PAWLPI SIA LEH UPA DINGTE PIANZIA DING
Tu hun ciangin Khristian pawlpi sung leh Khristian thu-upna ah pawlpi mite' thu zuih ding thu leh a pianzia ding vive bek uh gen in kinei a, amaute tuu bangin a makaih ding siate leh upate piazia ding gen kuamah om vet lo ahih manin i biak Pasian a kibang hi napi pawlpi milip leh Khristian milip a kibehlap hilo napi-in pawlpi kikhenna tam semsem a, kilangneihna suuksia semsem in, zung thuk kha semsem hi. Tuucing gina loin tuute a cin' hangin ngaite in balzan a, tuute kikhenthang in, gammang khin uh hi.
Ngia hon lakah tuute kipumkhat in, tuucingpa in a kep lai teng ngia in ne zo lo hi. Tuucing hoih in a kep leh a cin' tuute kikhenthang ngei loin kipumkhat liailiai den uh hi. Pawlpi a kikhenkhen sak sia leh upa pen upna man tawh pawlpi makaih lote bek hi. Pawlpi mite' hangin pawl sung kikek ngei lo a, makaite, upate leh siate hong kilem loh ciang bekin pawlpi kitamkham zo bek hi. A makai (tuucing) ding om loin tuute a vak zau ngam om lo hi. Tuucing hoih in a tuute khahkhong in a pheng vak gawp ding uh phal lo a, sihpih ngam zaw hi. A tuute lona mun ah lumsak in, tui kiangah paipih a, bangmah kitasam sak lo hi.
Pawlpi Sia dingte' pianzia ding:
Mi khatpeuh, pawlpi sia nasep a ut leh a hoih mahmah ahi hi, a cihna thu a man ahi hi. Tua ahih manin siate pen paubaan'na a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin leh leengla do a siam mi, thuhilh a siam mi, zu a kham lo mi, a ngongtat lo mi, lungsimnem mi, kitot a uk lo mi, sum a deih lua lo mite hi ding uh hi. A innkuan sung hoih takin a uk zo mi, a tate thumangsak thei-in, na khempeuh ah a kilawm a kituakin a gamtasak thei mi hi ding uh hi.
Bang hang hiam cih leh mi khatpeuh in a innkuan sung ukzia ding a theih kei leh Pasian’ pawlpi kem thei lo ding hi. Khristian a suaktungte zong hilo ding hi. Tua bang mi thakte kiphasak thei a, Dawimangpa mah bangin thukhenna a thuak mite hi kha thei ding hi. Pawlpi mi ahi lo mi dangte in zong a zahtak mite hi ding hi. Tua hileh mindai kha lo ding a, Dawimangpa’ thangah awk kha lo zaw deuh ding hi.
Pawlpi Upate dingte' pianzia ding:
Pawlpi upa dingte zong a gamtat hoih, a lungsim citak, leenggahzu tam a ne lo, sum thu-ah a huaiham mi hilo ding uh hi. Lungsim kisuan'na a om lo, upna thu-ah a kip mite hi ding uh hi. A masa-in kize-et phot ding a, paubaanna a om kei leh sem thei pan ding uh hi. A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuh ah a thuman mi hi ding uh hi. Upate pen zi khat bek a nei mi, a tate leh a innkuan sung hoih takin a uk zote hi ding hi. Pawlpi upa hoih takin a semthei mite pen mite in zahtak uh a, Khrih Jesuh a upna thu uh kisuanna om het loin hang takin gen ngam uh hi.
1 Timoti 3:1-13
Thang Khan Lian #ZUNs
Ngia hon lakah tuute kipumkhat in, tuucingpa in a kep lai teng ngia in ne zo lo hi. Tuucing hoih in a kep leh a cin' tuute kikhenthang ngei loin kipumkhat liailiai den uh hi. Pawlpi a kikhenkhen sak sia leh upa pen upna man tawh pawlpi makaih lote bek hi. Pawlpi mite' hangin pawl sung kikek ngei lo a, makaite, upate leh siate hong kilem loh ciang bekin pawlpi kitamkham zo bek hi. A makai (tuucing) ding om loin tuute a vak zau ngam om lo hi. Tuucing hoih in a tuute khahkhong in a pheng vak gawp ding uh phal lo a, sihpih ngam zaw hi. A tuute lona mun ah lumsak in, tui kiangah paipih a, bangmah kitasam sak lo hi.
Pawlpi Sia dingte' pianzia ding:
Mi khatpeuh, pawlpi sia nasep a ut leh a hoih mahmah ahi hi, a cihna thu a man ahi hi. Tua ahih manin siate pen paubaan'na a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin leh leengla do a siam mi, thuhilh a siam mi, zu a kham lo mi, a ngongtat lo mi, lungsimnem mi, kitot a uk lo mi, sum a deih lua lo mite hi ding uh hi. A innkuan sung hoih takin a uk zo mi, a tate thumangsak thei-in, na khempeuh ah a kilawm a kituakin a gamtasak thei mi hi ding uh hi.
Bang hang hiam cih leh mi khatpeuh in a innkuan sung ukzia ding a theih kei leh Pasian’ pawlpi kem thei lo ding hi. Khristian a suaktungte zong hilo ding hi. Tua bang mi thakte kiphasak thei a, Dawimangpa mah bangin thukhenna a thuak mite hi kha thei ding hi. Pawlpi mi ahi lo mi dangte in zong a zahtak mite hi ding hi. Tua hileh mindai kha lo ding a, Dawimangpa’ thangah awk kha lo zaw deuh ding hi.
Pawlpi Upate dingte' pianzia ding:
Pawlpi upa dingte zong a gamtat hoih, a lungsim citak, leenggahzu tam a ne lo, sum thu-ah a huaiham mi hilo ding uh hi. Lungsim kisuan'na a om lo, upna thu-ah a kip mite hi ding uh hi. A masa-in kize-et phot ding a, paubaanna a om kei leh sem thei pan ding uh hi. A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuh ah a thuman mi hi ding uh hi. Upate pen zi khat bek a nei mi, a tate leh a innkuan sung hoih takin a uk zote hi ding hi. Pawlpi upa hoih takin a semthei mite pen mite in zahtak uh a, Khrih Jesuh a upna thu uh kisuanna om het loin hang takin gen ngam uh hi.
1 Timoti 3:1-13 Thang Khan Lian #ZUNs
No comments:
Post a Comment