POLITICIAN KHAT LEH A TATE' THU (POLITICAL HUMOUR)

POLITICIAN KHAT LEH A TATE' THU (POLITICAL HUMOUR)

Papi khat palik (policeman) 👮 a pension khitin a pension khasum kicing sa zo lo ahih manin sum muhna ding baihlam a om khak leh ci-in politics ah kibual in politician khat hong suak hi.

Tua leh nitak ciangin tapa nih a neihte in inn sep ding lai kipiate (assignment) a bawl uh hiam ci-in lim takin checking bawlsak den hi. A tapa golzaw pen pa' assignment a check khitsak tengin sat cih takin sat gige napi a tapa nauzaw pen pa' assignment a check khitsak tengin a exercise book leh a notebooks phensak ziau in, en se loin bangmah lawh ngei loin paikhiatsan pahpah ziauziau sese hi.

Hih bangin a pa in a unau un a bawl dan kibang sa lo lua ahih manin a golzaw pen in a nauzaw pen pa' kiangah, "Nau aw, nang na assignment hih lo napi in, na fail thapai den hangin i pa'n bangmah hong cih sese loin bang hong cih se loin bang hangin hong paikhiatsan ziauziau sese hiam?" ci-in dong hi.

A nau in, "U aw, ken ka exercise books leh ka notebooks i pa'n hong check sakna munte inn sung van lei dinga hong kisawl ciangin sum ka eukhiatte na koih khol gige in, i pa'n tua la zuau in bangmah hong cih ngei se lo hi. Nang i pa palik a pension khit nungin politician a suah lam mangngilh maw?" ci-in nui heuhau kawm in dawng hi.

A tapa a neuzaw pa bel a gol ciangin police ahih kei leh politician a suah peuhmah leh a pa' ngian sangin suuk zaw in, khauhpaih zaw peelmawh ding hi ci ngam ing.

✍️Thang Khan Lian