State Government in Article 371 C Amendment Bawlin Manipur Hill States in Pulak dingin Sawmna Nei: Source

State Government in Article 371 C Amendment Bawlin Manipur Hill States in Pulak dingin Sawmna Nei: Source

Nov. 2, Nino: NSCM (IM) tawh a permanent solution bawlna ding sawmna ah Manipur state sunga stakeholders tuamtuamte a kikhelkhak sak loh manin civil society tuamtuamte a thangpaih mahmah laitak un Imphal Times panin source in a genna Government of India (GoI) in hih vai tawh kisai Manipur government a sawmna ngen hi ci hi. Source in a genna ah Government of Manipur (GoM) in GoI in dei nih a nei thukham bawlna (bicameral legislation) nei-in Manipur state pen Nagaland ah maban thupiang thei leh deihna (envisage) bangin Sixth Schedule format nuai-ah koih in Hill state in pulak dingin sawmna nei (recommend) hi ci hi. Ahi zongin na khatpeuh ahih ding zia (modus operandi) tawh majority Meitei community-te Schedule Tribe status pia lopi-in Hill state in koi cih pulak ding hiam cih pholakkhia lo hi.

Source in a genna ah GoM in minam (ethnic) bulphuh in NSCM (IM) lungkimsakna dingin administration bawl ding langpang a, ahi zongin autonomous district council (ADC) om khinsate - North Autonomous Council, South Autonomous Council leh leh phaizang (valley) sunga districts om teng Central Autonomous dingin sawm hi ci hi. Tua bang a pian' theihna dingin GoI in Article 371 C puahphatna (amendment) bawl dingin thukim hi. Hih thukimna panin Manipur state bup sung 6th Schedule of the Constitution in koih dingin cih ahi hi.

Source in GoM thukimna GoI in thukimpih ding hiam cih gen thei lo a, ahi zongin GoI thucian a kidot hangin Indo-Naga peace talks kinei lai ahih manin Manipur state mite lauhna dingin bangmah genkhia nuam lo hi ci hi. Autonomous district thum om sa teng a bup in Autonomous Council thum in laih ding vai a kidot ciangin source in North Autonomous district Council of Ukhrul (tu lianin Ukhrul district leh district kibawlkhia thak Kamjong district thuneihna or jurisdiction nuai-a om), Tamenglong (Tamenglong leh district kibawlkhia thak Noney district jurisdiction nuai-a om) leh Senapati (Senapati district jurisdiction nuai) in amau district headquarters ciat panin offices tuam kineih ding hi ci hi.

South Autonomous Council pen GoM on ADCs of Churachandpur, Sadar Hills leh Chandel in amau district headquarters ciat a neih ding uh sawm hi. Ahi zongin Act East Policy nuai-ah mun poimawh (strategic location) gamgi a om Moreh pen GoM in valley districts nuai-ah koih in Central district Autonomous nuai-ah koih dingin thukim hi ci-in Oct. 28 in Imphal Times newspaper ah kisuaksak hi.

#Behlapna: Hih GoI thukimna pen GoI leh Naga delegates ten Oct. 31 in Peace Accord kici kilemna thukimna suaikaih dingin a thukim ma-un (Nov. 2 ciangin Peace Accord sign dingun kilamen) thupiang ahih banah Naga ten Nagalim (Greater Nagaland) a nget uh "Naga Homeland" demands tawh kitukalh thei hi. Ahi zongin hih bangin GoI leh GoM in Article 371 C amendment hong bawl in ADCs thum in hong khen uh leh UPF-KNO leh GoI in political talks a neihna uh-ah ei lam panin i nget uh Territorial Council kici automatic in ngah theihna ding lampi kihongsak kha ding cihna suak a, tua bek hi loin late 1970s lai pek panin i sunmang in i gengen Indian Constitution nuai-ah 6th Schedule i ngah theihna ding lampi hong kihongsak kha thei hi.

Tua bang kawmkal ah ADCs thum khentheihna dingin thukimna (recommendations) a pian' theih leh Meitei ten hun bang tan hiam panin Scheduled Tribe status a nget uh a lungkimna dingun piak loh hong kiphamawh ding bang ahih manin government nasepna zonna vai-ah ei khamtungmi Scheduled Tribe (ST) status tawh ciamtehna ngah khinsa tengin government nasepna ah Meiteite tawh kitaiteh kul ding ahih manin i supna lianpi piangsak ding cihna hi. Tua banah ei khamtung mite teen'na leh mun poimawh India-Myanmar gamgi-a om Moreh khuapi pen phaizang (valley) district ah kibeh in Central Autonomous Council nuai-ah om ding ahih manin khuapi poimawh i neih khat kikhahsuah ding cihna hi. Mikang ten "Give and take" or "Win-Win" solution i saan' theih ding le bel a sia lua hilo a, pilna, siamna leh kumpi nasepna ah Talpakte tungah i len' kul ding cihna hi.

#My_Take: Thu a sat laitak mah in UPF-KNO makai ten hih thu lim takin nungdelh loin nawh cih takin hong nawk uh a, Naga ten hamphatna hong ngah ciangun ei supna ding hi loin en zong hamphatna i ngahna ding hong laihkhiat khawm ding uh lunggulhhuai mahmah hi. Hih bang hun val in 6th Scheduled leh eima thuneihna gol zaw ADC i ngah theihna ding hun limci leh kaam (golden opportunity and chance) hong piang mengmeng kik lo ding, a sat lai-in i ihmutsan hithiat in, khutzep in thudon kei leng a vot khit nungin i sat sak kikna dingin hun leh tha tampi i suplawh leh beilawh sak kul zel ding hi. GoI tawh political talks ah i pankhawmpih unau Kuki ten Naga peace talks ah a supna ding uh i upmawh thu teng social media ah i khahkhah sangin hih hang kaam a om lai takin i kipumkhat kei a, i pan'khawm thei kei lai leh a sumh ding ei mah zong hi hang cih phawk hun mahmah ta hi.

Source: Imphal Times

@ Thang Khan Lian #ZUNs