ZOLIATE' THEIH DING THUSIM NO KHAT

ZOLIATE' THEIH DING THUSIM NO KHAT 

Ken thu khat hong gen khiankhian ning maw...
Pu Lengtong Kam Khen​ in zong 
Ong gen nai loh ding thu hi.  

Zoliate aw zunbuk kician om lohna munte ah,
Na hawh/pai khak ciangin niik na teng zaw mai ta un. 
Mi li, mihon in zun na thak khawm hangun,
A dawk ding khiam tuam zo tuan lo hi uh teh. 

Niik mah teng tentan le uh cin maw...
Zotaang pil ten hong en zaw ding uh a,
Zotaangte' nu ten zong maw...
A mo dingun ong deih tuam zaw pah ding uh hi. 

Hih thusim bel namdangte na hilh sawn sese kei un maw...
Deihsak luat manin leh veina a luat man bek bek hi zaw hi.
Zo ngeina na zuuna uh leh na lahkhiatna uh zong hipah ding a,
Lah ding lo teng a lak hilo zaw in Zo ngeina a lak na hi pah ding hi. 
Zolia na hih man bek un a mawkna in kong gen khiankhin hi bek hi.

Mial hi, kuamah in ong mu ken teh na cih lai tak in, 
Mawtaw mei in hong sal vat ding maw?
Khua hong phia zalh ding maw?
Cih thei khol lo hi teh...Kidawm in....kong it Zoliate aw.
Na mit na sit hang, na lu na sel hang... dawk veve hi.