SNOWDEN IN NSA DOCUMENT A LEAK NA AH SULEIMAN PEN ISRAEL TE' THAH HI CI

SNOWDEN IN NSA DOCUMENT A LEAK NA AH SULEIMAN PEN ISRAEL TE' THAH HI CI

Syria President Bashar Assad lawm hoih mahmah leh a muan mahmah Syria te' brigadier-genenal Muhammad Suleiman 2008 in tuipi kiang a om a inn Tartus ah a nitak ann ne dingin a om lai in a ngawng leh a lu sniper in kap kha in si hi. Kum sagih cing dekta a tudong kua thah hiam cih kithei nai lo hi.

Ahih hangin CIA te' National Security Agency a Contractor sem ngei whistle blower Edward Snowden in National Security Agency te' document a pholaksakna ah Israel te' tui leh lei lak(amphibious) a galdo siam special agent 'Shayetet 13' te thah hi ci hi.

Edward Snowden in NSA te document thu a pholaksakna thu kigelhna website 'Intercept' kici a sem journalist Glenn Greenwald in NSA leh Israel Prime Minister Office thu a dot hangin bangmah gen nuam lo uh hi.

Brigadier-general Suleiman pen Syria te' nuclear facility munpi Ali Kibar kici ah development leh security lamsang mawhpua in pang hi. Hih mun foreign press ten a a pulak khit nungun vanleng tawh kikapsia hi. 2006 a Israel leh Hizbollah te' buaina ah zong kigolh hi. Hizbollah te zong galvan leh training pia in Suleiman kigolh ahihmanin Shayehet 13 ten a thah uh hi cin Snowden in gen hi.

Suleiman a sih khit nungin Syria kumpi in a inn ah sum $ 80 million mukhia uh a, President Bashar Assad in Suleiman Syria gam lampangin a gamtatna thu a theih ciangin heh mahmah hi. Suleiman sih ma-in Lebanon a Shi'ite militia chief Hassan Nasrallah in a genna ah Hizbollah a dingin Suleiman in na tampi ong sepsak hi na ci hi. Hih thu teng hangin Assad in Suleiman sihna limtakin sui dingin thupia hi.

-Jerusalem Post