NASA TE'N I OMNA LEITUNG TAWH A KIBANG DEK LEITUNG THAK KHAT MU

NASA TE'N I OMNA LEITUNG TAWH A KIBANG DEK LEITUNG THAK KHAT MU

Vantung lam misiam NASA pawlte'n i omna Leitung tawh a kibang dek mahmah Leitung thak khat a muh thu uh suaksak uh hi.Tua Leitung thak a muh sung uah nuntak theihna, tui leh huih om ding maw om lo ding cih bel cian lian nai lo uh hi.

Tua a muh thak uh Leitungpen Kepler-452b ci'n a min na phuak uh hi. I omna Leitungpan Ni taang hatna tawh a teh uh ciang a gamlatna pen 1400 Light-Year gamlatna muhah om a, i omna Leitung sang 60% in gol zaw ahi hi.

Hih Leitung thak i hupna khauhzia (gravity) pen i omna zah nih in khauh dingin misiamte'n um mawh uh hi.Mual omdan zong i Leitung sangin hoih tuak zaw in um uh a, meimual/tangkang (volcano) puakkham thei zong om dingin lamen uh hi.

CNN genna-ah,hih Leitung thak a muhkhiat un, Ni (Sun) khat vei a kimkot na dingin ni (385) bei ding ci uh hi.Tua dan hi leh i omna Leitung tawh ni (20) bek kikhai ding dan hih tuak hi. I omna Leitung tawh Ni a kimkot hunuh ni 20 bek kikhai ding hi leh (1400 Light-Year) gamlatna a om ding pen upmawh huailo tawh ong kibang leuleu hi.Ahi hangin amau gen dan bangmahin gelhkul ahih manin ei nial theih hilo hi.

NASA te'n Leitung dang a tuamtuam 1000 val bang mukhia khinta uh a, 2017 kumciang TESS a cih uh vansang lam thukan ding Satellite zong kapkhiat sawm/kuankhiatsak sawm leuleu uh hi.

CNN /JERUSALEM ONLINE