ITNA BULPHUH MASA LOPI-IN NUPA KIKHUALTUAH TUAK KHENGVAL LUATE KIHONA

ITNA BULPHUH MASA LOPI-IN NUPA KIKHUALTUAH TUAK KHENGVAL LUATE KIHONA

👩 Nang bang hanga inn sung kitangsapna tuamtuamte leh na tate' sangkahna ding sum sit lo liangin na sum ngah teng phengzat tum mang den na hia sakol? Si suk in la, i uital tawh hong vui vet leng meet zaw lai in teh nang bang mize pasal a kong neih khak. A na hi mai...vaisah tak!!

👨 Nang kithei lo a uipi. Na sum ngahsunsun teng na sam leh mai puahna dingin beauty parlour ah siaktum bei thapai hi mah lo na maw? Kizuak sawm na hia numei paktatte bangin?

A zi zong kisuanglah pian in hong kithusiamsak dep a...

👩 Hi pah sam kei ve aw u aw... Nanga ding bek kong khual luat masakna hang hi zaw hi. Na muhna ah ka etlawm suahna ding leh ka hoihna ding ka geelna hi zaw hi.
👨Aw hi maw? Ken zong zu ka dawn den thapai pen zu ka kham ciang bekin na meel a hoih bangin ngaihsun in, limci kong sakna ding hi zaw hi. Kong khual luat man hi zaw hi.

Baih khol diam maw hih nupate kal mawk bel? Satan in zong a kikhualtuah luat dan nuihza lua in na nuih kauhkauh kha lai mai thei tak hi. A bang teng ki-enlah a kimai kha a kiteng kha vat uh ai tam maw?

Moral: Itna a masak den kei leh nupa kal zong Japan gal banga thuak hak hih tuak mawk hi. Mel hoihna leh ngaihbaanna pen zuaupi hi thei a, make-up hat manin puteek piteekte leh hong mu ngei lote cih lo buang mitkeuh baih mahmah hi.

"Itna neite a lungduai-in migi hi. Itna neite in hazatna lungsim nei loin, zong kisathei lo hi. Itna neite a kilawm loin gamta lo, heh pakpak lo, mite’ mawhna ciamteh lo hi. Thuman lote-ah lungdam ngei lo uh a, thumante bekah lungdam uh hi. Itna neite lungkia cih om ngei lo hi; a upna, a lametna, lungduai takin a ngaknate uh a mawkna cih om ngei lo hi. Itna pen a tawntungin a kip ahi hi." (1 Korin 13:4-8a)

✍️Thang Khan Lian