INDIA IN SUKHOI VANLENG PANIN BRAHMOS MISSILE LAWHCING TAKIN TEST; TACTICAL CRUISE MISSILE TRIAD TUN ZO

INDIA IN SUKHOI VANLENG PANIN BRAHMOS MISSILE LAWHCING TAKIN TEST; TACTICAL CRUISE MISSILE TRIAD TUN ZO

Nov. 24, 2017: India in zanhal (Nov. 22) in two-stage air-launch version BrahMos supersonic cruise missile a khat veina dingin Indian Air Force-te Su-30MKI vanleng panin test a, a ngimna muitumna mun Bay of Bengal kap a, lawhcing takin test thei hi. BrahMos pen multi-platform, multi-mission missile hi a, lei, tuipi leh huih lak panin India in lawhcing takin test thei ahih manin tactical cruise missile triad ah kihel kha ta hi.

"Su-30MKI vanleng panin Brahmos Air Launched Cruise Missile (ALCM) lawhcing takin test a kineih theih manin IAF stand-off ranges panin huih lakah a galdona dingin air combat operations capability dong tungsak ta hi," ci-in Ministry of Defence in a statement ah pulak hi.

Brahmos ALCM gikna pen 2.5 tonnes (2,500 kg) hi a, India’ Su-30 fighter aircraft a galvan kizang lakah a gikpen hi a, a missile range 290km hi. BrahMos air-to-surface cruise missile rages pen 450 km hi a, Missile Technology Control Regime (MRCR) in ciangtal a bawl manin a original range pen MRTC limit tawh kituakin 290 in kibawl hi. MTRC ah June 2016 in India a kihel khitin a range a hatzaw 450 km in kibawlpha a, a sawt loin 600km range in kibawl ding hi.

Missile pen nam tampi a om tei hangin lei lak, tuipi lak leh huih lak (land, sea and air-based launched) panin lawmkhia theite gamte bek tactical cruise missile triad kici ah kihel a, nuclear zong land, sea and air-based launched theite bek nuclear triad kici a, tuate lakah India zong kihel ta a, BrahMos missile zong land, sea ans air-based panin lawnkhia thei ta hi.

“Brahmos world class galvan pen mun tampi leh na tuamtuam panin kilawnkhia in kizang thei (multi-platform, multi-mission role) hi a, leilak, tuipi leh huih lak panon kilawnkhia khinzo ta ahih manin India in tactical cruise missile triad zo ta hi” ci-in Ministry of Defence in a statement ah pulak hi. Lei leh tuipi a kizang "land and sea variants of Brahmos" pen Indian Army leh Navy ten zang khinzo ta uh a, MTCR ah Inidia a kihel khitin a range 290km panin 450km upgrade kibawl hi. BrahMos pen India leh Russia kipawlkhawmin a bawl hi a, India gam-a Brahmaputra lui leh Russia gam-a Moscowa luite panin a min kitom lakin BrahMos kiphuak hi.

BrahMos hatna pen aw sangin 2.8 vei hatzaw i.e. 2.8 Mach surface attack missile hi a, Indian Navy ten June 28, 2008 panin zang ta uh hi ci-in Prime Minister lui Man Mohan Singh in pulakkhia hi. 2003 panin teembaw kapsiatna dingin BrahMos trials na kipan ta a, Odisha tuipi pang Bay of Bengal ah 2004 in zong kitest kik leuleu hi. 2005 panin galdona a zat ding combat trials na kipan hi. Indian Army ten June 21, 2007 in na zang uh a, President lui APJ Abdul Kalam in BrahMos bawlna ding pen Russia tawh 1998 in thukimna suai a kaih manin BrahMos khaici na tuh hi. Submarine a zat ding BrahMos variant March 20, 2013 in Vishakapatnam tuipi pang Bay of Bengal ah underground platform panin a tung lam in (vertical) in lawhcing takin kitest hi. Leitung adingin underground platform panin supersonic cruise missile vertical launch masakna pen hi lai hi.

Source: The Hindu
@Thang Khan Lian #ZUNs