Conservative kici pen thu umte, LST umte cihna hi ci miau pongin Republicans party ahih manin pumgup tentan ding cih ngaihsutna nei pawl ei khamtung mite politics ah kammal kizatna a khiatna taktak bang hiam cih kan mel lo kitam mahmah lai hi.
Conservative kici kammal a khiatna pen: kilaihna leh na thak muhkhiatna leh sinna langpangin pu leh pate' manphatna hoih in hoih kei taleh mitdel sialkhau let teta (averse to change or innovation and holding traditional values), khantohna (progressive) vaite a lehnan' a cihna hi zaw bek a, thu umte ahih kei leh LST um leh zuite a cihna hi deksuai lo hi. Tua bangin kammal khiatna nei khinsa a man lopi-in a khiatna phuaktawm ahih kei leh laih pen zuau ahih leh a man lopi-in a khiatna deihkaihna hi zaw hi.
Conservative a khiatna kibatpih kammal dangte (synonyms):
traditionalist
traditional
conventional
orthodox
stable
old-fashioned
dyed-in-the-wool
unchanging
unadventurous
unenterprising
stick in the mud
A khiatna lehlam ahih kei leh a kibang lo (opposite):
Socialist
Liberal
Political context ah free enterprise, private ownership leh socially conservative ideas gum pawl hi napi-in tu lianin American President Donald Trump bang free enterprise langpangin sum leh paai bawlna siah (trade tariffs) lak a pat manin trade wars piangsakpa hi zawsop hi.
Conservative kibatpih (similar):
right-wing
reactionary
traditionalist
unprogressive
establishmentarian
blimpish
ultra-right
fundamentalist
alt-right
Tory
Republican
true blue
ISIS leh radical extremists Islamic terrorist groups, Taliban group, al-Qaeda group, Boko Haram group, Hindu extremist groups, Buddhist extremist groups cihte zong conservative vive mah hi uh a, right-wing, fundamentalist mah ahi uh hi. Kawlgam Zomite zong military junta leh Buddhist conservative or right-wing influence nuai-ah khangkhia kitam ahih manin conservative party ahi Republicans party ideologies suuksiatna teng a pumgup leh a sihpih ngam liangin Christianity banga ngaihsun kitam mahmah mawk hi.
Political party bel a kuapeuh in gup leh deih kinei tek mah a, ahi zongin i biakna zuih Christianity zahin political party khawng peuh va ngaihsutna zawzen liang pen tawta lungsim leh lungsim kawcik vai lua deuh sam hi. Gal leh sa ding, mi muhdah ding zon'na bang liang bekin politics uk kitam bilbel hi.
Eima political ideologies leh makai deihte 100 percent hong letthahpih lo leh pum guppih lo peuhmah i gal leh dawi bangin a ngaihsun zanzan pah kitam lua ahih manin a zumhuai banah dahhuai lai mahmah hi. Khantoh gim zong nam het lo hi. Politics pen political ideologies zangin thuneihna (power) kituhna platform hi bek a, biakna kisai kha kiuhkeuh lo hi. Na political ideologies biakna zahin na ngaihsut leh na biakna pen politics a suaksak khin na hi zo hi.
@ Thang Khan Lian #ZUNs reports
No comments:
Post a Comment