ISRO TEN SATELLITE-BASED NAVIGATION PANKHIA
July 13,2015 in India te' Civil Aviation Minister Ashok Gajapathi Raju in GPS-Aided Geo Augmented Navigation (GAGAN) system kici honna nei hi. Hih GAGAN in vanleng bawh nang mun kitel takin hilh ding a, air-traffic nawngkai na nakpi takin huh ding hi.
GAGAN system pen Indian Space Research Organisation (ISRO) leh Airports Authority of India (AAI) ten Rs. 774 million bei in kum 15 sung a bawl uh hi a, leitung ah hih dan gam li bekin nei pan hi.
GAGAN in India gambuppi GPS tawh vak ding a, tua ban ah Bay of Bengal, South East Asia, Middle East gamte leh Africa in zong phattuampih ding hi. GAGAN in vanleng a sem (flight crew, air traffic controller) te' nasep nakpi in olsak ding a, vanleng thautui zong tampi tawm beisak tuam ding hi ci'n ISRO makai ten gen uh hi.
Minister of Civil Aviation ah Secretary a len R.N. Choubey in a genna ah India vanleng phual 50 in GAGAN phattuampih ding hi ci. Tua banah South Asian Association for Regional Cooperation (SAARC) member ten zong phattuampih ding uh hi ci.
A.S. Ganeshan, project director, GAGAN, ISRO Satellite Centre in Japan leh South Korea ten zong GAGAN system lunggulh uh hi ci.
-The Hindu
No comments:
Post a Comment