THEIH A VAL LO, ZUI LENG KISIK LUATNA DING OM LO
*Mi dailen khit phet in dailen buk sung va lut pah kei in. A ek hu teng uh na sung puak liangin na dik kha ding hi. Mi dailen khit minute 10 kihal beek in dailen buk lut leng a kheng nam teng na dai zaw deuh tuam hi.
*Nipi khua lum lai-in mi kisil khit phet in kisilna buk ah va lut pah kei in. A kisilna tuihu (vapour) uh theng nai lo ahih manin kisilna buk sung na lum hehu ding hi. Tawm vei ngak in la, a kisilna tuihu teng uh a theng ciangin lut lecin kisilna buk a ngei na bang ding hi.
*Na kisil khit ciangin kinulna puan (towel) tawh na taw vang kiim teng na nulna mun lim takin ciamteh in. Kinulna puan na zat kik ciangin na taw kiim teng na mulna mun peuh na mai nulna dingin na zat khak ding baihlam mahmah hi.
*Mi an nek lai peuh in na khaksuah leh nap nakpi in na gingsak damdam kei in. An nete a pau loh hangun hong kih mahmah ding uh hi. Mi an nekna kim peuh peuh ah na khaksuah va sia ging damdam kei in la, na nap peuh na nit nuanua kha kei in.
*Khua lak na vak ciangin zun suak ta ci-in na utna peuh ah peek suk pah buatbuat kei in la, zun tha kim lai peuh dakdak, paupau deidai se kei hi. Hong mu ten hai si e hong cihsan lel ding uh hi.
*Mipi lak ah na om ciangin suak ta ci-in na veih deih takin va na ut bangbangin va peek kei in. A ging lo a san kisin in. Veih neih lo a om loh hangin ui bangin na tuahna teng peuh ah va veih sang gin dupdup kei in. Ui bangin hong kingaihsun ding hi.
*Khua lak leh mi lak ah na nap na nit ciangin tat theih ta ci-in na tuahna teng, kawm, zawl leh baang peuh ah na nap siak gawpgawp kei in. Tawta na hihna a pholakkhiakhia na suak ding hi.
*Mi lak ah na om ciangin kam vang ta ci-in mi thugen ngai masa lopi in na ut teng gen in, thukikupna ah va hai paupau kei in. Mihai bangin hong kingaihsut khak ding baih mahmah hi. Gen nop, kup nop i neih leh mi kikup tawh kituak va kuppih theih kisin leng mipil bangin hong kingaihsun pah hi.
🖋️Thang Khan Lian
No comments:
Post a Comment