US BOMB KHIATNA GAMTE: LEITUNG KIMKOT IN AMERICAN DEMOCRACY' KHUALZINNA GAMTE
A nuai-a gamte ah US in nautangte bomb a phengkhiatna gam pawl khatte leh a kumte kigelh hi. Hih America ngongtatna thusim na zak ngei kei leh Fb account na hon zawh news a sim kha pan leh politics (nainganzi) a cih a uk pan pawl na hi kha peelmawh ding hi.
America in 33rd US President Harry Truman in Truman Doctrine a kici March 12, 1947 in Congress ah Soviet geopolitical kikeek behna a dalna dingin "containing Soviet geopolitical expansion" a cih America in foreign policy in zat dingin a pulak zawh US in gamdangte gam sung vai (internal affairs) toknawi, buaisak leh va mot sim hong kisan pha diak uh hi.
Global Research, Transcend Organization, Pars Today cihte in reports ah, "U.S. Regime Has Killed 20-30 Million People Since World War II" cih thulu zangin March 2018 in Galpi Nihna a bei zawh US in a regime change foreign policy uh zangin leitung gam 50 valte ah mipite teelcing kumpi (democratically elected governments) 50 val a lotthalna, dictatorship regime zangin gam uk dictators minthang tuamtuamte kipawlpihin a gupna leh nungthuapna thu, gam 50 valte ah a va kigolhna ahih kei leh a simna hangin mi 20-30 millions kikal sihna piangsak khin zo hi, ci-in a gam tuamtuamte ah a va kigolhna ziate lim takin research-based reports kician takin na suaksak hi.
US in a democracy uh tawh leitung gam tuamtuamte ah a khualzinnate ah bombs a pheng khiatna a nuai-a gamte lakah Iraq (2003-2015), Afghanistan (2001-2015), Pakistan (2007-2015), Somalia (2007-08, 2011), Yemen (2009, 2011), Libya (2011, 2015), Syria (2014-15) ah United Kingdom tawh kipawl ngekngek uh hi. A nuai-a gam 32 kiimte ah America bomb khiatna tawh a democracy khualzinna gamte ah a milip pha pen leitung bup milip phazah seh thum suah seh khat ten'na gam hi. Tawm vet lo hi!
Russia in 1991 in Soviet Union panin a lengkhia innveng Ukraine ah US-led NATO in Soviet expansion a deih loh bangin NATO expansion deih loin leitung gam tuamtuamte amau kigolh leh phengtat bangin a dalna dingin va gamtat ciangin nitumna gamte media, US makaih NATO leh uino bangin a ut bangbangin a pei zawh (puppet) Jewish Ukraine president leh commedian Volodymr Zelensky' bum tuakte naungek bangin hong kah zakzak leh gam khat a kiim a kianga a gamtatna in international laws palsat hi, a cih un bum tuak a bang na tam mahmah bilbel lai vanglak hi. US leh a pawlte in democracy a gawh lup kawikawina uh leh international laws a pheng palsat kawikawinate uh a seelna dingun a beisa leh tu hunin a ngongtatna uh Ukraine buaina vai-ah mi hoih hong kineihkhem (hypocrisy) tawn seisai in Russia bek beelmang nuhna tawh leitungah laisim mel lo teng, thuman mumu napi-in a um lo teng khem nop sa bilbel vanglak un teh.
A nuai-a gam min om zah ah Russia in bomb va pheng khiatin, va sim kawikawi hi zen leh kaat leh meikuang tawh Russia a hangkeu nuam ei mite zong na tam tuak lai bilbel uh a, democracy paulapin hong hing khem niloh "mother of terrorism" America leh a kaih zatamte in a huih mutmutna lamah a kiniil tuipaan a bang, a suk hoi a to hoi kawikawite hong hoi sak gawp zawhna leh hak gega kawmpipi a hong hing khemna uh panin democracy a kilamen niloh na tam lai bilbel hi.
Truman Doctrine of containment of Soviet geopolitical expansion (tu in US regime change foreign policy a kici) kici tawh Cold War hunin leitung gam tuamtuamte ah democratic process tawh kituakin mipite teelcing kumpite (democratically elected governments) tuamtuam va lawnthal, dictators ngongtat in a minthang vangvang tuamtuamte gumin ukna a buluhna (coup d'ètat) ah va huh or va kigolh kawikawi, a government cialna, UN Security Council resolutions phalna om lopi-in US galkap sawlin a va simna uh, illegal occupations tawh na luah khum kawikawite uh lakah amau gamveng ah a thuakkha pawl khatte hih bangte hi:
Argentina (1976 coup), Bolivia (1971 coup), Brazil (April 1964 coup), Chile (1973 coup), Costa Rica (1917 coup), Cuba ah 1952 coup coup makai 1959 dong a ukcip Cuban dictator, Gen. Fulgencio Batista, 17 Apr. 1961 – 20 Apr 1961 kikal Cuba ah Fidel Castro'government lotthal ding ngimna in Cuba a va simna uh Bay of Pigs invasion a kici, Dominican Republic (September 1963 coup), Guatemala (1974 coup), Nicaragua illegal occupation by US forces 1912-1933, Operation Just Cause a cih zangin Panama gam mid-December 1989 panin late January 1990 va sim, Paraguay ah Alfredo Stroessner in 1954 panin 1989 dictatorship tawh a ukcippa gum in kipolhpih leh tawholh den napi-un 1989 coup ah "traditionalist faction" of the Colorado Party gum in Stroesser va lawnthal zawsop zel uh hi.
Asia leh a diakin South East Asia ah Amerikistan regime ngongtatna leh democratically elected governments lawnthal in dictators a gupna uh South Korea, Cambodia, Laos, Phillipines, Thailand, Vietnam, banah tu dong Egypt leh Thailand ah dictators a pum gupna uh bel gen dah mai ni maw? Ei Southeast Asia leh i gam kiim-a thupiangte beek thei tek buang ni. Gen kikkik kisam kei.
Tu tung Ukraine buaina zong NATO membership deihin a innpi galbawl sawm, a gam leitang US leh NATO gamdangte galkapte leh galvan kihtakhuaite sengna mun NATO gamte in a ut bangbangin a pei zawh uh Zelensky a suahsak sawm ciangin Ukraine mipite in thuaklawh kha zawsop uh hi. Cold War hun-a piangsa mikangte paunak ah, "history repeats itself," a cih dan a piang toto hi bek hi. A zuau ngei lo LST in, "A omsa mah bangin hong piang kik ding a, a kisemsa bangin hong kisem kik ding hi. Leitungah a thak na khat beek om lo hi,"ci-in Thuhilhna 1:9 ah a gen zuau lo hi.
16th US President Abraham Lincoln in, "You can fool all the people some of the time, and some of the people all the time, but you cannot fool all the people all the time," na ci hi. Tua mah bangin international palsat citciat amau national security leh national interests tawh a kituah loh ciangin international laws palsatna hi, cih tawh leitungah mi pawl khatte na hing khem niloh zawh hangin, mi khempeuh bumleng aileng piakna tawh zuau bulomtang zangin khem khit zawh ding hilo a, baih lo ding hi.
American reformer, educator, author, orator, US presidents-te adviser in a pang Booker T. Washington in, "A lie doesn't become the truth, wrong doesn't become right, and evil doesn't become good just because it's accepted by the majority," na ci hi. A tam zawte in hong letkhat zawh pong hangin zuauthu thuman, a man lopi a man, a gilo mi mihoih suaksak zo tuan lo hi. Thuman thutang in a siik/lang khat bek leh mit khat bek nei lo hi.
No comments:
Post a Comment