A TANU PASAL NEIH NI-A A PA' KAM VAIKHAKNA

A TANU PASAL NEIH NI-A A PA' KAM VAIKHAKNA

🗣Na pianna inn, na pa' kiang panin na pasal kiang zuanin na paikhia ta ding hi. Tua ahih manin hih thute puan bangin silh den in.

🗣 Ka thu sangin na pasal thu ngai zaw in,bang hang hiam cih leh a tawntunga na ompih den ding hi zaw hi.

🗣 Na omna inn ah na lungsim khempeuh pia in la, na nutsiat na inn lunggulh in nunghei kei in. Innkuan buaina piangsak thei hi.

🗣Na pasal it in la, zahtakbawl in. A pasal it a, a zahtak siamte nungkik ngei lo uh hi.

🗣Na pasal ii hong theihpih loh in na nu leh pa, an themkhat zong hong pia kei in, guta na suak kha ding hi.

🗣Na pasal a lawmte tawh a omkhop hun uh ciangin nang hong sam a,hong paupih uh ahih kei leh neh kei inla paupih kei in.

🗣Na pasal tungah lungkim lohna na neih ciangin aw ging tawh tawng kei in la, aw nem takin gen in.

🗣Na pasal sim loh pasal dangte tungah na mit tawsak kei in.
Na pasal tunga na hehnate kei leh na nu tungah hong gen kei in. Na pasal ka mukhial kha ding uh hi.

🗣Na pasalte innkuan sung bek ah na pasal kicin lohna leh na lungkim lohnate gen in. Tua in na teekte tawh kipumkhatna a hoihpen ahi hi.

🗣Na nu leh pa, na suahpih sangngamte sangin na pasal' nu leh pa, a sanggamte it zawh sawm zaw in. Tua in nupi picing hihna kilahna ahi hi.

Credit: Zomi Thupuak