ITNA MAH A THU LIANPEN HI

ITNA MAH A THU LIANPEN HI

Keimah in mihingte pau a tuamtuamte leh vantung mite’ pau nangawn ka pau theih hangin itna ka neih kei leh a bil-aphuai zam leh daltuah kitum tawh a kibang lel ka hi hi.

Itna neite a lungduai-in migi hi. Itna neite in hazatna lungsim nei loin, zong kisathei lo hi. Itna neite a kilawm loin gamta lo, heh pakpak lo, mite’ mawhna ciamteh lo hi.

Thuman lote-ah lungdam ngei lo uh a, thumante bekah lungdam uh hi. Itna neite lungkia cih om ngei lo hi; a upna, a lametna, lungduai takin a ngaknate uh a mawkna cih om ngei lo hi. Bang hang hiam cih leh eite’ neih thutheih siamnate leh i thuhilh siamnate a kicing hilo hi. Ahi zongin a kicing thu hong tun ciangin a kicingtaak lo thu teng maimang ding hi. Tu lai takin a omlai thu thumte pen upna, lametna, leh itna hi a, tua thumte sung panin itna mah a thu lianpen ahi hi.

(1 Korin 13:1, -4-7, 9-10, 13)

Thuhilh siamna nei-in, thusim khempeuh thei-in, na khempeuh thei-in, mualte kinsak zawhna ding upna ka neih hangin itna ka neih kei leh ka kimanna bangmah om lo hi. Itna pen a tawntungin a kip ahi hi. Thuhilh siamna a om tei hangin tawlkhat sung bek kimangin, pau lamdang pau theih siamnate a om hangin bei ding a, thutheih siamna a om hangin maimang ding hi. (1 Korin 13:2, 8)

Ka neih khempeuh midangte tungah pia-in, Pasian’ nasepna hangin kihaltumna ka thuak ahi zongin itna ka neih kei leh ka phattuamna bangmah om lo hi. (1 Korin 13:3)

Khristian hi ing ci-in kisialhpih in ka Khristian upna kam beembeem in ka otpih hangin ITNA ka neih kei leh ka thu upna pen a MAWKNAPI hi a, kei leh kei a kikhemkhem ka hi hi. Midang leh minam dangte muhdahna leh deidantuamna ka neih leh milim kisuitawm khatpeuh bia zaw leng kei adingin manpha zaw lai ding hi.