RUSSIA IN PACIFIC TUIPI TUNGAH A SAWT LOIN TU-95MS LEH TU-M3 STRATEGIC BOMBERS VANGLENGTE LENGSAK TA DING

RUSSIA IN PACIFIC TUIPI TUNGAH A SAWT LOIN TU-95MS LEH TU-M3 STRATEGIC BOMBERS VANGLENGTE LENGSAK TA DING

Oct. 6, 2016: Russia in long-range bombers vanleng Tu-95MS leh Tu-22M3 strategic bombers vanleng division thakte Japan leh Hawaii huihkhua (Russian Far East air space) cing dingin Pacific Ocean tungah a sawt loin lengsak ta ding a, hih vanlengte Japan – Hawaii – Guam triangle tungah lengsak ding hi ci-in Izvestia in suaksak hi. Hih vanleng divisions thakte bawlkhiat ding pen kiman dek mahmah ta a, Eastern military district leh Central military district cing dinga kilengsakte dan mah kizang ding hi ci-in Russian Defense Ministry in gen hi. Military experts ten hih vanleng thakte Russia in a bawl ding vai pen US in "Pivot to Asia" ci-a Asia gamah mit suan in, galkap a koihkoih pen Russiate a lungsimvut (serious) a, amau hatna lak nuam in US leh Asia-Pacific gamte tungah ko zong hih munte lunglut mawh lo hi ung cih a lahna uh hi ci uh hi. Russian Aerospace Forces ten nung kum in Syria ah Tu-160, Tu-95MS leh Tu-22M3 bombers vanlengte a zat khit nung Russia in gamdangah vanleng lian mun gamlapipi bomb khiatna vanlengte a zatna uh a nih veina suak ding cihna hi.

Russia in bomber vanleng division a bawl/zat thak dingte pen strategic leh long-range bombers vanleng hun khop (dozens ci ziau hi) hi dinga, Irkutsk leh Amur kiim ah koih ding hi. Soviet Union a kikhen ma-in long-range bombers vanlengte pen US strategic bombers valeng koihna leh Hawaii a USte teembaw koihna, US ten Japan gam-a a galphual Guam Island (Far East kicihna lam tenga USte galphualte) ngimna dingin kizang hi ci-in military historian Dmitry Boltenkov in Izvestia newste kiangah gen hi. Tua banah tua hun lai-in Soviet bomber vanleng ten missile pua in, galte panmun lim takin va vel den hi ci-in gen a, tua bangin a kilen'sak pen 1990s leh 2000s kum bul pawlin kikhawlsan hi ci-in gen beh hi. Tu-in hih bomb khiatna vanleng golte Japan-Guam-Hawaii triangle ah kilengsak kik ta ding hi ci-in gen thuah hi.

Kum 2014 a kipanin Russiate Tu-95MS bombers vanlengte Japan tuipi pang (coast) kiim tengah kimu mun mahmah a, Russian “Bears” (NATO ten Tu-95MS a cih) ten galte vanleng leng dingte na khak tan in, na buaisak (intercept) hi. November 2014 in Tu-95MS bombers vanleng nih in USte tuikulh Guam (Western Pacific) kimkot in va leng a, USte huihkhua (airspace) ah bel va lenglut lo hi. Guam pen US gam lian ahih loh hangin 1898 pek panin US ten amau aa bangin zangin galphual dingin zang uh hi. Russia in Pacific ah galvan hoih sem a koih sawm pen USte "pivot to Asia" geelna a lungsimvut (serious) hi cih lahna hi ci-in Center of Strategic studies think tank leh expert Anton Tsvetov in Izvestia newspaperte kiangah gen hi. Asia ah sum bawlna lamsang ah Russia a hatna dingin gamlapi a pai ding a kisap lai hangin Russia in galvan lamsang nasia takin khangsak nuam in, tua kiim bitna ding (regional security) leh Asia gamah gam khat bek a vanliat tuam ding deih lo hi cih kitel hi ci-in gen beh hi.

-Sputnik