MIKIM' SEP THEIH PASIAN NA LEH GAM LEH MINAM ADING
Missionary leh evangelism dinga kuankhiate, pastorte leh khawksiate bek Pasian nasem hilo a, tut mun panin piakkhiatna leh thungetna tawh a pangte zong Pasian nasem mah ahi uh hi.
Gam nuai sawlbuk bek beel a galkapte bek leh gam leh minam makaite i cihte bek gam leh minam it leh gam leh minam adingin nasem hilo uh a, inn mun lo mun a om, sum leh paai tawh pang in, inn mun lo mun humbit a, a kemte, piakkhiatna tawh pang in gam leh minam makaite thapiakna leh ahih lo gente (supporters and criticisms) leh thuhoih la hoih (encouragement) gente, thuman lo pholakkhia ngamte zong gam leh minam it leh gam leh minam adingin nasem mah hi veve uh hi.
"Inn lian khat peuhpeuh sungah um leh beel a nam tuamtuam a om hi. Pawl khatte ngun tawh kibawl a, pawlkhatte kham tawh kibawl a, pawlkhatte sing tawh, pawlkhatte tungman tawh kibawl hi. Pawl khatte a thupi diakin zattheih ding, pawlkhatte nisimin a mawkmawkin zattheih ding ahi hi. Mi khatpeuh a hoih lo na khempeuh panin kikemin a siangtho takin a om nakleh na hoih nam khempeuh a sem dingin a Topa tungah ki-apin, a Topa tungah a manpha suak ahih manin a thupi diakte-ah amah kizang ding hi." (2 Timoti Nihna 2:20-21)
A kuankhiate leh tut mun leh inn mun panin na pang leh nasemte kilamdangna om tuan lo a, a sepkhiat zia uh leh a kizat dan uh a kilamdang hi bek hi. A hoih lo na khempeuh panin kikem in, siangtho tak leh thumanna tawh nasemte a thupi diakte ah kizang se ding hi ziau bek hi. I seo zawh zahzah tawh thuman takin sepkhiat a, i sepkhiatna kisiahpih loin i sep khiatna tangkokhiat sakna pen Pasian leh minam adingin sepkhiatna lianpi hi cih meigongnu' sumpi khiatna panin sintheih hi. Thawn hawm sangin thawl dim gin' ngaih lo zaw hi.
🖋️Thang Khan Lian
No comments:
Post a Comment