AMERICA FIRST MAW AHIH KEI LEH ANTI-CHRISTIAN FIRST HI ZAW MAW?
“America First”; "Anti-immigrants" cih political slogan leh ideology-te pen Trump zat masak hi peuhmah lo a, US gam-a hate group ahi American white supremacist; white power cih a tangkopih Ku Klux Klan or KLAN hong hat kikna ahih kei leh khanlawh kikna (revival) a kilahna hi zaw hi. Trump' presidency in America ah Christianity a khanglo kik hi loin hate group politics a khanglo kik hi cih a beisa kum thum sungin record-high in gun violence, hate crimes leh domestic terrorism a kizom in a kibehlapna leh khan' beh hanhanna panin kimu thei hi. (Christianity hatna ah gun violence, domestic terrorism leh hate crimes cihte kibehlap ngei loin kigawmkhawm ngei lo hi)
US gam-a hate group kipawlna ahi American white supremacist cih a ultungsak pha diak leh Khristian a kineih pha diak sese Trump' political base ahi conservative suuksia pha diak Ku Klux Klan (KKK) kicite in a movement ngimna uh a tangtunsakna dingin TERRORISM na lim zat pha diak uh hi. KKK group ten a muhdah uh leh muitum masakin a neih (primary targets) uh pen African Americans, Jews, immigrants, leftists, homosexuals, leh Catholics biakna zuite ahi uh hi. KKK kicite pen US history ah hun kibang lo (distinct eras at different points) thum ah a beisa hun in sahang cilgeh loh leh dawi gawi gilo 70 a lutpa bangin a gitlohna uh na laang khin zo a, Trump administration hong khangkhiat tawh a li veina a laangna uh leh hat kikna ahih kei leh a khanlawh kikna hi ta hi. (History repeats itself a cihcih uh a dikna khat zong ahi hi)
KKK' first Klan ten 1860s bei kuanin America gam leitaw lam-a politics ah active mivomte leh a kipawlpihte (allies) tungah terrorism - mi dangte suamna leh tualthahna na zangkhawm (both physical assault and murder) uh a, 1972 kiim in a kibetdaih zawh ma dong uh tua bang ngongtatna na zangto ngelhngelh den uh hi. Trump presidency hong khangkhiat ma-in KKK thum vei a beisa hun sungin a hat lai-in a movements thumte uh-ah a lim tangkopih pha diakte leh a lim zat diakte uh pen American society siansuahna ("purification" of American society) leh "right-wing extremist" organizations ahih hi. 2016 election khit nungin hong hat ma-un KLAN hat hun (era) thum sungin a membership neih zah uh a simtham; a gukin a ki-imcip (secret) ahih manin a member pha zah lian KLAN' i lawmte leh a galte un a tuatna zah pen a khengval ahih kei leh a uang zaw (highly exaggerated) in na gen uh ahih manun a pha zah lian kithei zo lo hi.
KLAN hat hun thum sungin a khengval a gamtatna; ngongtatna tangkopih in a dinnate (advocated extremist reactionary positions) uh lakah white nationalism, anti-immigration leh tua khit nungin Nordicism, antisemitism, prohibition, homophobia, Islamophobia, anti-atheism leh anti-Catholicism cihte hi a, 2016 elections in Republican party candidate Donald Trump' hong cin' zawhna zong hih political ideologies khempeuh a bulphuh leh tangkopih zawh man ahi hi. Trump' presidency a kum khatna Nov. 5, 2017 in New Braunfels, Texas mi Devin Patrick Kelley in Sutherland Springs, Texas ah First Baptist Church mass shooting ah mi 27 a kaplup banah mi 20 kapliamna pen US history adingin biakinn kisuamna nasia pen hi lai hi.
Oct. 27, 2018 in of Squirrel Hill neighborhood, Pittsburgh, Pennsylvania ah Judahte biakinn Tree of Life – Or L'Simcha Congregation (Pittsburgh Synagogue Shooting) ah Judah mi 11 a kaplup banan mi sagih a kaplum antisemitism, white genocide conspiracy theory ideologies in a bumhai Robert Gregory Bowers ngongtatna pen US history ah synagogue kisuamna nasia pen hi lai hi. 2017 kum panin US right-wing extremism leh domestic terrorism nasia takin a khang hanhan pen a lamdang hilo hi. Lai Siangtho ut banga deih kaihte hih bang political ideologies lauhuai leh ngongtat leh khengvalte pen Christianity doctrine tawh kituak hi peuh ci ngam zanzan zaw lai uh hi. Republican party pen RepubKLAN party a suak na hi zaw khinkhian se hi.
KLAN' ideology lakah Prohibition a cih uh phal lohna pen anti-immigrant leh anti-Catholic bias (deidantuamna leh muhdahna) tawh kizom in phim leh khau bang hi. Prohibition cih a tangkopihte pen amau ci leh sa leh vunte tawh kibangte bek AMERICAN TAKTAK LEH SIT (real American) hi ci-in a ngaihsun a tam zawte pen mikang (white) leh Anglo-Saxon Protestants biakna zuite hi uh a, America gam pen adiakin Italy gam cihte panin hong lut Catholic immigrants mite zu nek zongsatna leh a sammeetnate (foreign drinking habits and saloons) uh US adingin lauhuaina ahih kei vauna (threatened) piangsak hi ci-in ngaihsutna nei uh hi. Ahih hangin tu-in US threatens hi ci-in a ngaihsutna in a zai zaw lianpi huam beh a, Latinos, Asians, Blacks, immigrants leh gam dangte economy khantohna ding hazatna leh international organizations kipawlna leh thukimna teng lehdona cihte pen a Christianity values uh leh principles kingakna suak hi.
*Political ideologies:
Nordicism
Neo-Confederate (first and third Klans)
White supremacy
White nationalism
White separatism
Nativism (second and third Klans)
Anti-immigration (second and third Klans)
Anti-communism (second and third Klan)
Christian terrorism
Anti-Catholicism (second Klan)
Prohibition (second Klan)
Right-wing populism (second and third Klans)
Antisemitism (second and third Klans)
Antifeminism (third Klan)
Anti-atheism (third Klan)
Anti-abortion (third Klan)
Anti-Zionism (third Klan)
Neo-fascism (third Klan)
Neo-Nazism (third Klan)
Anti-Islam (third Klan)
Anti-LGBT (third Klan)
*Political position:
Far-right
*Espoused religion:
Protestantism (second Klan)
Christian Identity (second and third Klans)
KKK leh Republican party panin RepubliCULT or RepubliKLAN party a suak i political ideologies leh Christianity values leh principles kibang takpi maw?
“‘Peemta, pa nei lo, leh meigong numeite ading thutang a heikhiatsak mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi. (Thu Hilhkikna 27:19)
Gammi le note’ lakah hong peem khualmi adingin ngeina khat bek om ding hi,” a ci hi. (Paikhiatna 12:49)
“Khualmi khatpeuh na bawlsia kei ding uh a, na nengniam kei ding uh hi. Bang hang hiam cih leh note zong Egypt leitangah khual mite na hi ngei uh hi. (Paikhiatna or Exodus 22:21)
Khualmi na nengniam kei ding uh hi. Khualmi’ lungsim na thei uh hi. Bang hang hiam cih leh note zong Egypt gamah khualmi na hi ngei uh hi. (Paikhiatna 23:9)
Amah in pa nei lote leh meigong numeite adingin thutang semin, peemtate itin an leh puan a pia hi. Tua ahih ciangin peemtate it un; bang hang hiam cih leh note zong Egypt gamah peemta na hi uh hi. (Thu Hilhkikna 10:18-19)
“A zawng a cimawh a kicial nasempa, na sanggamte khat ahi a, na gam sung na khuapite sunga om peemta khat peuhpeuh ahi zongin, na nengniam kei ding uh hi. (Thu Hilhkikna 24:14)
Khualmite hoih takin zin na do ding uh na phawk un. Mi pawl khatin vantung mite zindo ahihlam a phawk lopi-in a do na hi gige uh hi. (Hebru 13:2)
Tua ahih manin Jew mi leh Gentail mi, sila leh sila ahi lo, numei leh pasal cih bangin kideidanna om nawn lo a, note khempeuh Khrih tawh na kipawlna hangun pawlkhat hi-in, a kibangkim na hi uh hi. Khrih tawh na kipawl nak-uhleh Abraham’ suante na hi ta uh a, Pasian’ hong khap thute a ngah ding na hi uh hi. (Galati 3:28-29)
"Na Topa Pasian uh, na lungsim khempeuh, na nuntakna khempeuh, na pilna khempeuh, leh na thahatna khempeuh uh tawh na it un, a cihna ahi hi. A nihna in: Nangma pumpi na it bangin na vengte na it in, cihna ahi hi. Hihte gel sangin thukham a lianzaw a dang om nawn lo hi,” ci-in Jesuh in LST bulphuh leh zui diakin a kineih Thukham hilh siate in thukham lianpen bang hiam ci-in a dotna uh a dawng hi.(ref. Mark 12:30-31)
Mi khatpeuh in, “Pasian ka it hi,” ci napi-in a Khristian mipihte a muhdah leh a zuaupi a gen ahi hi. Bang hang hiam cih leh a muh theih a Khristian mipih a it lo mi in a muh theih loh Pasian it thei lo ding hi. Khrih in eite tungah hong thupiakna in: Pasian a it mi in a Khristian mipihte zong it ding hi, cihna ahi hi. (1 Johan 4:20-21)
NAUPHIATNA LEH NEIH KIBANGTE MAWHNA LEH NUMEITE TAWH MAWHNA BAWLTE LEH ANGKAWMTE MAWHNA KILAMDANG TUAN LO
Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi-a teci pangte, numeite’ thaman piakna-ah khemna a zangte; meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ langkhatah thakhatin teci pangin thu ka khen ding hi. (Malakhi 3:5)
“Pasal khatpeuh a vengpa’ zi tawh a mawh leh, tua a khial pa leh a khialnu kithat khawm ding hi. Pasal khat in numei khat tawh lupkhop bangin pasal dang khat tawh a lupkhop leh, amaute gel kihhuaina a gamta khin uh ahih manin amaute kithat ding a, amau’ sihna amau mah ngawh ding ahi hi. (Siampi Laibu 20:10, 13)
Tua ciangin Farisi mite in, “Tua ahih leh bang hangin Moses in mi khatpeuh makna lai gelh sakin a zi masak thei ahi hiam?” ci-in a dot uh ciangin Jesuh in, “Note, hilhzawhin na om loh manun Moses in hih bangin ngeina a omsak thei ahi hi. Ahi zongin a kipat cil-in tua bang na hilo hi. Note kiangah kong genin-ah: Mi khatpeuh in midang tawh a zi a mawhna lo buang, a zi a mak a, numei dang tawh a ten leh numei tunga mawh ahi hi,” ci-in Jesuh in a dawng hi. (Matthai 19:7-9)
Prohibition hun in Ku Klux Klan member ten dipkuat patauhna (terror) a piansakna uh a nuai-a link panin simtheih hi.
Oct. 16, 1915 in Methodist thuhilh sia William Joseph Simmons leh pasal dang 15 kiimte Georgia state a om Stone Mountain mual ah va kahto in biakna tau (altar) bawl uh hi. A biakna tau bawl uh-ah singlamteh phutin hal uh a, A Kimuthei lo Kumpi Gam "Invisible Empire" a kici tungah citak leh thumang dingin kiciamna (oath of allegiance) a tangko khit ciangun Ku Klux Klan revival tangkopih uh hi. A nuai-a link mek lecin a kician in simtheih hi.
Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin um in lau-in ling deldel uh hi... Tua ahih manin hu a diik lo, hu a sang lo pumpi pen a si ahih mah bangin sepna tawh a kizom lo upna zong a si ahi hi. (James 2:19, 26)
“Kei kiangah, ‘Topa, Topa aw,’ hong ci mi khempeuh, vantung ki-ukna sungah lutthei kim lo ding uh a, vantungah a om ka Pa’ deihna bangin a gamta teng bek lutthei ding uh hi. Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawlkhia-in, nangma min tawh na lamdang lian tampi bawl hilo ka hi uh hiam?’ hong ci ding uh hi. Tua ciangin keimah in amaute kiangah, ‘Note ka hong thei ngei kei hi. Siatna a gamta mite aw, kei kiang panin kihemkhia un,’ ka ci ding hi. (Matthai 7:21-23)
Jesuh in amaute kiangah, “Kidawm un la, mite’ khemsa-in ta kei un. (Matthai 24:4)
A kawikhawm: Thang Khan Lian #ZUNs
No comments:
Post a Comment