LEITUNG I NUNTAKNA AH EI TUNG PANIN MIDANG TEN HONG LAMET LEH DEIHSAK UH KIBANG VET LO HI

LEITUNG I NUNTAKNA AH EI TUNG PANIN MIDANG TEN HONG LAMET LEH DEIHSAK UH KIBANG VET LO HI

1. Thukhen/sitni (lawyer) ten buaina na tuah den ding deih uh a, zumkong mangkong ah hong kikhiakhia hen la, nang hong gumkhia dingin amau guai den lecin cih nang tung panin lamen uh a, buaina na tuah den ding hong deihsak uh hi.

2. Siavuan (doctor) ten nat leng (epidemics) laang khempeuh in hong bawm den hen la, na ci na den in amau kiang delhin va kilak den lecin cih nang tungah lamen uh a, na cinat ding hong deihsak mahmah uh hi.

3. Palik (police) ten thukham palsat mi gilo (criminal) na suah ding na lunggulh giugiau den uh a, thukham na palsat tengin matna na tuah den ding na lunglunguh uh hi. Na kitatkhiatna dingin amau tungah golhguk sum na piak den ding nang tung panin kilamem uh a, thukham palsat mi gilo na suah ding hong deihsak uh hi.

4. Sangsia (teacher) ten a hai sa in suakin bangmah thei loin om lecin pilna hong pahhtahna panun nang tung panin sum tampi a laihkhiat theihna ding uh lamen uh a, a hai sa in suakin na liat ciang nangawn laitan na kiatkiat ding hong deihsak uh hi.

5. Na innsapna nei (landlord) ten na inn ding lam zo ngei loin amau inn bek ah na sih khit nangawn in na tu na ta ten amau inn sap in a om den ding lunggulh uh a, inn na lam zawh ngei loh ding lunggulh in hong deihsak uh hi.

6. Numei paktat (prostitute) ten na babu mahmah ding leh numei khat tawh lungkim thei loin, zi na muh zawh loh manin amau kiang na va zuatzuat ding na lamen in hong deihsak uh hi.

7. Ha lamsang siam sivuan (dentist) ten na ha teng lungin nene hen la, na ha nat manin amaU kiang va delh den in, nang tung panin sum laikhia den le uh cih lamen lunggulh uh ahih manin na ha a muat ding hong deihsak uh hi.

8. Set nate a siam mi (mechanic) ten na motorcycle leh na car-te sia den hen la, amau kiang va zuanzuan in nang tung panin sum a ngahngah denna ding uh na kilamen uh a, na mawtawte a siat den ding hong deihsak uh hi.

9. Hankuang bawl (coffin-maker) ten mi a ban sihsih ding lunggulh uh a, na sih ding kal na ngahlak mahmah uh hi. Mi lom sihsih hen la, nang nangawn si meng lecin sum ngah ding hi'ng cih lametna nei uh ahih manin na sih ding hong deihsak mahmah uh hi.

10. Biakna sia ten a thugen khempeuh uh Amen a piapia ding leh 'love gifts' a piapia ding mi a tam theithei kilamen uh ahih manin pawlpi mite hai balbal uh hen la, piakkhiatna lamsang hahkat le uh cih kilamen in hong deihsak uh hi.

11. Gam leh minam kai (political leaders) ten a thugen khempeuh uh mipi ten a sial up pahpah ding uh, a phunsan leh a ciaksan ngam a om se loh ding, a nekguk takguknate uh leh a kamciam peelnate uh kuamah in theihpih sese loin, amau zalaih ding a om deih deih lo uh hi. Tua ahih manin mipite hai cih takin hai milmel lel uh hen la, mipite muk leh kamte phim a kikhuisak a bat ding leh amau zalaih ding mipil misiam a piang ngei lohna ding lamen in lunggulh uh hi. I hai belbal ding leh i meidawi mahmahna ding hong deihsak mahmah uh hi.

10. Guta, suamhat, buluhte bekin nang adingin na hoih hong deihsak uh hi. Hau mahmah lecin cih bek hong deihsak uh tawh hunsa nai lo uh a, zan ciangin misi bangin khua phawk vet loin na ihmut hithiat theih den ding hong deihsak uh hi. Gutate thupha na bawlsaksak zaw ta un. Na kiim na kiangah guta suamhat a om leh na nam in la, na kawi in. Amaute lu tungah na khutte nga in la THUPHA na piak beh lai in. Amau lo buang a hoih lamin hong deihsak leitung ah kuamah om lo hi.

#IRONY_OF_LIFE! (#Strange_but_true)

✍🏻Thang Khan Lian