GAM UK MAKAI GILO CI-A MINTHANG IN A KIGEN VANGVANG MUAMMAR GADDAFI TAWH KISAI A KUAMAH GEN NUAM LOH THUSIM TOMKIM
Bang hanga capitalist suuksia leh mi hoih kineihkhem mite (hypocrites) in Gaddafi hih zahin muhdah in, a kithahna dingin Islamic rebel groups training leh galvan pia in (tua teng ama sih khit nungin a tam zawte ISIS members hong suak), Libya gam UN Security Council resolution thukimna om lopi-in sim in, a uinote uh (Islamic rebels) petlum sak uh a, a bei thei lo gal va piangsak sese uh ahi hiam cih nam sawmte hih bang ahi hi:Muammar Gaddaifi in:1. A gam mite healthcare a mawkna/a khawnkhong in pia hi.2. Khuaphialep mei (electricity) a khawnkhong in pia hi.3. Ditkik ding sum (loans) a meet om loin a gam mite pia in zangsak hi.4. A kiteng thak nupate in inn a neih zawhna dingin $50,000 tawh huhna pia hi.5. Nupite ta a neih sim un huhna sum $5,000 pia hi.6. Libyan citizens namgimtui zuakkhia khempeuhte tung percentage pia hi.7. Gasoline litre khat 0.14 Dinar in zuak hi (Dec. 30, 2019 in 1.45 Dinar/litre tung hi).8. Pilna siamna sinna a khawnkhong in a gam mite ngahsak in, vaihawmsak hi.9. Kum zalom 18 hun 1760s in Judah sumbawl mi hau from Mayer Amschel Rothschild (1744–1812) in Frankfurter Judengasse, Frankfurt, Holy Roman Empire ah a phuankhiat Rothchild Family kici (tu dong a tate in) leitung hauhna leh financial institutions uk in a ut bangbangin governments tuamtuam a thuzawh leh pei zo Rothchild Family Bank a gam ah a om ding phal lo hi.10. Inn neih hamtang ding cih human right hi ci.Hazatna, muhdahna hang, socialism tawh a vaihawm siamna leh a gam mite a it leh a khual luatna hang leh a deuhkhol in Libyan oil etlahna hang tawh Republican President George W. Bush makaih NATO gamte in Libya sim in, a rebels gupte un a thah uh hi bek hi. Gaddafi in a gam kikeek ding deih lo ahih manin gam pualamte tawholh amah langpangte tungah a ngongtatna leh tatsiatna omte bel mi kim in i zakzak leh i khengval leh a kiphuaktawm thute a tam zaw in i theihsa ciat ahih manin suut dah ni. Libya leikhamang gilo hi ci-in minthang vangvang napi-in amah sanga gam ki-ukna bawl ding sawm in, full democratic system tangkopih Libya gam makai na theih bang zah a om ta hiam? Battle of Sirte kici kidona ah Oct. 20, 2011 in nitumna gamte tawh kipawl Libyan Islamic rebels ten simmawhna tawh ganhing bangin bawlin Muammar Gaddafi that uh hi. Tu in a thatte in Gaddafi' uk hun lai-a mipite hamphatna dinga a vaihawmna bangin vaihawm in, a gam mite uh deidan loin a vaan zo uh hiam? Libyan government a kipumkhat sak uh hiam? Zuau bulomtang teng mah phuahtawm in, kikhawm leh khilkhop a, thu thei lo teng khem ding lo buang a hoih a sepkhiatna uh gen ding tam het lo kha ding hi.Gaddafi in Libya gam a uk hun sungin Africa continent sungah Libya gam pen a hausa pente lak-a khat suaksak zo hi. US makaih Western gamte in Gaddafi that in, Western democracy a va puaklut khit nung uh Libya gam-ah tu dong a dai ngei lo tualgal leh biakna hanga kikhenna hangin kitualvatna gal (civil war and sectarian war) kum giat val piikpeek kilawi ngei nai lo a, NATO gamte galphual suak hi. Tua banah Libya gam ki-ukna a hat diak gam makai thum in kikhen uh a, parliament nih pha a, tribal warlords leh ISIS tengin amau hatna leitang teng tuam uk zelzul uh a, leitung adingin a ngongtat pen ISIS piankhiatna gam khat suaksak uh a, tu dong a bei thei lo gal leh ngongtatna pianna gam leh gam uk kituhna hangin buaina tawh kilawi lo hi. Western gamte democracy letsong ngah gamte thupha tua dan vive pian hi mai uh hi (gentehna: Libya, Iraq, Afghanistan, Yemen, Syria, Somalia).Western gamte in dictatorship tawh gam uk ci-in dawi gilo bangin a gen uh leh zuauthu phuaktawm in a sim uh Libya, Iraq, Afghanistan leh Syria gam pen tu ni dongin sisan naisan kisuahna leh ngongtatna thu vive news in i sim dente a pian'na gam suak a, Western democracy (Demoncrazy) huzap in a mut zawh luat man hi kha ding hi. February 1, 2006 in US President George W. Bush in kum sim adingin State of Union address a bawlna ah, "America is addicted to oil," ci-in a genna man mahmah a, US in Middle East ah namgimtui omna gamte OIL DEMOCRAZY puaklut ding hahkat matmah uh hi. Republican President Donald Trump in Iran ah OIL DEMONCRAZY hong puaklut beh zo tam? Ahih kei leh August 19, 1953 in US in a secret agency CIA zangin Pallavi Dynasty kumpi Shah tawh kigulluk in, democratic ngeina banga kiteelcing ruling government leh Prime Minister Mohammad Mosaddegh a thuneih panin thakhat thu in lotkhiat (coup) bawlna dingin US leh United Kingdom kipawlinTPAJAX Project or "Operation Ajax" (under the name "Operation Boot") tawh Iranian democracy gawhlup sakin nekguk golhguk ciing amau thuzawh Muhammad Reza Pahlavi kumpi tokhom tungah a tutsak kik bangun democratic system tawh ki-ukna deih loin kumpi vaihawmna tawh ki-ukna (monarchical system) a va bawl kik zo diam cih leitung bup bildawh hi a, January 3 ni-in Baghdad International Airport a suamsak global oil prices 4% bangin khangsak vat ahih manin kha thum sung adingin global oil price a sang pen tungsak khin nungin global oil price khan' manin global economy hatksatna leh kiamna a Trade War tawh a piansak khitsa hong behlap zo ding hiam cih thu lungngai theite patauhna suaksak hi. Saupi ngaihsutna neite in Galpi Thumna hong piangsak kha tam ci-in a guk in a patau zong tampi mah om uh hi.Middle East experts leh academic siam tampite in hih region pen mundang leh gamdang tawh kibang lo a, tanglai pek panin Shia Muslim leh Sunni Muslim kikal ah Islam phuankhia pa Prophet Mohammad' zalaih ding a kituhna hangun tu dong a dai thei lo biakna saan' zia kibat lohna hangin kigalneih manin sectarian war na piang den ahih manin a thakhat mahmah gam makai khatin a gamte uh a uk kei uh leh sisan naisan kisuahna leh ngongtatna piang den a, a gam uh kip zo ngei loin kilemna leh daihna om thei lo hi ci-in a genna uh man mahmah hi. Arab gamte OIL deihgawhna leh capitalism leh imperialism lungsim leh duhhopna hangin tu dong nitumna gamte in democracy leh human rights paulap in hih kiim leh kuam sungah a bei thei lo gal piangsak den lai uh hi. Biakna lamsang ah ama saan' zia lianlian bang nei loin, midangte thu saan' zia limlim thuakzawhna a nei loin a ngongtatte (religious bigots) in Israel a pumgup nuam luat man un zong Middle East kiim sungah buaina a piangsak den uh pen thudang khat (other factors) hi.NB: Dictatorship tawh kivaihawmna leh dictator gupna thu hi loin Zomi media sungah Muammar Gaddadi thusim leh Middle East buaina kipatna taktak bulpi sut leh khah a om ngei loh manin tam lo i khilhkhawm pak ahi hi. Thu i telcian nop a, thuman i theih nop leh history sim kisam a, thu lim takin a bul a bal in kantel masak kisam hi. Pum gup leh pum phat zawh manin history pen cikmah in laih zawh ding hilo hi. Zuauthu gen zawh man leh thu phuahtawm leh deihkaih gen leh gen siam manin zuauthu pen thuman kisuaksak zo ngei lo hi. Thuman i seel zawh hangin sawt vei sung kiseel zo lo hi. Keel luphum bangin hong kilat ni om peelmawh veve hi."Sawt vei sung a kiseelcip zo lo thu nam thum om a, tuate - ni, kha leh thuman hi." - Lord Gautama Buddha@ Thang Khan Lian #ZUNsReference: Global Researchhttps://www.globalresearch.ca/libya-ten-things-about-gaddafi-they-dont-want-you-to-know/5414289?fbclid=IwAR3JyQLwr6txQgTW9pkFs-9-pZ-GLp3oJk-rtwdy5w9VMrKRhLmno2Wd1IA📷
Bang hanga capitalist suuksia leh mi hoih kineihkhem mite (hypocrites) in Gaddafi hih zahin muhdah in, a kithahna dingin Islamic rebel groups training leh galvan pia in (tua teng ama sih khit nungin a tam zawte ISIS members hong suak), Libya gam UN Security Council resolution thukimna om lopi-in sim in, a uinote uh (Islamic rebels) petlum sak uh a, a bei thei lo gal va piangsak sese uh ahi hiam cih nam sawmte hih bang ahi hi:
Muammar Gaddaifi in:
1. A gam mite healthcare a mawkna/a khawnkhong in pia hi.
2. Khuaphialep mei (electricity) a khawnkhong in pia hi.
3. Ditkik ding sum (loans) a meet om loin a gam mite pia in zangsak hi.
4. A kiteng thak nupate in inn a neih zawhna dingin $50,000 tawh huhna pia hi.
5. Nupite ta a neih sim un huhna sum $5,000 pia hi.
6. Libyan citizens namgimtui zuakkhia khempeuhte tung percentage pia hi.
7. Gasoline litre khat 0.14 Dinar in zuak hi (Dec. 30, 2019 in 1.45 Dinar/litre tung hi).
8. Pilna siamna sinna a khawnkhong in a gam mite ngahsak in, vaihawmsak hi.
9. Kum zalom 18 hun 1760s in Judah sumbawl mi hau from Mayer Amschel Rothschild (1744–1812) in Frankfurter Judengasse, Frankfurt, Holy Roman Empire ah a phuankhiat Rothchild Family kici (tu dong a tate in) leitung hauhna leh financial institutions uk in a ut bangbangin governments tuamtuam a thuzawh leh pei zo Rothchild Family Bank a gam ah a om ding phal lo hi.
10. Inn neih hamtang ding cih human right hi ci.
Hazatna, muhdahna hang, socialism tawh a vaihawm siamna leh a gam mite a it leh a khual luatna hang leh a deuhkhol in Libyan oil etlahna hang tawh Republican President George W. Bush makaih NATO gamte in Libya sim in, a rebels gupte un a thah uh hi bek hi. Gaddafi in a gam kikeek ding deih lo ahih manin gam pualamte tawholh amah langpangte tungah a ngongtatna leh tatsiatna omte bel mi kim in i zakzak leh i khengval leh a kiphuaktawm thute a tam zaw in i theihsa ciat ahih manin suut dah ni. Libya leikhamang gilo hi ci-in minthang vangvang napi-in amah sanga gam ki-ukna bawl ding sawm in, full democratic system tangkopih Libya gam makai na theih bang zah a om ta hiam?
Battle of Sirte kici kidona ah Oct. 20, 2011 in nitumna gamte tawh kipawl Libyan Islamic rebels ten simmawhna tawh ganhing bangin bawlin Muammar Gaddafi that uh hi. Tu in a thatte in Gaddafi' uk hun lai-a mipite hamphatna dinga a vaihawmna bangin vaihawm in, a gam mite uh deidan loin a vaan zo uh hiam? Libyan government a kipumkhat sak uh hiam? Zuau bulomtang teng mah phuahtawm in, kikhawm leh khilkhop a, thu thei lo teng khem ding lo buang a hoih a sepkhiatna uh gen ding tam het lo kha ding hi.
Gaddafi in Libya gam a uk hun sungin Africa continent sungah Libya gam pen a hausa pente lak-a khat suaksak zo hi. US makaih Western gamte in Gaddafi that in, Western democracy a va puaklut khit nung uh Libya gam-ah tu dong a dai ngei lo tualgal leh biakna hanga kikhenna hangin kitualvatna gal (civil war and sectarian war) kum giat val piikpeek kilawi ngei nai lo a, NATO gamte galphual suak hi.
Tua banah Libya gam ki-ukna a hat diak gam makai thum in kikhen uh a, parliament nih pha a, tribal warlords leh ISIS tengin amau hatna leitang teng tuam uk zelzul uh a, leitung adingin a ngongtat pen ISIS piankhiatna gam khat suaksak uh a, tu dong a bei thei lo gal leh ngongtatna pianna gam leh gam uk kituhna hangin buaina tawh kilawi lo hi. Western gamte democracy letsong ngah gamte thupha tua dan vive pian hi mai uh hi (gentehna: Libya, Iraq, Afghanistan, Yemen, Syria, Somalia).
Western gamte in dictatorship tawh gam uk ci-in dawi gilo bangin a gen uh leh zuauthu phuaktawm in a sim uh Libya, Iraq, Afghanistan leh Syria gam pen tu ni dongin sisan naisan kisuahna leh ngongtatna thu vive news in i sim dente a pian'na gam suak a, Western democracy (Demoncrazy) huzap in a mut zawh luat man hi kha ding hi. February 1, 2006 in US President George W. Bush in kum sim adingin State of Union address a bawlna ah, "America is addicted to oil," ci-in a genna man mahmah a, US in Middle East ah namgimtui omna gamte OIL DEMOCRAZY puaklut ding hahkat matmah uh hi. Republican President Donald Trump in Iran ah OIL DEMONCRAZY hong puaklut beh zo tam?
Ahih kei leh August 19, 1953 in US in a secret agency CIA zangin Pallavi Dynasty kumpi Shah tawh kigulluk in, democratic ngeina banga kiteelcing ruling government leh Prime Minister Mohammad Mosaddegh a thuneih panin thakhat thu in lotkhiat (coup) bawlna dingin US leh United Kingdom kipawlinTPAJAX Project or "Operation Ajax" (under the name "Operation Boot") tawh Iranian democracy gawhlup sakin nekguk golhguk ciing amau thuzawh Muhammad Reza Pahlavi kumpi tokhom tungah a tutsak kik bangun democratic system tawh ki-ukna deih loin kumpi vaihawmna tawh ki-ukna (monarchical system) a va bawl kik zo diam cih leitung bup bildawh hi a, January 3 ni-in Baghdad International Airport a suamsak global oil prices 4% bangin khangsak vat ahih manin kha thum sung adingin global oil price a sang pen tungsak khin nungin global oil price khan' manin global economy hatksatna leh kiamna a Trade War tawh a piansak khitsa hong behlap zo ding hiam cih thu lungngai theite patauhna suaksak hi. Saupi ngaihsutna neite in Galpi Thumna hong piangsak kha tam ci-in a guk in a patau zong tampi mah om uh hi.
Middle East experts leh academic siam tampite in hih region pen mundang leh gamdang tawh kibang lo a, tanglai pek panin Shia Muslim leh Sunni Muslim kikal ah Islam phuankhia pa Prophet Mohammad' zalaih ding a kituhna hangun tu dong a dai thei lo biakna saan' zia kibat lohna hangin kigalneih manin sectarian war na piang den ahih manin a thakhat mahmah gam makai khatin a gamte uh a uk kei uh leh sisan naisan kisuahna leh ngongtatna piang den a, a gam uh kip zo ngei loin kilemna leh daihna om thei lo hi ci-in a genna uh man mahmah hi.
Arab gamte OIL deihgawhna leh capitalism leh imperialism lungsim leh duhhopna hangin tu dong nitumna gamte in democracy leh human rights paulap in hih kiim leh kuam sungah a bei thei lo gal piangsak den lai uh hi. Biakna lamsang ah ama saan' zia lianlian bang nei loin, midangte thu saan' zia limlim thuakzawhna a nei loin a ngongtatte (religious bigots) in Israel a pumgup nuam luat man un zong Middle East kiim sungah buaina a piangsak den uh pen thudang khat (other factors) hi.
NB: Dictatorship tawh kivaihawmna leh dictator gupna thu hi loin Zomi media sungah Muammar Gaddadi thusim leh Middle East buaina kipatna taktak bulpi sut leh khah a om ngei loh manin tam lo i khilhkhawm pak ahi hi. Thu i telcian nop a, thuman i theih nop leh history sim kisam a, thu lim takin a bul a bal in kantel masak kisam hi. Pum gup leh pum phat zawh manin history pen cikmah in laih zawh ding hilo hi. Zuauthu gen zawh man leh thu phuahtawm leh deihkaih gen leh gen siam manin zuauthu pen thuman kisuaksak zo ngei lo hi. Thuman i seel zawh hangin sawt vei sung kiseel zo lo hi. Keel luphum bangin hong kilat ni om peelmawh veve hi.
"Sawt vei sung a kiseelcip zo lo thu nam thum om a, tuate - ni, kha leh thuman hi." - Lord Gautama Buddha
@ Thang Khan Lian #ZUNs
Reference: Global Research
https://www.globalresearch.ca/libya-ten-things-about-gaddafi-they-dont-want-you-to-know/5414289?fbclid=IwAR3JyQLwr6txQgTW9pkFs-9-pZ-GLp3oJk-rtwdy5w9VMrKRhLmno2Wd1IA
📷
No comments:
Post a Comment