PILNA LEH HAUNA BONUS IN HAZATNA A KITHUAHKHAWM IN A PIANSAK NATE BANG HIAM?
Greek mipil Plato in, "Leitungah mihing nam thum om hi: Pilna a itte, zahtak ahih kei thupisak ding a itte leh meetna ding a itte hi," na ci hi.
Nang e leh koi pen a it pawl na hi hiam? Pilna leh thutheihna a it pawl maw? Ahih kei leh mi dangte phattuamna leh noptuamna ding sepkhiat tum mel nei lo napi-in mite hong thusim ding, zahtak ding bek a ut pawl maw? Ahih kei leh nangma angsung ding khualna dingin meetna leh hamphatna ding bek a deih pawl maw?
Zomite adingin hih nam thumte lakah koi pen a manpha leh kisam masa pen tam? Lai Siangtho ah ciahkik leng Thuhilhna (Ecclesiastes) 7:11-12, 19 sungah, "Pilna pen hauhna zahin hoih a, mihingte adingin phattuamna ahi hi. Sum in hong lungmuansak bangin pilna in zong hong lungmuangsak hi. Pilna a manphatna, a pilte a nuntaksak theihna ahi hi. Khuapi a uk mihing sawm sangin pilna in mi khat hatsak zaw hi," na ci hi. Khuapi a uk sawm sangin pilna mah thahat zaw ahih manin pilna manpha mahmah hi, cih kimu thei hi.
Thuhilhna 8:1 sungah, "Mi pilte bek in na a khiatna taktak theithei uh hi. Pilna in mipilte maitaisak a, a hehmai a beisak hi," na ci hi. Pilna lo tawh tu hunin online ah zuau bulomtang gen hat zawh thu leh ngongtatna zangin gualzawh ding kidemna a nasiat san lai takin pilna loin na a khiatna, thuman leh zuauthu khentel zawh ding a haksat banah hong maitaisak zo loin hong maigumsak den ding bang hi.
Paunak 12:8, 15-16, 18, 23, 28 sungah, "Mi pilte kiphatin kipahtawi a, mi haite kineu-et hi. Mi haite pen amau mah thuman kisa tawntung a, mi pilte in mi’ thugenna ngai nuam uh hi. Mi haite in a hehna uh langsakpah uh a, mi pilte in a hehna uh ip zo hi. Ngaihsun lo-a kampauna in tem hiam bangin mi liamsak thei a, mi pilte’ kampauna in tua bang liamna damsak thei hi. Mi pilte in a theihna uh im khinkhian a, mi haite in a haina uh pholaklak hi. Mi thumante’ gamtatna in nuntakna piangsak a, mi haite’ gamtatna in sihna piangsak hi," na ci hi.
Thumante gamtatna in nuntakna piangsak a, haina in online leh kongzing tengah a haina a pholaklak bek uh hunsa loin minam sungah kitelkhialna ding leh sihna ding bek piangsak uh hi. Haina in minam leh gam a min bek itpih in i sih ngamna dingin bum tuak hong bangsak ahih manin i gam leh minam itna hong kawciksak semsem hi. Haina in i mit tawsak ahih manin i minam sungah namke tuamtuamte leh i kiim i kiangah tengte muhdahna, galbawlin langbawl nopna bek tawh hong musam ahih manin lungnopna kici in hong nusiatsan hi.
Paunak 9:1, 7-9, 11-14 sungah, "Pilna in a inn lam a, a innkhuampi sagih a phut hi. Mi haite thuhilh lecin hong maizumsak ding a, mi gilote thuhilh lecin hong su gawp ding hi. Mi haite thuhilh kei in; hong mudah ding uh hi. Mi pilte thuhilh in; hong it ding uh hi. Mi pilte thuhilh lecin pil semsemna-in nei ding a, thuman mite thuhilh lecin a thutheihna uh khang semsem ding hi. Pilna in na khang hong khan ding a, na nuntakna hong sausak ding hi. Pil lecin nangma phattuamna ding hi a, pilna don kei lecin nangma supna ding ahi hi. Haina pen a kamtam, zumna mel a thei lo numei tawh kibang a, ama kong gei-ah ahi a, a sangpen munah ahi zongin amah tu hi," na ci hi.
Pilna thudon lehang ei bek hi loin i minam phattuamna ding hi a, pilna don kei lehang ei bek hi loin i minam buppi suplawhna ding piangsak hi. Haina pen a kamtam, zumna mel a thei lo numei tawh kibang a, ama kong gei-ah ahi a, a sangpen munah ahi zongin tu belbal ahih manin thuhilhna za nuam loin hong leh maizumsakna ding leh hong suk gawp theihna ding bek leitang zon' hi.
Paunak 8:11-12, 14-16, 18-21, 35-36 sungah hih bangin na gen hi:
Suangmanpha sangin pilna ahi keimah ka hoih zaw a, kei tawh na hong tehpih theih ding uh a manpha dang om lo hi. Pilna ahi keimah in thuthuk muh theihna ka nei a, thu a telin theihna leh a kilawm ngaihsut theihna ka nei hi. Thu geelin ka semkhia a, thu theihtelna nei-in, kei ka thahat hi. Kumpite in a gam mite a ukna ding, mi ukte in ngeina man a zat theihna dingin keimah in ka huh hi. Leitung a om mi ukte khempeuh in keima huhna bek tawh uk zo uh a, milian mi thupite in keima huhna bek tawh vaihawm zo uh hi.
Piakkhiat theih ding hauhna leh minphatna, daupaina leh ma tutsak zawhna a kicingin ka nei hi. Keima kiang panin na ngahte uh ngun hoih pen sangin hoih zaw a, kham hoihpen sangin zong hoih zaw lai hi. Thuman lampi ka zui a, thutang lampi ka tawn hi. Kei hong itte ka hausak a, a inn dimin neih leh lam ka pia hi. Kei hong mu mi in nuntakna a mu hi a, Topa’ mai-ah maipha ngah ahi hi. Ahi zongin kei hong mu lo mi, amahmah a kisusia hi a, kei hong mudah peuhmah, a si nuam ahi hi, hong ci hi, ci-in "Pilna A Hoihna leh Sauvei A Kimanna" thulu sungah na kigelh hi.
Pilna om loin leitung a om mi ukte khempeuh in uk zo lo uh a, milian mi thupite in pilna lo tawh vaihawmna leh tutna a ngah zawh hun a om tei sam hangin a tutna leh a vaihawmna uh sawt len zo lo uh hi. Pilna loin hauhna sawt kimang zo lo a, pilna pen a hoih pen ngun sangin manpha zaw leh hoih zaw lai hi.
Paunak 4:6-9 sungah, "Pilna nusia kei in; tua hileh siatna panin nang hong hu ding hi. Pilna deih in; tua hileh lungmuang takin na omna dingin hong kem ding hi. Pilna na ngahna ding a thupi masa pen hi a, na neih khempeuh na beilawh zongin na zon' ding ahi hi. Pilna deih in; mi lianin hong bawl ding hi. Lim takin pom in; pahtawina hong ngahsak ding hi. Pilna in pahtawina leh minthanna nangma tungah hong tungsak ding hi,” ci-in a genna leh pilna neite in pahtawina, thupisimna leh zahtakna ngahin a pilna uh meetlawhpih uh hi, cih kimu thei hi.
Pilna thudon kei lehang siatna panin ei leh i gam i hu zo ngei kei ding a, lungmuang takin hong kem zo den ding kuamah om lo hi. Pilna loin i minam a lian leh a minthang kisuaksak zo ngei lo ding a, pahtawina leh minthanna kingah zo ngei lo ding hi.
Pilna mah a thupi pen ahihna thu leh pilna nei masa leh minphatna, pahtawina, zahtakna leh meetna in hong nungzuih hi, cih Lai Siangtho sungah kimu thei hi. Pilna nei loin haina pen poi mahmah hi, cih Lai Siangtho sung mah ah hih bangin na gen hi:
Thu ngaihsun loin a pheng paupau mipa sangin mi haipa adingin lametna om zaw lai hi, ci-in Paunak 29:20 sungah na gen hi. Paunak 27: 3-4 kikal sungah, "Suangtum leh sehnel gik mahmah a, ahi zongin mi haite’ piansak lungkhamna gik zaw lai hi. Hehna leh sinsona siahuai a, ahi zongin hazatna siahuai zaw lai hi, na ci hi.
Minam dangte pilna leh thumuhna i demlah manin panmun i ngawh zawh loh ciangin hazatna liuliau tawh pum muhdahna pen Lai Siangtho in, hehna leh sinsona sangin siahuai zaw lai hi, na ci hi. Hehna leh sinsona tawh hazatna thuahkhawmin mi haite piansak lungkhamna pen suangtum leh sehnel sangin gik zaw lai hi.
Thang Khan Lian #ZUNs reports
Nang e leh koi pen a it pawl na hi hiam? Pilna leh thutheihna a it pawl maw? Ahih kei leh mi dangte phattuamna leh noptuamna ding sepkhiat tum mel nei lo napi-in mite hong thusim ding, zahtak ding bek a ut pawl maw? Ahih kei leh nangma angsung ding khualna dingin meetna leh hamphatna ding bek a deih pawl maw?
Zomite adingin hih nam thumte lakah koi pen a manpha leh kisam masa pen tam? Lai Siangtho ah ciahkik leng Thuhilhna (Ecclesiastes) 7:11-12, 19 sungah, "Pilna pen hauhna zahin hoih a, mihingte adingin phattuamna ahi hi. Sum in hong lungmuansak bangin pilna in zong hong lungmuangsak hi. Pilna a manphatna, a pilte a nuntaksak theihna ahi hi. Khuapi a uk mihing sawm sangin pilna in mi khat hatsak zaw hi," na ci hi. Khuapi a uk sawm sangin pilna mah thahat zaw ahih manin pilna manpha mahmah hi, cih kimu thei hi.
Thuhilhna 8:1 sungah, "Mi pilte bek in na a khiatna taktak theithei uh hi. Pilna in mipilte maitaisak a, a hehmai a beisak hi," na ci hi. Pilna lo tawh tu hunin online ah zuau bulomtang gen hat zawh thu leh ngongtatna zangin gualzawh ding kidemna a nasiat san lai takin pilna loin na a khiatna, thuman leh zuauthu khentel zawh ding a haksat banah hong maitaisak zo loin hong maigumsak den ding bang hi.
Paunak 12:8, 15-16, 18, 23, 28 sungah, "Mi pilte kiphatin kipahtawi a, mi haite kineu-et hi. Mi haite pen amau mah thuman kisa tawntung a, mi pilte in mi’ thugenna ngai nuam uh hi. Mi haite in a hehna uh langsakpah uh a, mi pilte in a hehna uh ip zo hi. Ngaihsun lo-a kampauna in tem hiam bangin mi liamsak thei a, mi pilte’ kampauna in tua bang liamna damsak thei hi. Mi pilte in a theihna uh im khinkhian a, mi haite in a haina uh pholaklak hi. Mi thumante’ gamtatna in nuntakna piangsak a, mi haite’ gamtatna in sihna piangsak hi," na ci hi.
Thumante gamtatna in nuntakna piangsak a, haina in online leh kongzing tengah a haina a pholaklak bek uh hunsa loin minam sungah kitelkhialna ding leh sihna ding bek piangsak uh hi. Haina in minam leh gam a min bek itpih in i sih ngamna dingin bum tuak hong bangsak ahih manin i gam leh minam itna hong kawciksak semsem hi. Haina in i mit tawsak ahih manin i minam sungah namke tuamtuamte leh i kiim i kiangah tengte muhdahna, galbawlin langbawl nopna bek tawh hong musam ahih manin lungnopna kici in hong nusiatsan hi.
Paunak 9:1, 7-9, 11-14 sungah, "Pilna in a inn lam a, a innkhuampi sagih a phut hi. Mi haite thuhilh lecin hong maizumsak ding a, mi gilote thuhilh lecin hong su gawp ding hi. Mi haite thuhilh kei in; hong mudah ding uh hi. Mi pilte thuhilh in; hong it ding uh hi. Mi pilte thuhilh lecin pil semsemna-in nei ding a, thuman mite thuhilh lecin a thutheihna uh khang semsem ding hi. Pilna in na khang hong khan ding a, na nuntakna hong sausak ding hi. Pil lecin nangma phattuamna ding hi a, pilna don kei lecin nangma supna ding ahi hi. Haina pen a kamtam, zumna mel a thei lo numei tawh kibang a, ama kong gei-ah ahi a, a sangpen munah ahi zongin amah tu hi," na ci hi.
Pilna thudon lehang ei bek hi loin i minam phattuamna ding hi a, pilna don kei lehang ei bek hi loin i minam buppi suplawhna ding piangsak hi. Haina pen a kamtam, zumna mel a thei lo numei tawh kibang a, ama kong gei-ah ahi a, a sangpen munah ahi zongin tu belbal ahih manin thuhilhna za nuam loin hong leh maizumsakna ding leh hong suk gawp theihna ding bek leitang zon' hi.
Paunak 8:11-12, 14-16, 18-21, 35-36 sungah hih bangin na gen hi:
Suangmanpha sangin pilna ahi keimah ka hoih zaw a, kei tawh na hong tehpih theih ding uh a manpha dang om lo hi. Pilna ahi keimah in thuthuk muh theihna ka nei a, thu a telin theihna leh a kilawm ngaihsut theihna ka nei hi. Thu geelin ka semkhia a, thu theihtelna nei-in, kei ka thahat hi. Kumpite in a gam mite a ukna ding, mi ukte in ngeina man a zat theihna dingin keimah in ka huh hi. Leitung a om mi ukte khempeuh in keima huhna bek tawh uk zo uh a, milian mi thupite in keima huhna bek tawh vaihawm zo uh hi.
Piakkhiat theih ding hauhna leh minphatna, daupaina leh ma tutsak zawhna a kicingin ka nei hi. Keima kiang panin na ngahte uh ngun hoih pen sangin hoih zaw a, kham hoihpen sangin zong hoih zaw lai hi. Thuman lampi ka zui a, thutang lampi ka tawn hi. Kei hong itte ka hausak a, a inn dimin neih leh lam ka pia hi. Kei hong mu mi in nuntakna a mu hi a, Topa’ mai-ah maipha ngah ahi hi. Ahi zongin kei hong mu lo mi, amahmah a kisusia hi a, kei hong mudah peuhmah, a si nuam ahi hi, hong ci hi, ci-in "Pilna A Hoihna leh Sauvei A Kimanna" thulu sungah na kigelh hi.
Pilna om loin leitung a om mi ukte khempeuh in uk zo lo uh a, milian mi thupite in pilna lo tawh vaihawmna leh tutna a ngah zawh hun a om tei sam hangin a tutna leh a vaihawmna uh sawt len zo lo uh hi. Pilna loin hauhna sawt kimang zo lo a, pilna pen a hoih pen ngun sangin manpha zaw leh hoih zaw lai hi.
Paunak 4:6-9 sungah, "Pilna nusia kei in; tua hileh siatna panin nang hong hu ding hi. Pilna deih in; tua hileh lungmuang takin na omna dingin hong kem ding hi. Pilna na ngahna ding a thupi masa pen hi a, na neih khempeuh na beilawh zongin na zon' ding ahi hi. Pilna deih in; mi lianin hong bawl ding hi. Lim takin pom in; pahtawina hong ngahsak ding hi. Pilna in pahtawina leh minthanna nangma tungah hong tungsak ding hi,” ci-in a genna leh pilna neite in pahtawina, thupisimna leh zahtakna ngahin a pilna uh meetlawhpih uh hi, cih kimu thei hi.
Pilna thudon kei lehang siatna panin ei leh i gam i hu zo ngei kei ding a, lungmuang takin hong kem zo den ding kuamah om lo hi. Pilna loin i minam a lian leh a minthang kisuaksak zo ngei lo ding a, pahtawina leh minthanna kingah zo ngei lo ding hi.
Pilna mah a thupi pen ahihna thu leh pilna nei masa leh minphatna, pahtawina, zahtakna leh meetna in hong nungzuih hi, cih Lai Siangtho sungah kimu thei hi. Pilna nei loin haina pen poi mahmah hi, cih Lai Siangtho sung mah ah hih bangin na gen hi:
Thu ngaihsun loin a pheng paupau mipa sangin mi haipa adingin lametna om zaw lai hi, ci-in Paunak 29:20 sungah na gen hi. Paunak 27: 3-4 kikal sungah, "Suangtum leh sehnel gik mahmah a, ahi zongin mi haite’ piansak lungkhamna gik zaw lai hi. Hehna leh sinsona siahuai a, ahi zongin hazatna siahuai zaw lai hi, na ci hi.
Minam dangte pilna leh thumuhna i demlah manin panmun i ngawh zawh loh ciangin hazatna liuliau tawh pum muhdahna pen Lai Siangtho in, hehna leh sinsona sangin siahuai zaw lai hi, na ci hi. Hehna leh sinsona tawh hazatna thuahkhawmin mi haite piansak lungkhamna pen suangtum leh sehnel sangin gik zaw lai hi.
Thang Khan Lian #ZUNs reports 
No comments:
Post a Comment