NA TUN NOPNA MUN TUN THEIHNA DING THUSIM

NA TUN NOPNA MUN TUN THEIHNA DING THUSIM

🎑 Cikhum leh ci a kihel khawm hangin miksi ten a ci bawm loin a khumna mun cikhum lam bek bawm uh a, a khum teng bek nek dingin tuah uh hi.

🎑 Tua mah bangin nisim na nuntakna ah mi thumante bek tawh kikhawl lecin na nuntakna hong khum thei pan ding hi.

🎑 Na tun nopna mun na tun theihna dingin hong tawng (barks) ui khempeuh suang tawh na deng den leh na tun nopna mun na tung ngei kei ding a, nang hong tawng ui teng si khop in na buaipih den ding hi.

🎑 Nang hong el nuam leh hong mudah tengin lampi ah na pai ciang nangawn in tui peek thei loin lampi ah pai hi hong ci ding uh hi. Tua bangin nang hong el nuam leh hong mudahte thugen teng na awlmawh khak leh lampi pai lai nangawn hong tuksak thei ding uh hi.
vok
🎑 Tui sungah na laam theih hangin nang hong el nuam teiteite leh hong mudah ten leivui lak a laam hi hong ci veve ding uh hi. Tua banga hong kigennate na thusim leh leivui lak a laam na kisa den ding hi.

🎑 Na tupna leh geelna liante na tun theihna dingin thuakzawhna leh dai dide a nuntakna na zat loh phamawh hi. Tua hi leh nang buaina bek awlmawh thei pan in, na khutte zangin na nasem thei pan ding hi.

🎑 Buan nawina mun ah vok na kibuanpih lai teng a nit semsem leh nuamsa semsem ding a, ahih hangin nang na nin semsem ding hi cih mangngilh kha kei in.

🖋️Thang Khan Lian