PASIAN BANG CIA A GOL HIAM?
Ni khat naupangno khatin a pa kiangah, "Pa aw, Pasian golna koi cia hi a, bang cia in gol hiam,?" ci-in dong hi.
Tua leh a pa'n vantung lam a ettoh leh vanleng leng khat mu a, "Ka ta aw, hua van a vanleng leng na mu hiam? Hua van a leng vanleng ban zah in gol hiam?" ci-in dong hi. A tapa van a leng vanleng a muh ciangin, "Pa aw, neu lua hi. Lim takin zong ka mu zo kei hi. Muh tham lo a, ka etet hangin a phattuamna ding om lo hi," ci-in dawng hi.
Tua khitin a pa'n a tapa vanleng phual (airport) ah tonpih a, "Ka ta aw, vanleng koi cia pha a, bang zah in gol hiam cih lim takin en sin aw?" ci hi. A tapa, "Nu vaw, gol beba si e pa," ci-in dawng hi.
Pasian golna leh thupitna pen van a leng vanleng neucik in na muh leh vanleng tual a vanleng kinga gol bembam na muh tawh kilamdang lo hi. Pasian' golna leh vangliatna pen nang leh Pasian' kigamlatna zahzah in mu in, na tel ding hi. Pasian tawh na kinaih leh Pasian golna leh vangliatna a golna leh na thupitna na mu ding a, Pasian tawh na kigamlat leh na neumuh ding hi. Pasian hihna pen nang leh Pasian na kinaihna bangbangin na mu ding hi. Pasian thupitna, golna leh vangliatna na muh nop a, na tel nop leh Amah tawh kinaih in om den in.
-Thang Khan Lian
No comments:
Post a Comment