in Babri Masjid (temple) a kici ahi hi.

Source: The Hindu and Wikipedia
@Thang Khan Lian