NUMEI KHAT HI LENG

👩🏼‍🌾NUMEI KHAT HI LENG👩🏼‍🌾

🦋1. Numei khat hi leng ka pasal' tungah ka lungsim leh ka pumpi a vekin ka pia ding hi.

🦋2. Numei khat hi leng ka pasal ka zahtak dinga, zahtakna tawh ka hopih ding hi.

🦋3. Numei khat hi leng ka pasal' ukna nuai-ah ka nungta ding hi.

🦋4. Numei khat hi leng ka pasal ka gensia ngei kei ding hi.

🦋5. Numei khat hi leng ka pasal' nu leh pa a kipan a meltheih khempeuh ka itpih ding hi.

🦋6. Numei khat hi leng hehna khat ka neih teh ka nu leh pa' inn ah ka ciah pahpah kei ding hi.

🦋7. Numei khat hi leng ka innkuan sung thu midangte' kiangah ka gen pahpah kei ding hi.

🦋8. Numei khat hi leng ka pasal hawmthawh ka sawm det sangin a thanemnate ah ka laptoh zawhna ding ka hanciam ding hi.

_🦋9. Numei khat hileng ka pasal phuisam, tomlawhin ka om pahpah sangin thupha pia in thungetsak ka hanciam zaw ding hi._

🦋10. Numei khat hi leng ka pasal nasepte ah zumpih lo zaw in ka thupi ngaihsutpih zaw ding hi.

🦋11. Numei khat hi leng ka pasal lungkiat lohna dingin ka pumpi ka hahsiang ding a, a kilawm bangin ka kizem ding hi.

🦋12. Numei khat hi leng ahih theih lai teng ka pasal tawh ka omkhawm dinga, a pha a sia thuakpih ding ka hanciam ding hi.

🦋13. Numei khat hi leng ka pasal' beh leh phung pen kei aa hi cih ngaihsun in a khantoh theihna dingin ka hanciam ding hi.

🦋14. Numei khat hi leng ka pasal' hangin ka kiphatsak khak lohna ding ka kidawm pha mahmah ding hi.

🦋15. Numei khat hi leng ka pasal' sangin thuneih zawk ding ka hanciam kei ding hi.

🦋16. Numei khat hi leng ka pasal a khualzinna panin hong vai tun phetin thusia tawh ka vaidawn pahpah kei ding hi.

🦋17. Numei khat hi leng ka pasal a sia lam peuhpeuh ka hanthawn ngei kei ding hi.

🦋18. Numei khat hi leng ka pasal' om loh kalin khuaval zulhtatnate ka bawl kei ding hi.

🦋19. Numei khat hi leng ka pasal in lungkiatna a neih ciangin tha pia-in thu ka ngetsak den ding hi.

🦋20. Numei khat hi leng mipi' kikhopna khempeuh ah a manlah pen, a kamtampen leh a kidawkpen ka hih khak lohna ding ka kidawm ding hi.

🦋21. Numei khat hi leng ka pasal' thanemna mun leh a kicinlahna munte ah ka panpih theih zahin ka panpih ding hi.

🦋22. Numei khat hi leng ka pasal in mundang sangin ka inn uh nop a sakpenna ding ka hanciam ding hi.

🦋23. Numei khat hi leng ka pasal' lup ma-in ka lum pahpah kei dinga, zing a thawh ma-in ka tho masa ding hi.

🦋24. Numei khat hi leng ka pasal' an nek ma-in an ka ne kei ding hi.

🦋25. Numei khat hi leng khutsiam khat teitei ka sin dinga, innkuanpihte' adingin ka zang ding hi.

🦋26. Numei khat hi leng ka pasal' hong theihsiamna dingin thusim neih ka pelh ding a, ka thanemnate ka pulak zel ding hi.

🦋27. Numei khat hi leng hun awng ka neih sungin khualak ka vak sangin innkuan-a ding nasep hoih khat ka sem zaw ding hi.

🦋28. Numei khat hi leng na dang tampi ka hanciam sangin ka pasal' adingin zi hoih, ka tate' adingin nu hoih, ka teeknu' leh ka teekpa' adingin mo hoih ka suahna dingin ka lungtup lianpen ka hi sak ding hi.

Pasian in thupha hong pia ciat ta hen aw!

Sianu S. Hoihnu

Source: Lungdamna Aw (CBA's monthly circulation)