KAYLA MUELLER A KITHAHMA-IN ISIS MAKAIPIPA'N TAMPI VEI BUAN

KAYLA MUELLER A KITHAHMA-IN ISIS MAKAIPIPA'N TAMPI VEI BUAN

Aug.15, 2015: Kum 26 a upa, American aid worker Kayla Mueller February kha-in a kithahma-in ISIS makaipipa Abu al-Baghdadi in vei tampi buan hi cin US thunei ten ABC Newste kiangah pulak uh hi. US Counterterrorism officials ten Kayla' sih thu a innkhuanpihte kiangah June kha in hilh pan uh hi.

Kayla 2013 in Aleppo, Syria ah kiman a, ISIS ten Jordante bomb khiat khumna ah si hi cin gen uh a, ahih hangin US ten ISISte' thah hi cin ngawh uh hi. Kayla nu-le-pa, Carl leh Marsha in ABC News ah a genna uah Kayla a kithahma-in ISIS makaipipan a neihsa bangin zangin bawlsia den hi cin US government in June kha-in ong ong hilh uh hi ci uh hi.

Abu al-Baghdadi in ISIS senior member Abu Sayyaf' inn-ah Kayla koih hi. Abu Sayyaf pen ISISte oil and gas incharge hi a, US special force ten May kha-in operation a neihna uah that uh hi. ABC News in a genna ahAbu Sayyaf inn-ah Abu al-Baghdadi va hawh mun mahmah a, a hawh sim phial in va buan niloh hi cin gen hi.

US thunei ten Abu Sayyaf a thah lai un ISIS ten buan dinga a mimat uh Yazadi numei nih a hutkhiakte tung panin Kayla kibuan hi cih thu thei khia uh hi. US ten ISIS member Umm Sayyaf kici zong man uh a, aman a genna ah Abu Sayyaf in Kayla Mueller a zi dingin tawl khat sung kem hi ci hi. Umm Sayyaf in Yazadi numeite manin ISISte mawhpih dingin pia zel hi.

ISIS ten Iraq leilu lam panin Yazadi numei za tampi man uh a, a ut bangbangin a mawhpih ding un zang uh hi. Yazadi numei ten Umm Sayyaf' zi kimatna ding thu sim US counterterrorismte pia a, Umm Sayyaf' zi man uh hi. Ama tung panin US conterterrorism ten ISIS makai tuamtuamte thu leh a omna uh a thusitna pan un thei khia uh hi.

US ten Umm Sayyaf Iraq leilu lam a om Kurdish thuneite tungah thusit dingin i nung kalin pia khia uh hi.

Kayla Mueller kibuan thu a kitheih khiatma-in Kayla min zangin a innkhuanpih ten laikak 2014 in ngah uh a, tua ah ISIS limtakin ong kem uh a, zahtakna lianpi tawh ong khoi uh hi cin kigelh hi.

Kayla Mueller pen humanitarian aid worker Presscott, Arizona pan hi a, Turkey leh Syria gamgi a galtaite lakah nasem dingin 2012 in kuan khia hi.

Maan: Kayla Mueller leh ISIS makaipipa Abu-al Baghdadi

-BBC