BANG TAN VEI ZOMI HI DING? AHIH KEI LEH ZUAUMI LEH ZUAUGUM MINAM SUAK LIANG ZAW DING MAW?
Dawi mangpa nangawn in zong LST mun mah na sinsan ngekngekin thum vei tak Topa Jesuh na ze-et hi. Ei Zomite Khristian give kihi napi-in ei sungah zong LST um pha diak kineih se Sia nengnengte leh Khristian a kici lanlan pha diak teng mah zuaugen mangpi teng leh minam dangte a pum muhdah leh deidan (racist) pha diak (suuksia) teng ahih zawksop sese pen uh a lamdang thu hilo hi. Pasian' kammal LST pen up ding bek hi loin nisim naisim in nuntakpih ding hi zaw hi. Dawite nangawn in Pasian um in lau in ling deldel uh hi. (ref. James 2:19)
Tua hi napi-in amau political party leh makai pum gupte a pum guppih lo teng gal bawlin Satan ci zawsop uh hi. Conservative pupi Farisai mite, Sadduci mite leh Thukham hilh siate bangin mi hoih a kineihkhem kitam lua ta hi.
Pawl khatte leuleu amau political party leh makai gupte Khristian hi a, a muhdah uh a langte dawi tawh kipawl hi ci uh hi. Pawl khat leuleu in amau political party leh makai deihte a kiteelcing ciang bekin mipite teelcing ahih manin Pasian' thukimpihna hi ci thei napi-in democracy ah amau deihte bekin dictatorship bangin thuneihna a let den ding deih uh ahih manin opposition party leh makai ten gualzawhna a ngah ciangin vote gu uh hi, dawi tawh kipawl hi, ci-in dawi minthangsakna dingin dawi min lim gen mahmah sese uh hi.
Jesuh A Kize-etna
(Mrk 1:12-13; Luk 4:1-13)
Tua ciangin Dawimangpa’ ze-etna a thuak dingin Kha Siangtho in gamlakah Jesuh a paipih hi. Tua ciangin ama kiangah Dawimangpa hong pai a, “Pasian’ Tapa na hih takpi leh hih suangte anlum a suahna dingin thu pia in,” a ci hi. Ahi zongin Jesuh in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hilo ahi hiam?” ci-in a dawng hi.
Tua ciangin Dawimangpa in gamlak panin Jerusalem khua-ah Jesuh paipih a, biakinn khumzang a sangpen munah a kahtohpih khit ciangin, “Pasian’ Tapa taktak na hih le Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete leh suang a kitahkhak lohna dingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuaksuk in,” a ci hi. Jesuh in, “Lai Siangtho mah ah, ‘Na Topa Pasian na ze-et kei in,’ ci-in gen hilo ahi hiam?” ci-in a dawng hi.
Tua ciangin Dawimangpa in mual sang mahmah khatah Jesuh paipihto a, leitung kumpi gam khempeuh leh a hoihna teng a lah khit ciangin, “Ka mai-ah kunin kei hong bia lecin hihte khempeuh nangma tungah kong pia ding hi,” a ci hi. Jesuh in, “Satan aw, taikhia in. Lai Siangtho in, ‘Na Topa Pasian bek bia in la, ama na bek sem in,’ ci hi lo ahi hiam?” ci-in a dawng hi. (Matthai 4:1, 3-11)
Thukham Lianpen (Itna)
Amaute sung panin Thukham hilh siate khat in Jesuh a thangsiahna-in thu hong dong a, “Sia aw, thukham khempeuh sung panin bang thukham lianpen ahi hiam?” ci-in a dong hi.
Jesuh in, “Na Topa Pasian na lungsim khempeuh, na nuntakna khempeuh, leh na pilna khempeuh tawh na it ding hi, cihna ahi hi. Hih pen a masa pen, a lianpen thukham ahi hi. A nihna pen a masa mah tawh kibang a, nangma pumpi na it bangin na vengte na it in, cihna ahi hi. Hih thukham nihte tung panin thukham dang khempeuh leh kamsangte’ thuhilhna khempeuh a hong meengkhia ahi hi,” ci-in a dawng hi (Matthai 22:35-40).
Lai Siangtho sungah, “Nangmah na ki-it bangin na vengte na it in,” ci-in a genna Topa’ Thukham zui le-uhcin a hoih hi pah hi. Ahi zongin mi na deidan uh leh note a khial na hi uh a, Thukham a palsat na hi veve uh hi. Mi khatpeuh in thukham dang khempeuh a zuih hangin khat a khialh nakleh a vekpi-in a khial mah ahi hi. (James 2:8-10)
“Note in, ‘Na vengte uh na it un la, na galte uh na mudah un,’ ci-in a kigenna thu na zaksa uh ahi hi. Ahi zongin ke’n note kiangah kong genin-ah: Na galte uh na it un la, no hong bawlsiate adingin thu na ngetsak un. Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte leh misiate tungah a kibangin ni taangsak khawm a, a gamtat phate leh a gamtat siate tungah zong a kibang mahin guah zusak khawm hi. Tua ahih manin no hong itte bek na it uh leh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi. Na lawmte bek uh hopihin thupha na piak uh leh mi mawkmawkte sangin na hoihzawkna uh bang om ahi hiam? Gentail mite nangawn in tua bang ciang lel hih thei uh hi. Tua ahih manin vantungah a om na Pa uh a cingtaak mah bangin note zong lungsim citakin na cingtaakna ding uh na hanciam un. (Matthai 5:43-48)
Khat leh khat ki-it ding cih lohbuang, kuama tungah leiba nei kei un. Mi dang a itte in Thukham deihna teng a zui khin ahi hi. (Rom 13:8)
Itno lobuang kuamah tungah leiba kei ni. A mi mudah ke'n la, a thu na deih lohte bek na langpang leh muhdah nop tentan leh langpang leh muhdah kisin zaw in (thuman lohnate bek). Zomite pen Zuaumi leh Zuaugum minam i suahsak lohna dingin kidawm ciat ni. Pammaih lua a, mindaihuai lua mahmah ding hi.
Thang Khan Lian #ZUNs reports
Pawl khatte leuleu amau political party leh makai gupte Khristian hi a, a muhdah uh a langte dawi tawh kipawl hi ci uh hi. Pawl khat leuleu in amau political party leh makai deihte a kiteelcing ciang bekin mipite teelcing ahih manin Pasian' thukimpihna hi ci thei napi-in democracy ah amau deihte bekin dictatorship bangin thuneihna a let den ding deih uh ahih manin opposition party leh makai ten gualzawhna a ngah ciangin vote gu uh hi, dawi tawh kipawl hi, ci-in dawi minthangsakna dingin dawi min lim gen mahmah sese uh hi.
Jesuh A Kize-etna
(Mrk 1:12-13; Luk 4:1-13)
Tua ciangin Dawimangpa’ ze-etna a thuak dingin Kha Siangtho in gamlakah Jesuh a paipih hi. Tua ciangin ama kiangah Dawimangpa hong pai a, “Pasian’ Tapa na hih takpi leh hih suangte anlum a suahna dingin thu pia in,” a ci hi. Ahi zongin Jesuh in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hilo ahi hiam?” ci-in a dawng hi.
Tua ciangin Dawimangpa in gamlak panin Jerusalem khua-ah Jesuh paipih a, biakinn khumzang a sangpen munah a kahtohpih khit ciangin, “Pasian’ Tapa taktak na hih le Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete leh suang a kitahkhak lohna dingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuaksuk in,” a ci hi. Jesuh in, “Lai Siangtho mah ah, ‘Na Topa Pasian na ze-et kei in,’ ci-in gen hilo ahi hiam?” ci-in a dawng hi.
Tua ciangin Dawimangpa in mual sang mahmah khatah Jesuh paipihto a, leitung kumpi gam khempeuh leh a hoihna teng a lah khit ciangin, “Ka mai-ah kunin kei hong bia lecin hihte khempeuh nangma tungah kong pia ding hi,” a ci hi. Jesuh in, “Satan aw, taikhia in. Lai Siangtho in, ‘Na Topa Pasian bek bia in la, ama na bek sem in,’ ci hi lo ahi hiam?” ci-in a dawng hi. (Matthai 4:1, 3-11)
Thukham Lianpen (Itna)
Amaute sung panin Thukham hilh siate khat in Jesuh a thangsiahna-in thu hong dong a, “Sia aw, thukham khempeuh sung panin bang thukham lianpen ahi hiam?” ci-in a dong hi.
Jesuh in, “Na Topa Pasian na lungsim khempeuh, na nuntakna khempeuh, leh na pilna khempeuh tawh na it ding hi, cihna ahi hi. Hih pen a masa pen, a lianpen thukham ahi hi. A nihna pen a masa mah tawh kibang a, nangma pumpi na it bangin na vengte na it in, cihna ahi hi. Hih thukham nihte tung panin thukham dang khempeuh leh kamsangte’ thuhilhna khempeuh a hong meengkhia ahi hi,” ci-in a dawng hi (Matthai 22:35-40).
Lai Siangtho sungah, “Nangmah na ki-it bangin na vengte na it in,” ci-in a genna Topa’ Thukham zui le-uhcin a hoih hi pah hi. Ahi zongin mi na deidan uh leh note a khial na hi uh a, Thukham a palsat na hi veve uh hi. Mi khatpeuh in thukham dang khempeuh a zuih hangin khat a khialh nakleh a vekpi-in a khial mah ahi hi. (James 2:8-10)
“Note in, ‘Na vengte uh na it un la, na galte uh na mudah un,’ ci-in a kigenna thu na zaksa uh ahi hi. Ahi zongin ke’n note kiangah kong genin-ah: Na galte uh na it un la, no hong bawlsiate adingin thu na ngetsak un. Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte leh misiate tungah a kibangin ni taangsak khawm a, a gamtat phate leh a gamtat siate tungah zong a kibang mahin guah zusak khawm hi. Tua ahih manin no hong itte bek na it uh leh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi. Na lawmte bek uh hopihin thupha na piak uh leh mi mawkmawkte sangin na hoihzawkna uh bang om ahi hiam? Gentail mite nangawn in tua bang ciang lel hih thei uh hi. Tua ahih manin vantungah a om na Pa uh a cingtaak mah bangin note zong lungsim citakin na cingtaakna ding uh na hanciam un. (Matthai 5:43-48)
Khat leh khat ki-it ding cih lohbuang, kuama tungah leiba nei kei un. Mi dang a itte in Thukham deihna teng a zui khin ahi hi. (Rom 13:8)
Itno lobuang kuamah tungah leiba kei ni. A mi mudah ke'n la, a thu na deih lohte bek na langpang leh muhdah nop tentan leh langpang leh muhdah kisin zaw in (thuman lohnate bek). Zomite pen Zuaumi leh Zuaugum minam i suahsak lohna dingin kidawm ciat ni. Pammaih lua a, mindaihuai lua mahmah ding hi.
Thang Khan Lian #ZUNs reports
No comments:
Post a Comment