MITE LEH ZOMITE

MITE LEH ZOMITE

✪Mite khapi tungah a kah laitak in,
Zomite in khe tawh a sikngil sa uh lampi mah tawntawn lai uh hi.

✪Mite in kisimna ah vokno akno dong a ciam teh laitak un,
Zomite in mihing bangzah pha uh hiam? cih takpi kithei nai lo uh hi.

✪Mite in gam khat pan gam khat-ah thuhilh in a vak lai tak un,
Zomite in labu leh Lai Siangtho bu nangawn deih bangin ngah zo nai lo lai uh hi.

✪Mite in laibu leh thukizakna nisim a hawm khiat lai tak un,
Zomite in lai gelh zia ding ki kumkum lai uh hi.

✪Mite in gam leh minam puah nang a hahkat laitak un,
Zomite in minam min zong phuak zo nai lo lai uh hi.

✪Mite in Khristian khempeuh kilom khat na’ng a hahkat laitak un,
Zomite in pawl a tuamtuam taw panpan lai uh hi.

✪Mite leh Zomite kikhai ngitnget ding uh hiam? cih ka lungngaih laitak in,
Zomite zong mite hong bang pah ding uh hi cih aw ka za hi.
Banghang hiam cih leh Zomite a bawlpa in Pasian mah ahi hi.

--(L) Rev Khup Za Go, M.A.; B.D.; M.Th