LAIKUNG KITAN LEH NUNTAKNA-A I BUAINA

LAIKUNG KITAN LEH NUNTAKNA-A I BUAINA

*Laikung (pencil) a kitan ma-in a muk khat guak lam bek kizang thei hi.
A kitan ciangin a zatna ding a bei hi pah lo a, a kitanna mun suizum kik leng,
Mun nih ah kizang thei a, a kitan ma sangin a kizat theihna tam zaw lai hi. 
*Nuntakna pen bukim hun nei loin, hoih den lo a,
Nisim naisim in buaina tawh kidim den hi.
Ahih hangin buaina pen a tawpkhong leh nuntakna a beina hi pah lo hi.
Buaina i tuahte tung panin thasan thei leng nuntakna bulpi taktak a kipatna leh,
A tangzaizaw in i nuntakna a kipatna suak thei a,
I nuntakna ah buaina i tuahte pen thalakna dingin zang thei leng,
Nuntakna a tuampi a kipatna bulpi suak thei zawsop hi.
Haksatna leh buaina palsuak zo in a mainawt thei a,
A mainawt zote leh haksatna pan in tha la theite pen,
A gualzote leh a lawhcingte na hi hamtang zaw den hi.