CITPIAKNA DINGIN A GUK KHIATSA TENG A PIA KHIAPA

CITPIAKNA DINGIN A GUK KHIATSA TENG A PIA KHIAPA

Hih a nuai a maante sunga pa pen Hamja Benddeladj ahi hi. Bank tuamtuam 217 hack in, sum $ 4000 million guk khiatsak hi kici a, a sum khempeuh Palestine leh Africa gam-a mi cimawhte huhna dingin a vek in pia khia hi ci-in ‘’Engineer Banke Kya Milla Baba Ji Ka Thullu’’ in suaksak hi. News pawl khatin bel a citpiak khiatna pen Palestine gam bek in tuangsak hi. Palestinete ading bekin $280,000,000 pia khia hi.

Hamja Bendaladj pen Tizi Ouzou khua, Algeria gammi hi a, Sept.21, 2015 in kum 27 mi, computer science graduate ahi hi kici hi. A sum guk khiatnate pen American banks leh financial institutions tuamtuam pan ahi hi. Hamza Bendelladj pen a citpiak khiatna (charity gift) hangin "Robin Hood-esque hero" kici a, cyber siam ten bel "Cyber-age Hoodlum" ci uh hi.

2009 -2011 kikal sungin Hamja Benddeladj in bank tuamtuam adingin supna lianpi guan a, 2013 in Thailand gam-a Bangkok khuapi-a Suvarnabhumi Airport ah kiman hi. 2015 Sept. in US Department of Justice in thukhenna mai-ah dingsak in, $14 million liausak in, kum 65 sung thong kia dingin dan pia hi. Bangkok ah a kimat in nui veuveu leh ahih manin, "Happy Hacker" cih min ngah hi. Aman computer 1.4 million hack sak hi ci-in San Francisco-based technology magazine in gen hi.

Hamza Bendelladj kikhailum hi cih news manlo leh mi up theih dingin kiphuaktawm (hoax) a, kikhailum hi ci-in kisuaksak gawp ngeeingeii hi. A nuai-a a kikhailupna maan kizang a, a kikhailup dingin a gamtatna kisik vet loin nuih kawm in kikhailum hi ci-in kisuaksak ahih manin mi tampi mah in a kikhailum mah sa uh hi. Cyber crimes pen sihdan (capital offence) piak ding zah in thukham om lo ahih manin kikhailum lo hi.

#Internet khawng ah hoax news leh photoshop kipost tam lua ahih manin up khit pahpah ding hipah lo hi.

Source: Al Jazeera/HOAX OR FACTS/Engineer Banke Kya Milla Baba Ji Ka Thullu photo