KUM 54 KHIT NUNGIN CUBA A US EMBASSY AH US LAN KIKHAI KIK
Aug.15, 2015: Zanin US Secretary of State John Kerry in Cuba gamte khuapi Havana a om US Embassy ah US lan (flag) khaina pawi makaih hi. Hih hunah 1961 kum a US lan sutkhia US marines pensen 3 zong kihel uh hi.
John Kerry hawhna pen kum 70 khit zawh in Cuba gam a US Secretary of State a hawh masakna pen suak hi. Hih lan kikhai kik pen US leh Cuba in a gam nih kikal uah kizopna neih kik ding a thukim zawh uh kha giat nung a kikhai kik suak hi. A paisa nipi kal li in US leh Cuba in 'diplomatic relation' neih kik ding thukimna na nei uh hi.
Hih lan khaina ah John Kerry in Spanish pau in,"Hih pawi in US leh Cuba in gal leh sa a kineihna a beisakna lim lak a, inn veng i hihna lim lak hi," cin gen hi.
Cuba ten July 20 Washington DC a Cuba Embassy ah a lan uh na khai khin zo uh a, ahih hangin US in Kerry zin ding a ngakna uh zanin khai pan uh hi. Cuba makai Fidel Castro in zan halin a pianni pawi ah, "US in Cuba tungah sumbawlna sawtpi a khaktan (economic embargo) manin dollar million tampi a piak ding leibat nei hi," cin gen hi. Ahih hangin bang zah cih gen lo hi.
US IN A LAN KHAI KIKNA VAI:
*1959: Fidel Castro in Cuba ah thu neihna len. USte' taw sawn, zawh thawh thu tawh Cuba uk (dictator) Fulgencio Batista taimang.
*1960:Cuba in Cuba gama USte sum bawlna munpite (oil refineries kihel in) lak kik sak.
1961:US in Cuba tawh diplomatic relation a neihna beisak. Cuba gam 'Socialist state' cin kipulak. Bay of Pigs siimna hangin nai 24 kal sung patauhna om den.
*1962:Cuba missile crisis thu hangin nuclear galpi piang dek tak. Soviet Union in Cuba gama a missile a koihte lakhia kik.
1977:President Jimmy Carter in Cuba tawh kizopna pawl khat pan kik. US politic buaina hang leh Ronald Reagan President thak a cin khit zawhin kizopna teng bei kik.
1988:US ten Cuba thukan (spies) mi 5 man, espionage in ngawh, thongah khum.
1991: Soviet Union kitapkhamna hangin Cuba economy siat lawh.
2006:Fidel Castro' sanggampa Raul Castro in Cuba ah thuneihna len- a upa' za laih.
2009: USAID worker Alan Gross in Cuba ki-ukna vai nawngkaisakna dingin nasem cin man Cuba ah kiman.
2014:Barrack Hussien Obama leh Raul Castro in US leh Cuba kizop kikna thu tangko khia..
May,2015:US in Cuba 'list of state sponsor terrorism' ci a ciamtehna panin nul mang.
July 20,2014: Havana leh Washington ah Embassy kihong kik.
Aug.14,2015:1945 khit nung US Secretary of State lakpan in John Kerry Cuba hawh masa pen in pang.
*1960:Cuba in Cuba gama USte sum bawlna munpite (oil refineries kihel in) lak kik sak.
1961:US in Cuba tawh diplomatic relation a neihna beisak. Cuba gam 'Socialist state' cin kipulak. Bay of Pigs siimna hangin nai 24 kal sung patauhna om den.
*1962:Cuba missile crisis thu hangin nuclear galpi piang dek tak. Soviet Union in Cuba gama a missile a koihte lakhia kik.
1977:President Jimmy Carter in Cuba tawh kizopna pawl khat pan kik. US politic buaina hang leh Ronald Reagan President thak a cin khit zawhin kizopna teng bei kik.
1988:US ten Cuba thukan (spies) mi 5 man, espionage in ngawh, thongah khum.
1991: Soviet Union kitapkhamna hangin Cuba economy siat lawh.
2006:Fidel Castro' sanggampa Raul Castro in Cuba ah thuneihna len- a upa' za laih.
2009: USAID worker Alan Gross in Cuba ki-ukna vai nawngkaisakna dingin nasem cin man Cuba ah kiman.
2014:Barrack Hussien Obama leh Raul Castro in US leh Cuba kizop kikna thu tangko khia..
May,2015:US in Cuba 'list of state sponsor terrorism' ci a ciamtehna panin nul mang.
July 20,2014: Havana leh Washington ah Embassy kihong kik.
Aug.14,2015:1945 khit nung US Secretary of State lakpan in John Kerry Cuba hawh masa pen in pang.
No comments:
Post a Comment