NATO-US TE DAL NA DINGIN RUSSIA IN A GAMGI AH S-400 KOIH DING

NATO-US TE DAL NA DINGIN RUSSIA IN A GAMGI AH S-400 KOIH DING

Russia in a U.S. leh NATO a pan a kivenna dingin modern S-400 Triumf leh Pantsir-S air defense system a tum lam gamgi ah tu kum sungin koih ding hi. Hih Russia te' thalakna hangin U.S. media in NATO te kiangah Russia tawh buai khak ding limtakin nih vei a ngaihsut phat ding in gen hi.

S-400 te Russia in a gamgi ah koih leh huih lakah kidonna ah Russia gualzo ding hi cin Zachary Keck a article "Watch Out, America: Russia Sends Super Advanced S-400 to NATO's Borders." kici sungah gelh hi.

Russia te' next-generation anti-aircraft weapon system kici ten huih lak a kizang gamvan namkhempeuh- aircraft, drones, ballistic leh cruise missiles te sim in munsangna 19 miles dong miles 250 panin kapkhia thei ding hi.

S-400 te missile nam thum kithuah a, radar zong kithuah sawnsawn lai ahih manin target (ngimna) khat vei thu bekin mun 300 miles 370 pan in man thei ziauziau hi.

Hih S-400 air defense system thak in tum lam gamte' galvan dal zo mahmah ding a, huih lakah kua hat zaw hiam cih tehna ah a hat zaw penpen gualzo ding hi. Kido bang om zenzen leh S-400 ten NATO te' galvante nasem theilo (neutralised) in koih zo ding hi cin Robert Farley in gen hi.

-Sputnik International