AFGHANISTAN INTELLIGENCE TEN MULLAH OMAR SI HI CI
July 29,2015 in Afghan official ten a genna Taliban makai lianpen (amah guak a om cip, kua mah tawh a kimu mengmeng lo/reclusive) Mulah Omar Pakistan ah 2013 in si hi cin tangko khiakik nawn leuleu uh hi. Hih thu pen Taliban makaite leh Afghan makaite kimaituah a kilemna a gen ding uh ni nih ma-in a gen kik nawn uh ahi hi (Afghan-Taliban negotiator ten zing ciangin-July 31, Pakistan ah 'peace talk' face-to-face in nei ding uh hi).
Afghan spy agency spokesman leh National Directorate of Security len Abdul Haseeb Sediqi in zanin telephone panin interview a neihna ah, "Mullah Omar si hi cih nialna ding om nawn lo hi...a paisa kumnih in (April 2013) Karachi (Pakistan) ah dam loin si hi, si lo hi cih upna khempeuh phiat hunta hi" cin gen hi.
2011 in zong Afghan spy agency ten Mullah Omar si hi na ci ngei uh a, a sawt loin a thugen zukkik nawn uh hi. Taliban spokesman Zabihullah Mujahid in zanin Voice of Americate kiangah Afghan spy ten Mullah Omar si hi a cih kik uh pen a zuaupi hi na ci leuleu hi.
Mullah Omar sih thu Afghan spy ten a gen kik nawn leuleu uh pen July 7 ni a Afghan government leh Taliban representatives ten Islamabad ah (official face-to-face) kilemna thu a gen dinguh a khak tat theih ding pawlkhatin um mawh hi. Doha,Qatar-based Taliban ten a genna ah hih July 'Peace Talk' vai pen Quatar-based Talibanten phasakpih loin kihel lo ding ahih manin kisang lo ding hi cin tangko uh hi. Tua banah Taliban deputy-leader Mullah Akhtar Mohammad Mansour in hih kilemna thu gen ding a thukimpih lohna pulak hi.
Afghanistan ah Talibante a puksiat zawh (2001) nung uh a paisa kum sawm val sung Mullah Omar mipi muhna kilang ngei nawn lo ahih manin si khin zo hi cin kigen mun mahmahta hi. I nung kalin Taliban panin a taikhia Feday-e-Mahaz in Mullah Omar southern Afghanistan a om Zabul province ah 2013 si hi cin a genna panin a si dingin ki-ummawh pha diak hi. Feday-e-Mahaz (Taliban leh Afghan peace talk ding a deih lo pawl) in a genna ah Mullah Omar pen Zabul ah kivui hi cin gen hi. Zanin Afghanistan President Ashraf Ghani' deputy spokesman in thupuakte kiangah a genna ah Mullah Omar sihna thu report kingahta a, thu dik mah hiam cih ki-en phakik lai hi cin gen hi. Sediqi in Mullah Omar Karachi zato innah si hi ci in gen a, ahih hangin Afghan spy agency ten koi a kipanin thei a, bang zato a si hiam cih gen lo hi.
NDS official min gen loh khatin a genna ah, "Mullah Omar a sih ma-in cina in gim mahmah a, a kivuina bel thei lo hi'ng" cin gen hi. Aman a gen behna ah Afghan intelligence service ten Mullah Omar sihna thu a paisa kum khat leh a lang bangin thei khinta a, Talibante dona ah ong huh leitung gamtuamtuamin zong hih thu thei khin zo uh hi cin gen hi.
#(Kei up mawh thu): Mullah Omar' sih leh hin thu pen thu buai huaipi khat suak hi. Talibante lak mahmah ah zong a maitang a kimuh lohna sawt luata ahih manin Taliban senior commander leh lower-ranking commander tampitak Taliban panin taikhia in ISIS ah lut uh hi. Mullah Omar pen Taliban ten a muan, a suan leh a zahtak mahmah uh ahih manin si ta leh-hing ta leh Taliban panin taikhia in ISIS a lutlutte a khamna/dalna ding leh Taliban galkapte a thapiakna ding un hing lai mah hi a cih niloh uh kiphawh ding hi.#
MULLAH OMAR TANGTHU TOM KIM:
*Minpi: Mullah Muhammad omar
*Mullah Mohammed Omar
*Pianna: Taliban ten 1960 in Kandahar province a om Chah-i-Himmat ah piang hi cin gen uh hi.
*Soviet Russia (USSR) in 1980 kum in Afghanistan zawh thawh thu tawh ukkhum uh a, Soviette nawh khiatna dingin a dona ah sikzum in a mit tak lak nawk kha-in a a tak lam mit del hi.
*Mullah Omar in Afghan Civil War ah Talibante makaihin a langte (Afghan militias) zawhpih a, tua khit zawhin Afghan gam ukkhum a om Soviet galkapte hawlkhiatpih hi.
*1996 in Taliban makai lianpen ("supreme leader") in pang hi.
*Taliban leh al-Qaeda makai Osama Bin Laden tawh kizopna ding nakpitakin hanciam a, lawhcing hi.
* (9/11 khit zawh ) Al-Qaeda makai Osama Bin Laden tawh Talibante kizopna hangin 2001 in US leh a kipawlpih ten Afghanistan do uh hi.
*2001 in a makaih Afghanistan a Taliban Government te US leh a kipawlpih ten zo uh a, Agfhanistan Democracy in kilaih hi.
*US leh a kipawlpihte gualzawh khit nungin bu mang a, a lutang man dingin US state department in $10m (£6.4m) ciam hi.
*A bukcip khit nungin Taliban ten a thugente khah khiakhia lai uh hi. A nunnung pen dingin July kha kim pawlin Afghan-Taliban 'peace talk' a lunggulh thu gen hi. A thugente video/audio message tung panin a kikhahkhia zel pen July message a piakna ah lai tawh ki-at ahih manin si khin dingin ki-ummawh hi.
*Nung kumin Taliban ten a tangthu (biography) suaksak uh a, tua-ah Mullah Omar in inn nei lo, foreign bank account zong nei lo hi cin gen a, tua banah ciamnuih siam mahmah hi cin gen uh hi.
*Mullah Mohammed Omar
*Pianna: Taliban ten 1960 in Kandahar province a om Chah-i-Himmat ah piang hi cin gen uh hi.
*Soviet Russia (USSR) in 1980 kum in Afghanistan zawh thawh thu tawh ukkhum uh a, Soviette nawh khiatna dingin a dona ah sikzum in a mit tak lak nawk kha-in a a tak lam mit del hi.
*Mullah Omar in Afghan Civil War ah Talibante makaihin a langte (Afghan militias) zawhpih a, tua khit zawhin Afghan gam ukkhum a om Soviet galkapte hawlkhiatpih hi.
*1996 in Taliban makai lianpen ("supreme leader") in pang hi.
*Taliban leh al-Qaeda makai Osama Bin Laden tawh kizopna ding nakpitakin hanciam a, lawhcing hi.
* (9/11 khit zawh ) Al-Qaeda makai Osama Bin Laden tawh Talibante kizopna hangin 2001 in US leh a kipawlpih ten Afghanistan do uh hi.
*2001 in a makaih Afghanistan a Taliban Government te US leh a kipawlpih ten zo uh a, Agfhanistan Democracy in kilaih hi.
*US leh a kipawlpihte gualzawh khit nungin bu mang a, a lutang man dingin US state department in $10m (£6.4m) ciam hi.
*A bukcip khit nungin Taliban ten a thugente khah khiakhia lai uh hi. A nunnung pen dingin July kha kim pawlin Afghan-Taliban 'peace talk' a lunggulh thu gen hi. A thugente video/audio message tung panin a kikhahkhia zel pen July message a piakna ah lai tawh ki-at ahih manin si khin dingin ki-ummawh hi.
*Nung kumin Taliban ten a tangthu (biography) suaksak uh a, tua-ah Mullah Omar in inn nei lo, foreign bank account zong nei lo hi cin gen a, tua banah ciamnuih siam mahmah hi cin gen uh hi.
© 2015, The New York Times News Service
Story First Published: July 30, 2015 00:37 IST
No comments:
Post a Comment