PA LEH A TAPA KIHONA

PA LEH A TAPA KIHONA

Ta: Pa aw, zi nei nuam ta ing.
Pa: Tua ahih leh sorry (khial ing, hong maisak in) hong kici masa phot in.
Ta: Bang hangin maw pa?
Pa: Sorry hong ci peuh in.
Ta: Bang hangin maw? Bang hih kha ka hiam?
Pa: Sorry hong ci masa phot in.
Ta: Sorry kong cihna dingin bang hih khialh nei ka hiam pa aw?
Pa: Sorry hong ci masa phot in ka ci ve.
Ta: Bang hangin maw?
Pa: Sorry hong ci peuhmah phot lecin.
Ta: Hehpihna tawh bang hangin sorry hong ci ding ka hiam cih hong hilh masa phot in pa aw.
Pa: Sorry hong ci phot peuhmah in ka ci ve.
Ta: Okay pa... Sorry mahmah ing. Hong maisak in.
Pa: Tu-in na thei hiam? Zi nei dingin na kiman ta a, na kisinna (training) na zo zo ta hi. Thu bangmah om lopi-in sorry cih theih ding dan na sin theih ciang bekin koppih zi ding leh ta ding na nei thei pan a, kiman ta hi teh cih lahna hi. Zi na neih nop leh nei ta in, ka ta aw.

Lawp luat (phur phut policy) leh zi neih nuam luat man peuhin sum leh paai kicing nei ta ci-in koppih ding neih pah ding na hilo hi. Na koppih ding pen midangpi leh na lungsim kibatpih vet lo khat zong hi thei hi. I pianpih sanggam nangawn tawh i ngaihsutna kibang den ngei lo hi. Na koppih ding pen midangpi ahih manin lungsim pen a kibat loh hun, a kilehngat hun leh kitelkhiah hun tam mahmah ding hi. Tua ahih manin, "Khialh mah ing, hong maisak in," cih theihna ding lungduaina leh thuakzawhna, kiniamkhiat ding dan na sin khit teh koppih nei pan lecin kitotna leh kiselna panin na peng zo ding hi.

-Thang Khan Lian