IS TEN ANTI-TANK MISSILE TAWH HOMS A SUAMNA UH-AH RT STRINGER SI HI CI

IS TEN ANTI-TANK MISSILE TAWH HOMS A SUAMNA UH-AH RT STRINGER SI HI CI

Aug. 4, 2017: Syria gam-a kithat Russian Today (RT) Arabic broadcaster a stringer (freelance journalist) Kaled Alkhateb pen IS ten tank kapsiatna missile (anti-tank missile) tawh Syria kumpi in ISte khut sung pan a suahtaksak uh khua khat ah a suamna uh-ah si hi ci-in Syrian Defense Ministry in Nipini in Sputnik newste kiangah gen hi.

Kiginni in bel RT broadcaster in RT Stinger Alkhateb pen Homs province nitumna lam ah IS ten rocket a kap un kha a, si hi ci-in pulak hi. Syrian Information Ministry palai (representative) in zong ISte suamna ah RT news-te Alkhateb si a, RT cameraman khat in zong liamna tuak mah hi ci-in Sputnik newste kiang gen hi.

"Nung diakin Syria galkap ten ISte khut sung panin a suahtaksak uh Hom province IS ten anti-tank missile zangin a suamna uh-ah RT Arabic correspondent Kaled Alkhateb in sihna tuak a, RT Arabic cameraman khat in zong liamna tuak hi," ci-in source in ci hi ci-in Syrian defense ministry in pulak hi.

Kaled Alkhateb' social media accounts ah amah pen 1992 in piang a, RT Arabic broadcaster ah correspondence in June 12, 2017 panin na sem hi cih tuangsak hi.

#Bottom line: En gal thupiang leh news khawng news panin sim in, YouTube leh Live TV news coverage khawng panin sim in, i et hithiat hangin thuthak hong puakte leh thuthak kante pen hih bangin gal lakah hangsan takin va kuan in, a nuntakna nangawn uh suplawh ngam uh hi. News khempeuh Fake News cih lanlan ngawm ziauziau khawng pen a tawta huaina leh a mawl huai dan thei leng hi peuhmah leng i paukhiat ding a maizum kitam mahmah ding hi.

Source: Sputnik
@Thang Khan Lian