BALFOUR DECLARATION KUM 100 CINNA TAWH KITUAKIN LEITUNG MUN TUAMTUAM AH LUNGPHONA PIANG; BALFOUR DECLARATION MA LEH A KHIT A THUPIANGTE
Nov. 3, 2017: Leitung mun tuamtuam ah 11 July 1902 – 5 December 1905 kikal UK Prime Minister len Arthur Balfour in Judah ten Jews state a ngahna ding uh kamciamna in Balfour Declaration kici a bawl kum 100 cinna tawh kituak in leitung mun tuamtuam - Ramallah panin South Africa khuapi Prestoria dongah mi tul tampi in lungphona na nei uh hi. Balfour Declarration kici pen Balfour in British Foreign Ministry a let lai 2 November 1917 in British Judah mite makai Lord Rothschild leh Great Britain leh Ireland gam-a Zionist Federation-te kiangah lai na khak a, a declaration pen press ah 9 November 1917 in kikhenkhia (published) hi.
Israel ukkhumna Palestine gamte administrative capital Ramallah khuapi-ah zan in mi tul tampi in lungphona nei uh a, Palestine President Mahmoud Abbas' zum in Britain in Balfour Declaration a pulakkhiat manin Palestine mi ten a leitang uh taanlawh uh ahih manin Britain in maisakna hong nget a, huhna (political, moral and material terms) hong piak banah Palestine ciamtehna (recognition) a bawl ding hi cih a statement ah tuangsak hi. Balfour centenary pawi zatna a kihel dingin UK ah Israel PM Netanyahu va zin a, Manchester University in kum za cin pawi a university ah a zatsak manin mi tampi hehna piangsak hi.
Israel in a ukkhumna East Jerusalem a British consulate zong lungphona nei hon khatin zan in va umcih uh a, Palestine high school sangnaupang mi za tampi in a lungkim lohna uh lahna suai (signatures) leh laikhakte British consulate, East Jerusalem ah khia uh hi. Sangnaupang 100,000 in Balfour kamciamna a lungkim lohna suaikaihna uh British consulate ah khia uh a, "Britishte nuaikiat uh hen! Thudik, Vangliatna leh Suahtahtakna: Palestine pen i state hi!" cih slogan otpih uh hi.
Balfour Declaration i cih Nov. 2, 1917 in British Foreign Minister Arthur Balfour in Palestine ah "Jewish homeland" bawlna dingin Britain in deihsak hi cih a kipulakkhiat masakna pen leh Israel 1948 in hong piankhiatna dingin a ciamtehhuai masa pen leh mualsuang ahi hi.
Timeline en suk pak ni:
*1882-1897 kikal in Judah mite huatna leh langpan'na (anti-Semitism) a om manin Europe gam-a Judah ten Jewish homeland bawlkhiat ding ngimna tawh Zionist Movement hong phuankhia uh hi.
*1897-1914 kikal in Palestine gamah Judah gambeel 70,000 lut uh hi.
* 1920 in Galpi Nihna ah Germany tawh kipawl Ottoman Empire a guallelh manin a ukna uh Palestine leh Tans-Jordan kici sung teng thuneihna (mandate) Allied Powers ten Britain tungah pia uh ahih manin Britain in ukkhum hi.
*1922 in leitung bup kipawlna (UN om ma) League of Nation in Balfour Declaration thukimpihna pia hi.
1922-35 kikal in Palestine ah Judah milip 6% panin 27% in khang hi.
1936 in Palestine gam ah Judahte a lom in peemta in a lut uh lungkim loin Arab ten kum thum sung kiphinna "Arab Revolts" nei uh hi.
*1939-45 kikal Galpi Nihna hun sungin Nazi ten Europe gam a uk khumna gamte uh-ah Judahte a lomthah uh "Holocaust" kici hangin Palestine ah Judahte peemta a lomlom in hong lut beh uh hi.
*1947 in Britain in Palestine a thuneihna United Nations tungah apkhia a, UN in Jewish state bawl geelna (plan) hong bawl hi.
1948-49 kikal UN in Jewish state dinga a geelna ciangtan sung peel in Palestine leitang ah Israel in gamkeek beh hi.
*1948 in Israel in suahtakna pulak manin Arab gam ten Palestine sim uh a, Arabte 7,00,000 taikhia/galtai uh hi.
*1949-67 kikal Jordan in West Bank sung uk hi.
*1949-67 kikal Egypt in Gaza Strip uk hi.
*1967 in Arab gam kipawlkhawm- Egypt, Syria, Jordan, Iraq, Lebanon gam ten Palestine ukkhum Israel sim uh a, Six Day War (June War, 1967 Arab–Israeli War, or Third Arab–Israeli War zong a kici) June 5–10, 1967 kikal hong piang hi. Arab gam kipawl ten lel uh ahih manin Israel in West Bank, East Jerusalem, Gaza Strip leh Syria gam-a Golan Heights la uh a, tu dong UN thukhun palsat in ukkhum lai hi.
*1973 in Egypt leh Syria in Yom Kippur panin Israel kap kipan hi.
*1987 in Palestine ten mipi lungphona leh kiphinna masa pen First Intifanda kici hong pan uh hi.
*2000 in Palestine ten Second Intifanda pan kik uh hi.
*2005 in Gaza panin Israel kikhemkhia (disengagement) pan hi.
*2006 in Palestine kiteelna ah Islamic movement Hamas ten Gaza election ah Palestine Authority zo uh hi.
2007 in Hamas ten Gaza Strip sung teng la uh hi.
*Oct. 2017 in Palestine Authority leh Hamas ten Egypt khuapi a kilem kikna leh kipumkhatna dingin "national reconciliation" leh "national unity" kici thukimna suai a kaih bangun Hamas ten Gaza Strip sung Nov. 1 in Palestine Authority khut sungah ap kik hi.
*1897-1914 kikal in Palestine gamah Judah gambeel 70,000 lut uh hi.
* 1920 in Galpi Nihna ah Germany tawh kipawl Ottoman Empire a guallelh manin a ukna uh Palestine leh Tans-Jordan kici sung teng thuneihna (mandate) Allied Powers ten Britain tungah pia uh ahih manin Britain in ukkhum hi.
*1922 in leitung bup kipawlna (UN om ma) League of Nation in Balfour Declaration thukimpihna pia hi.
1922-35 kikal in Palestine ah Judah milip 6% panin 27% in khang hi.
1936 in Palestine gam ah Judahte a lom in peemta in a lut uh lungkim loin Arab ten kum thum sung kiphinna "Arab Revolts" nei uh hi.
*1939-45 kikal Galpi Nihna hun sungin Nazi ten Europe gam a uk khumna gamte uh-ah Judahte a lomthah uh "Holocaust" kici hangin Palestine ah Judahte peemta a lomlom in hong lut beh uh hi.
*1947 in Britain in Palestine a thuneihna United Nations tungah apkhia a, UN in Jewish state bawl geelna (plan) hong bawl hi.
1948-49 kikal UN in Jewish state dinga a geelna ciangtan sung peel in Palestine leitang ah Israel in gamkeek beh hi.
*1948 in Israel in suahtakna pulak manin Arab gam ten Palestine sim uh a, Arabte 7,00,000 taikhia/galtai uh hi.
*1949-67 kikal Jordan in West Bank sung uk hi.
*1949-67 kikal Egypt in Gaza Strip uk hi.
*1967 in Arab gam kipawlkhawm- Egypt, Syria, Jordan, Iraq, Lebanon gam ten Palestine ukkhum Israel sim uh a, Six Day War (June War, 1967 Arab–Israeli War, or Third Arab–Israeli War zong a kici) June 5–10, 1967 kikal hong piang hi. Arab gam kipawl ten lel uh ahih manin Israel in West Bank, East Jerusalem, Gaza Strip leh Syria gam-a Golan Heights la uh a, tu dong UN thukhun palsat in ukkhum lai hi.
*1973 in Egypt leh Syria in Yom Kippur panin Israel kap kipan hi.
*1987 in Palestine ten mipi lungphona leh kiphinna masa pen First Intifanda kici hong pan uh hi.
*2000 in Palestine ten Second Intifanda pan kik uh hi.
*2005 in Gaza panin Israel kikhemkhia (disengagement) pan hi.
*2006 in Palestine kiteelna ah Islamic movement Hamas ten Gaza election ah Palestine Authority zo uh hi.
2007 in Hamas ten Gaza Strip sung teng la uh hi.
*Oct. 2017 in Palestine Authority leh Hamas ten Egypt khuapi a kilem kikna leh kipumkhatna dingin "national reconciliation" leh "national unity" kici thukimna suai a kaih bangun Hamas ten Gaza Strip sung Nov. 1 in Palestine Authority khut sungah ap kik hi.
Source: Wikipedia; The Hindu
@Thang Khan Lian #ZUNs
@Thang Khan Lian #ZUNs
*Israel hong piankhiatna thu leh a President masa pen uh Chaim Weizmaan' tangthu leh leh Zionist Movement thu na theih beh nop leh hih link panin na sim in
Photo: Balfour leh Balfour Declaration; Ramallah leh Pretoria ah lungphona neite
No comments:
Post a Comment