POLITICS LEH BIAKNA VAI A KIGAWMKHAWM NILOH DEN MAH MAW?
Biakna thu leh politics (naingyanzi) hahkat leh uk leh thei kisa mahmah napi-in a kibatlohna a thei zo mahmah nai napi-in a thei pen bangin gen lanlan ngamin, a kigulluksak den leh gawmkhawm dente pen biakna thu hita leh politics thu hita leh a khangcing nai lo, a naupang mahmah laite ngaihsutna leh mi zia hi bek hi.
Biakna leh politics a gawmkhawm niloh dente pen biakna kici bang hiam cih a telcian nai lo, politics lah a tel zo nai mel lote ngeina hi. An leh nap a mehmeh lai, a napkhem leh moh (bread) ne-in lim a sa mahmah lai naupang tawh a kilamdan'na uh om lo hi. Khat vei uangtang khat tawh
Biakna leh politics kibang lo hi, ci-in kong gen manin tanglai in Israel mite in biakna leh politics na gawmkhawm uh hi, na ci nuam kha ding hi. Tua bang na hilo hi. A man takin ci le'ng Pasian' tungah a thungahte Moses in mipite kiangah gen sawn a, biakna vai khempeuh siampi Aron leh siampi minam ahi Levi mite bekin makaih in vaihawm uh a, Moses in biakna vai na makaih lo hi. Joshua' hun in siampi lianpen Elezer hi. Kumpi David hun in siampi len kumpi dingin sathau a nilh Zadok leh siampi lianpen Abiathar hi a, Solomon' hun in Zadok' tate hi.
Tanglai hun in biakna leh politics a gawmkhawm sim dek pian Israel in suahna a ngah uh May 14, 1948 khit nungsang parliamentary democratic system tawh a gam na ki-uk uh a, siampite in politics ah makai za len lo uh hi. Parliamentary democracy, constitutional form of government gamte ahih kei leh secular democratic gamte ah biakna leh politics a gawmkhawm leh kigulluksak nilohte thugente biakna leh politics kici bang hiam cih a thei khin a khangcing khinsate adingin vokpi mai-ah suangmanpha kipaai tawh kibang a, kimanna ding om lo hi.
@ Thang Khan Lian #ZUNs reports
Biakna leh politics a gawmkhawm niloh dente pen biakna kici bang hiam cih a telcian nai lo, politics lah a tel zo nai mel lote ngeina hi. An leh nap a mehmeh lai, a napkhem leh moh (bread) ne-in lim a sa mahmah lai naupang tawh a kilamdan'na uh om lo hi. Khat vei uangtang khat tawh
Biakna leh politics kibang lo hi, ci-in kong gen manin tanglai in Israel mite in biakna leh politics na gawmkhawm uh hi, na ci nuam kha ding hi. Tua bang na hilo hi. A man takin ci le'ng Pasian' tungah a thungahte Moses in mipite kiangah gen sawn a, biakna vai khempeuh siampi Aron leh siampi minam ahi Levi mite bekin makaih in vaihawm uh a, Moses in biakna vai na makaih lo hi. Joshua' hun in siampi lianpen Elezer hi. Kumpi David hun in siampi len kumpi dingin sathau a nilh Zadok leh siampi lianpen Abiathar hi a, Solomon' hun in Zadok' tate hi.
Tanglai hun in biakna leh politics a gawmkhawm sim dek pian Israel in suahna a ngah uh May 14, 1948 khit nungsang parliamentary democratic system tawh a gam na ki-uk uh a, siampite in politics ah makai za len lo uh hi. Parliamentary democracy, constitutional form of government gamte ahih kei leh secular democratic gamte ah biakna leh politics a gawmkhawm leh kigulluksak nilohte thugente biakna leh politics kici bang hiam cih a thei khin a khangcing khinsate adingin vokpi mai-ah suangmanpha kipaai tawh kibang a, kimanna ding om lo hi.
@ Thang Khan Lian #ZUNs reports
No comments:
Post a Comment